حبيبى القاتل( سلسلة عشق الزعماء) الجزء الثانى كاملة

الجزء السابع

الجزء السابع
فى الصباح الباكر ب فيلا أمير داهمت الشرطة العسكرية وقاموا بإمساك أمير ووالده حاتم تابعتهم زوجة أبيه بشماته وهى تربع يديها
حاتم بحيرة والد أمير وهو مكبل الأيادى:
فيه اى ازاى تمسكونا بالطريقة دى
قال ضابط الشرطة وهو يقوم بسحبه بعنف هو وأمير الذى تابعهم بهدوء:
هتعرف فى القسم يا عين امك قدامى
طالعه أمير بحدة وقال ببرود بعد أن ابعد يده:
إبعد إيدك وإلا هتشوف وشى التانى أنت فاهم
أبعد الضابط يده وهو يطالعه بسخرية ف سار أمير معه دون الحديث ليعلم ما دبر له تيم هذه المره
ب كوريا تحديدا غرفة شهد التى لم تخرج من غرفتها مطلقآ دلف شين الغرفة ثم قال بحنان وهو يربت على شعرها :
منزلتيش تاكلى ليه
شهد بإبتسامة مصطنعه:
مش جعانه
شين بجديه ونبرة مليئة بالغضب:
شكلك زعلانه مينى قالتلك حاجه
نفت شهد رأسها وقالت بسرعه:
لا مقالتش حاجه أنا مشوفتهاش أصلا .تيم وحشنى علشان كده زعلانه
قالت جملتها الاخيرة بخفوت فقال شين بتنهيده عميقة بعد أن أومئ رأسه بتفهم :
متزعليش هنبقى نكلمة عاوز أقولك حاجه ولازم تنفذى
طالعته شهد بفضول بعد أن ربعت قدمها على الفراش:
مينى ملكيش أى علاقة بيها مش عاوز أى إحتكاك بينكم فاهمه كلامى يا شهد
قالها بصرامة بعض الشئ شهد بتسأل:
ليه دى لطيفة وبعدين مش مراتك
شين بحدة:
انا قلت اى كلامى يتسمع
أومئت رأسها بطاعة فقال بإبتسامة صغيرة :
برافو عليكى ودلوقت جهزى نفسك لاننا هنخرج
شهد :
هنروح فين علشان اللبس
شين بجدية:
هتعرفى بعدين جهزى نفسك ألبسى فستان وأنا هستناكى تحت ماشى
أومئت رأسها فخرج من الغرفة لتبديل ثيابه هو الأخر .
ب منزل تيم
جلس على كرسى مكتبه بأريحة وابتسم بشماته وهو يشاهد الاخبار ب اللاب توب أخرج هاتفة وقال بكل هدوء ل أرسلان الذى يستمع له بإستغراب:
فين جاسم
أرسلان بجدية:
مش موجود عندك اخر مره كلمته قال انه جايلك
تيم بشك:
خلاص هكلمك تانى يلا سلام
قالها وأغلق الخط للتحدث مع جاسم فوجده مغلق جعد حاجبه ثم حدث احد الارقام الموجودة وقال بغضب:
هو فين
المجيب بجدية:
فى أستراليا يا باشا
بيعمل اي
قالها تيم وهو يرفع حاجبه
المجيب بخجل بعض الشئ :
هبعتلك صورة
قالها وقام بإرسال بعض الصور له قام تيم بفتحهم وهو يشعر بالفضول نظر لهم بصدمة وقال بإبتسامة ساخرة عندما رأه مع فتيات شقروات :
دا أنت هايص بقى وسايبنا للهم والغم
ابتسم ابتسامة صغيرة ثم قام بوضع يده على معدته لانه شعر بالجوع دلفت جويرية الغرفة بعد أن سمح لها بالدلوف ثم قالت بخفوت دون النظر له:
الاكل جاهز
قالتها وذهبت لغرفتها وهى تلعن نفسها لانها تهتم به إبتسم إبتسامة كييرة ثم ذهب للمطبخ وجد الطعام موجود لكنها لم تكن موجودة تنهد تنهيده عميقة ثم سار ببطء لغرفتها
بقسم الشرطة
قال أمير بهدوء لظابط الشرطة وهو يربع يده :
ممكن أعرف احنا هنا ليه وإى هى القضية بتاعتنا
حاتم بسرعة :
أيوا من حقنا نعرف إحنا هنا ليه
قبل أن يتحدث أوقفة صوت رقيق يقول بحده وهى تطالع حاتم:
إسمحلى أتكلم يا حضرة الضابط