حبيبى القاتل( سلسلة عشق الزعماء) الجزء الثانى كاملة

الجزء الثامن عشر

الجزء الثامن عشر

منزل كمال خال جويرية

غرفة وليد الذى دلف غرفته وجد فاطمه تتحدث على الهاتف بصوت منخفض نظر لها بشك لكنه اخفاه لانه رأها تطالعه بهدوء قال بهدوء مزيف:
كنتى بتكلمى مين

فاطمه بإبتسامه مرتبكه بعد ان تجاهلت الاجابه على سؤاله :
ممكن أخرج النهارده عندى مشوار مهم

نظر لها قليلا ثم أومئ رأسه ببرود ثم قال :
هوصلك مش هتعرفى تروحى لوحدك

فاطمه سريعآ:
لا هعرف متقلقش عن اذنك

قالتها وخرجت من الغرفه سريعآ وهى تفكر يجب أن تتحدث مع خالها لان الامر هام بعد قليل وصلت الى مكتبه ترددت كثيرآ بالدلوف لكنها دقت على باب الغرفه ثم دلفت عندما سمح لها بالدلوف

قال كمال بإبتسامه وهو يقف أمامها:
خير يا حبيبتى محتاجه حاجه

قالت فاطمه بجديه :
انا هقولك على حاجه بس مش عاوزاك تتعصب

سحبها معه ثم جلس على الاريكه واجلسها جواره وقال بحنان :
سامعك ياحبيبتى احكى

بدأت فاطمه بالسرد اما هو استمع لها بهدوء مزيف عندما انتهت قالت بخفوت:
خفت اقول ل وليد انت عارف انه عصبى

اومئ رأسه بتفهم ثم قال بعيون مشتعله من الغضب:
متقلقيش هتصرف أنا لو كلمك تانى جاريه بس

اومئت فاطمه رأسها ثم استئذنت خالها وهمت بالانصراف لكنه اوقفها بقولة :
فاطمه

نظرت له بهدوء فقال بإبتسامه صغيرة :
وليد بيحبك اوعى تخسريه يمكن عصبى بس قلبه طيب

اومئت رأسها ثم خرجت من غرفة المكتب وهى شاردة حتى انها لم تنتبهه على نبيله واصتدمت بها نبيله وهى تمسكها :
مالك يا حبيبتى انتى كويسه

اومئت فاطمه رأسها وقالت بإحراج :
اسفه مأخدتش بالى

نبيله بحنان:
حصل خير ياحبيبتى تعالى معايا عاوزه اتكلم معاكى فى موضوع

سارت فاطمه خلفها بفضول دلفت نبيله الى غرفتها وقالت وهى تجلس:
هحكيلك على الماضى بتاع وليد بس قبل ما اتكلم الكلام اللى هقوله هنا مش عاوزاه يخرج برا الاوضه دى انتى فاهمه متخلنيش اندم انى قلتلك

فاطمه بنبرة جادة بها قليل من الحيرة :
متقلقيش ياطنط سامعه حضرتك

نبيله بشرود ونبره حزينه بعض الشئ:
من اتنين وتلاتين سنه اتجوزت عن حب ودا كان ابو وليد عشت اول تلت ستين وكنت مرتاحه بس واحده واحده لاحظت عن (عزمى) والد وليد انه بيتغير وبقى عصبى ومفيش اى حاجه بتعجبه رغم كده حبى مقلش ليه كنت دايما بقول انه ضغط الشغل لكن اكتشفت انه كان متجوز عليا لا وكمان واحدة رقاصه تخيلى دا حتى بعد ما اكتشفت وواجهته اعترف وقالى انه بيتاجر فى المخدرات والاعضاء وغيرهم انا كنت انصدمت حتى اليوم اللى قررت اتطلق فيه لقيت نفسى حامل واتراجعت عن قرارى لكن معاملته ليا بقت أسوأ من الاول وكمان كان بيضربنى قدام وليد ولما زهقت وقررت اتطلق أخد وليد و قيصر منى وهو كان لسه فى اللفه تخيلى سابلى ورقة طلاقى وسرق اولادى منى كانت حياتى اتدمرت بس شوفت كمال وحبيته ولما اتقدملى وافقت بس قلتله على الحقيقه رغم كده ما سابنيش وكمل معايا بس الحمدلله ربنا عوضنى بيه