الشخص بإبتسامه : أنا راغب
أسيل بغباء : راغب أيه !!
الشخص بضحك : لالا راغب ده أسمي! (راغب الطويل)
أسيل بحده : أه وعاوز أيه يعني !
راغب بإهتمام : عاوز أتكلم معاكي شويه وقبل ده كله عاوز اشوف ضحكتك
*كنت من جوايا يا مفكراه مجنون أو حابب يتسلي بس أنا يعني مش شكلي حلو لإني تخينه زي ما بيقولوا عليا وشكلي مش حلو أزاي هيتسلي اصلا بيا !! وبعدين شكله باين محترم اكيد مش هيأذيني
راغب بإبتسامه: تعرفي إن أنتي زي القمر !💙
أسيل بضيق : الله يخليك بلاش تتريأ عليا كفايه بقا وبلاش الكلام اللي بيتقال لكل البنات ده قدم
وبعدين أنت مين أنت علشان تتكلم معايا هو أنت تعرفني أصلاً!!
*معرفتش ليه لما قالي أنتي زي القمر حسيت اني هموت من الفرحه! إحساس حلو اوي حسيته بس أنا عارفه إني في حلم ولازم افوق من الحلم ده بسرعه
راغب بمغازله : يعني جميله أيه بلاش أعاكسك وبعدين أنا اه معرفكيش بس أديني أهو بعرفك أسمي راغب
أسيل بحده : علفكره أنا مش مغفله علشان تنافقني وتكدب عليا وتقول عني حلوه والكل شايفني وحشه !!
وثانيا أنا مش جميله أهو انا تخينه تخينه أيه مش شايف مبتشوفش ؟!!
ثالثاً وده الأهم أنا متعرفتش عليك أصلاً أنت اللي أقتحمت دلوقتي حياتي
راغب بإبتسامه : بس أنا شايفك جميله..
* حسيت برعشه في قلبي وحسيت اني فرحانه بصيت في عنيه وحسيت من عنيه أنه مش بيكدب بس أزاي بس أنا هتجنن !!
بصيت الناحيه التانيه وقولتله وأنا قلبي بيوجعني :-
أنا تعبت أرجوك تمشي
أنا تعبت أوي ..محدش حاسس فيا كل يوم بسمع كلام زي الزفت من الناس وكلمتين من صحابي حتي أهلي!
أنا قلبي موجوع أوي فاكرني مش بحس فاكرين قلبي جماد وحجر
أكملت أسيل ببكاء مرير : محدش فاكر اني بحس زيي زيهم محدش بيشوفني وأنا بعيط بليل وبحاوط مخدتي وبعد مابنام بصحي عيني مورمه من العياط !! محدش بيحبني ولا حاببني زي ماأنا وعلشان كده بقولك أرجوك أمشي أنا مش للتسلايه ولا لمضيعه وقت في حياه حضرتك أمشي بكل أدب وهدوء ..
راغب بإبتسامه وحنو: معندهمش قلب أزاي محدش يقدر الجمال ده كله وطيبه القلب دي ويبص بس علي المظهر الخارجي!!
بس أنا حابك يا أسيل بجد ..
أنا مش هكدب عليكي وأقول إني بحبك من زمان بس مش عارف أيه اللي مخليني عاوز أتكلم معاكي وعاوز أتعرف علي حياتك وأهلك أكتر بجد مش عارف
أسيل بصدمه وزهول : حاببني !! مش معقول!
راغب بأبتسامه : مش عارف أنتي شدتيني ليكي من غير ما أحس
أسيل بضيق: طيب عن إذنك عاوزه أمشي
راغب بأبتسامه : هشوفك تاني ؟!
بصتله وأنا مستغرباه حقيقي في كل حاجه!!
بس حسيت بإطمئنان ليه!! وده غريب!!
لفيت بضهري وروحت الناحيه التانيه لقيته باصصلي أووي وبيقول بصوت عالي
هستناكي بكره في نفس المعاد!
معملتش حاجه أو أي رده فعل بس من جوايا كان نفسي أشوفه تاني بس مكنتش عارفه ليه بالظبط ! وصلت البيت وبفتح الباب ولسه هدخل لقيت الساعه في أيدي 12 الا خمسه
ياه أنا قعدت أرغي كل ده المهم دخلت الشقه الدنيا كانت مضلمه أستغربت أووي
وفجأه النور قاد
ولقيت زينه في كل مكان وبلالين هيليوم وبرونز قطع ! ولقيت كل العيله متجمعه بس في اللي قاعد وفي اللي واقف مستنيني
أنت تقرأ
احببتها هكذا بقلمي / خلود الجيد
Romanceمش ضروري الي يحب يحب بالشكل ..لا القلب الي بيحب مش عنينا ممكن عنينا تخدعنا كتير لكن القلب مبيخدعش في مشاعره لان بيكون صادق في إحساسه .. بطلتنا كانت دايماً الناس بتتنمر علي شكلها ولبسها وعفويتها الطفوليه والطيبه وتلقائيتها الزايده.. بس قدرت تتغلب ع...
