لا تترك يدي بقلم الكاتبتين __هاجر ابراهيم وأمل احمد سلوم__

الجزء الثامن

#لَأّ_تّــتّرګ_يِّدِيِّ ،،،،
#الجزء_الثامن
#بقلم_امل_احمد_سلوم
#هاجر_ابراهيم

مَن بين الأيادي اللي انسَحبت و الأيادي اللي أنمَدت كانت يديكِ تكفيني دائمًا💜🦋.

ببيت فؤاد وبتجمع عائلي بسيط ضم بعض الاصدقاء  كان الكل مجموع حوالين امير وهو ماسك بإيد فؤاد والشيخ قاعد بالنص وبيلقنهم الكلمات لتصير سلام حلالو عسنة •اللّـہ̣̥ ورسولو  ..
الشيخ: الف مبروك ..بالرفاه والبنين انشالله ..
ردو: •اللّـہ̣̥ يبارك فْيَگ ..
فؤاد : مبروك ابني انا هلأ شلت سلام م̷ـــِْن رقبتي وصارت برقبتك صونها ودير بالك عليها متل زمان

اتجمعت الدموع بعيون امير ومسك ايد فؤاد وباسها، ،،،، سلام بعيوني عمي
ياسين: الف مبروك شريك
امير:  تسلم ياسينو عقبالك
ياسين : بوجودك حبيب

حول امير نظرو واطلع بـ ابوه اللي كان واقف ودموعوا بعرض وجهوا
انتفض جسم امير وحس برعشة غريبة جواته وبدون مايحس وقف وحضن ابوه لاول مَـرّھٌ م̷ـــِْن بعد كل هالسنين
منصف : مبروك يا ابني ياريت امك كانت معنا بهاليوم
امير :•اللّـہ̣̥ يبارك فْيَگ ابي، ، امي ماغابت امي بروحها معنا

هيفا : ايييه شبكم قلبتوها مناحه نحنا جايين نفرح بعدلي هيك منصييييييف بعد عن ابن اختي

زاحت هيفا منصف وضمت امير وانفجرت بالبكي، ،، مبروك ياعمري انت
امير : شبنا خالتي نحنا جايين نفرح
هيفا «ضربته ع كتفه» هي دموع الفرح يوه
منصف« همسلا » اي امسحي وجهك الكحله ساحت
هيفا : يوه عنجد وينا مرايتي
منصف : مافي فايدة فيكي

كان الكل مبسوط وفرحان عدا سامي اللي بقي واقف بعيد وراكي حاله عالحيط ومكتف ايديه وبيرمق امير بنفس نظرات الكره القديمة
سامي «بقلبه» والله ماعم صدق انها اختي تتجوز هالسكير الواطي •اللّـہ̣̥ يسامحك يابابا

اطلقت صفاء زغرودة وتبعتها زغاريد قريباتها وهنن مبسوطين وبلشو يباركو لسلام ويبوسوها ..

صفاء : مبروك امي •اللّـہ̣̥ يسعدك ويهنيكي
سلام «ردت بخجل» •اللّـہ̣̥ يبارك فيكي ماما

دمعوا عيون زينة وقربت م̷ـــِْن سلام  وضمتها: انشالله الف مبروك سلام والله ماعم صدق عيوني طالعه متل القمر  ..
سلام : تسلمي لقلبي زينة •اللّـہ̣̥ يبارك فيكي وعقبالك  ..
زينة : « اطلعت ناح سامي وابتسمت » ان شاء الله ياروحي بوجودك ..

بعدت زينة عنها واطلعت سلام بطرف عينها ناح امير وبس انتبهت انه بيطلع فيها زاحت عيونها بخجل
زينة :ههههه يقبرني الخجلان
سلام :هصص فضحتينا
هيفا: ڵـڱ تعي ياروحي لحضني ياريتو الف مبروك

بكل حب حضنت هيفا سلام وبوستها عالخدين وغمرتلا خدودها بين ايديها

هيفا «دمعو عيونها» انتي هلأ صرتي وحده مننا يعني بنتنا وكنتنا وان شالله مابتشوفي ظيم بحياتك ويسعدك انتي وابن اختي
سلام : تسلمي خاله
هيفا « كشرت» شو هي خالة هازه بسريرك ليكون بتناديني هيفا او هيفوو شو حكولك عني ختيارة
صفاء : ههههه ڵـڱ هيفا العمر مابيخبي حاله
هيفا : والله يابعدي احكي عن حالك انا بعدني صبية بنط عالارض نط