احببتها هكذا بقلمي / خلود الجيد

الفصل الثامن تكمله " يوما مع حماتي المستقبليه ٢"🍓💖

هااااي
السلام عليكم ..احم عارفه اني اتأخرت في تنزيل البارت بس والله كانت فتره صعبه عليا جدا. وكان في مشاكل عندي فاطريت اجل الحوار بتاع الروايه شويه ..
وعلشان انتوا جدعان واتحملتوا هنزل بارت بعد دا عالطول
واهو بالمره نختم الشهر لان النت قرب يخلص عندي ..💔😹

"""""""""""""""""""""""""""""""

كل ده بيتكلم وهو باصص للورق وفيروز أدايقت من طريقه كلامه بس عارفه انه ليه حق
فيروز : أنا أسفه بس حضرتك المواصلات
قاطعها صوت المدير : أخرتك ؟؟

هنا هو بصلها وسكت لفتره أو بالمعني الأصح تنح
فيروز : فعلاً والله المواصلات أخرتني لولا كده كنت وصلت بدري أنا أسفه والله وحضرتك ممكن تشوف ال c.v بتاعي وتقراه كويس
هو انا أه لسه بدرس بس يعني أنا فعلاً محتاجه الشغل
ده بجد حابه أثبت نفسي حابه أثبت كفائتي ارجوگ فعلاً انا فعلاً مكنش قصدي أتأخر علي الأنترڤيو

فيروز لاحظت انه باصصلها وعنيه متوجهه عليها وهي مش عارفه تعمل أيه ! هي فكرت انه أكيد هيسخر دلوقتي من شكلها هي سعتها أتوترت وبصت ليه وقالت
فيروز : يا فندم! حضرتك معايا
المدير : هااا... أأه تقدري تسيبي ال c.v بتاعك وانا هخلي السكرتيره بكره تبلغك سواء اتقبلتي او اترفضتي
____________
اليوم التالي:-
____________
كنت نايمه وفجأه سمعت صوت المنبه المزعج يفوقني
أيه دا!! في إزعاج بالشكل ده!
قمت من النوم وانا مخنوقه كانت الساعه لسه ١٠
أنا اصلاً نمت متأخر علي كده بقا أكون صحيت دي كده معجزه !
انا داخله أستحمي وأخد دش وبعد كده هشرب يانسون علشان زوري واجعني أظاهر ان جالي برد شديد.... بعد ما خلصت دش أبتديت
أنشف شعري بالفوطه " الباشكير" وبعد كده فضلت واقفه قدام الدولاب بفكر ألبس أيه ؟!
فستان مشجر وردي ولا بنفسج ! ولا أسود مقلم !
ولا كحلي ساده .. روحت صليت الصبح وبعد كده
فضلت تعبانه من التفكير ومحتاره ألبس أيه لغيط اما قولت خلاص هلبس الكحلي وخلاص وأهو لون مبلبسوش كتير روحت كويته وبعدها علقته علي الشماعه ورحت أقول لماما اني هتأخر شويه واستاذن منها واقولها اني معزومه علي الغدا النهارده
أسيل : ماما.. يا ماما
ماما اسيل : في أيه بتنادي ليه يا أسيل
أسيل : ماما انا هلبس واخرج علشان اعدي علي فيروز اقعد معاها شويه
ماما : طيب يا أسيل
اسيل: اه ياماما صحيح كمان انا معزومه النهارده عند ناس علي الغدا... ماشي ها ماشي.. متعمليش حسابي بقا أني هاجي بدري يعني هرجع علي بالليل علشان انتي عارفه الأستديو بقي!
ماما:- مش مطمنه يا أسيل علي العموم هفهم منك كل حاجه لما ترجعي ! وخلي التليفون معاكي علشان اطمن عليكي كل شويه
أسيل : حاضر يا ماما.. عاوزه حاجه سلام!
دخلت قوضتي ولقيت الساعه ١٢ ونص يلا يدوبك الحق اصلي الظهر وألبس علشان أروح ..صليت الظهر وبعد كده لبست الفستان الكحلي هو الفستان كان طويل وبكم ونازل من تحت واسع ومن عند الصدر مزين ونزلت روحت لفيروز علشان برن عليها من امبارح واداني مغلق ودي مش عوايدها !
.....................
وصلت عند بيت فيروز برن جرس البيت فتحتلي مامتها
ماما فيروز : أهلا يا بنتي ! خير في حاجه ! مال وشك اصفر ليه
أسيل : لا مفيش حاجه يا طنط بس الدوا بيهبطني مش أكتر .. هي فيروز جوا ؟؟
ماما: طب أتفضلي يا ستي مش هتكلم علي الباب كده ! كده ميصحش ادخلي ..
أسيل : شكرا يا طنط
دخلت جوه وانا ببص يمين وشمال بدور علي فيروز بس غريبه مش لاقياها ياتري هي فين !
أسيل : هي فين فيروز يا طنط!
ماما فيروز: الأول تشربي أيه يا بنتي
أسيل : لا يا طنط مفيش لزوم انا مش عاوزه حاجه شكراً
ماما فيروز: لا يا بنتي مينفعش! مينفعش تكوني فبيتي ومتشربيش حاجه ..عيب انا رايحه أعمل كوبيتين شاي ليا وليكي عقبال ما تصحيها
أسيل : شكرا يا طنط.. بس فيروز فين
ماما فيروز : نايمه جوا مفتحتش الباب من امبارح من ساعه لما جت من مقابله الشغل دي
أسيل : هي عملت الانترفيو تبع الشغل !!
ماما فيروز : اه يا بنتي .. خدي راحتك البيت بيتك انا رايحه أعمل الشاي
أسيل: ماشي وانا هدخل لفيروز أصحيها
دخلت قوضه فيروز وانا بنده عليها بس الغريبه اني لقتها صاحيه مش نايمه ولا حاجه !!
أسيل : أيه دا أنتي صاحيه مش ناويه ! أيه دا مالك
مبوزه كده ليه ! يا بت فصدقه ! فيرووووز!
فيروز : هاا..أسيل انتي هنا من امتي !
أسيل : لا بقا دأنتي مش معايا خالص ! مالك يا بت أمك قالتلي أنك من ساعه الأنترڤيو وانتي قاعده في قوضتك وانا لما جيت لقيتك سرحانه
فيروز: مش عارفه اقولك ايه !بس انا بجد مش عارفه احكيلك حتي أزاي
أسيل:في أيه يا بت مالك وترتيني "
فيروز: مفيش حاجه بس انا لما وصلت هناك ودخلت متأخر واستهزأ بيا المدير هناگ وافتكرني بكدب لأن المواصلات مأخرتنيش !! وبصلي جامد وحكتله وقولتله اني محتاجه الشغل ضروري وأنا خايفه الشغلانه تتضيع او معرفش أشتغل مخنوقه اوي يا أسيل
أسيل : يا بنتي اهدي .. خير.. والله العظيم اللي ربنا رايده هيكونلك..وانا واثقه ان انشاء الله هتتقبلي..تفائلي خير بس واهدي
فيروز:مش عارفه يا أسيل خايفه
أسيل: لا متخافيش ..اهدي كده
فيروز: أستني رقم الشركه بيرن عليا! شكلهم هيقولولي اترفضتي ..لالا اتقبلتي ..لالا مش عاوزه اتكسف ..لالا هيقبلوني ان شاء الله
أسيل: يا بنتي واجهي بقا متبقيش جبانه!
ردت فيروز علي المكالمه وقالولها أنتي أتقبلتي
فيروز: انا أتقبلت..انا اتقبلت هيييييه
اسيل بضحك: شوفتي انا قولتلك هتتقبلي هتتقبلي واتقبلتي ..شوفتي انا و ربنا كلامي حلال واوعااااا
هتنزلي الشغل امتي ها بقاا قوليلي
فيروز: لسه عايزاني اروح ليها علشان المدير اللي هناك عايز يناقشني بحاجه بخصوص الشقه!! بكره الساعه ٢
أسيل: طيب ..روحي بس متتأخريش وتتلبكي في كل مكان !! علشان عارفاكي هتعدي علي محلات الأكل كلهاا وفي الأخر مبينزلش بطنك..غير الأندومي
من عند الشارع من تحت
البيت !!!
فيروز : بايخه ورخمه
أسيل: بس بحب أغلس عليكي علشان بحبك
فيروز: وانا كمان والله بحبك
ماما فيروز: الشاي يا ولاد ... أتفضلوا
أسيل: شكرا يا طنط
ماما فيروز: العفو يا حبيبتي..💜
أسيل : هاا مامتك خرجت كملي
فيروز : أكمل أيه دلوقتي تفتكري المدير كان عاوز أيه هاا؟!
أسيل: وانا اعرف منين !؟