الضابط وطفلته(مكتمله)

البارت ثمانيه وعشرون

كعدت الصبح غسلت ونزلت جوه
فرح:صباح الخييير
صبحت عليهم لكيت صكر وقمر
فرح:شنو هل صلافه وتجي هنا
شفتهم انمسحت الابتسامه عن وجهي سلمت عليها من وره خشمي ورحت للمطبخ
فرح:لا لهنا وبس جايبه هنا شنو قصده عود يضوجني انه الك صكر انته اللي ردته خابرتني جنه والبنات
فرح:هلا
جنه:فرح اليوم تباتين يمنه البنات باجر يرحن
زهراء:ديربالج تكولين لا تره والله نزعل عليج
غدير:يي مايصير هيج
رقيه:فرح مشتاقيلج وين فرح اللي تضحك وتسولف ليش تحرمين نفسج
جنه:يي فرح ليش تسوين بنفسج هيج رجعي فرح القديمه واله صكر يتندم على كلشي سواه
فرح:الله كريم بنات
جنه:تجين مو تغلسين
فرح:لا راح اجي
البنات:يييي هيه هاي فرح
فرح:يله ولجن باي استاذ صكر جايب مرته هنا وبكل صلافه
جنه:صددددك وليش جابه شتسوي ببيتكم
فرح:عود يريد يضوجني مايدري انه مااهتم ..يله باي راح اكمل نومتي واعدل اموري حته اجيجن خوش
البنات:خوش
جنه:يله باي ....

رجعت الهم ولكيت ادم بحضن صكر اتفاجأت منو النزله
فرح:ماما راح اصعد فوك اكمل نومتي
قمر:وين صاعده ماشفناج
فرح:😉اليوم تشبعين مني لان راح اجي يمج خو ماعندج مانع ست ..قمر
قمر:ءء ه ه ه لا البيت بيتج
فرح:غصبن عليج حجيته بصوت ناصي
قمر:شنو
فرح:كلت انه اترخص
باوعت لصكر ضحك مبين سمع
فرح:انطيني ادم
قمر:لا خلي
صكر:خلي يم مرت ابو خل يتعود عليه
فرح:😶🔥🔥🔥...اوكي انه راح اصعد فوك
صعدت على اعصابي
فرح:حقييير خبيييث متقصد يسوي بيه هيج الله لاينطيك صكر الله لايخليك الله يطلع حوبتي بيك ..مااكدر ابجي لان حرام ابجي على شخص مايستاهل دمعه مني ...ضليت احوس بلغرفه منا لمن حسيتهم راحو نزلت جوه مااريد ابين لامي انو انه ضجت كعدت تريكت
فرح:ماما اليوم راح اضل يم البنات اليوم يباتن
ام فرح:يي يمه روحي غيري جو شويه حابسه نفسج بغرفتج ليش واذا تردين انطيني ادم خلي عندي وروحي
فرح:لا يمه مكدر يضل بالي وياه راح اخذه وياي
كمت نضفت لان امي خطيه ماتكدر واحنه ماعدنه شخص يوصخ كمت نضفت غرف الولد وغرفتي وغرفت ماما والمخزن نزلت نضفت الصاله ومسحت الاخشاب ومسحت الكاع وغسلت الحديقه واجو الولد ووياهم صكر انه جنت رافعه دشداشتي واغسل لكيت صكر يخزر بيه مااهتميتله
محمد:ها ولج بطريق
رشيت عليه ماي
فرح:لاتكلي بطريق
محمد:خرب يوم اوكفي انه الج
كام هوه يبلل بيه وانه ابلل بي بعدين اشرتله بعيوني انو نرش على ياسر
ياسر:لا لالااااا والله تتندمون
فرح:عليمن تتندم استاذ ياسر وبللناه ههههه
لكينه امي واكفه تضحك علينه
ام فرح:هههه ولج مره شكبرج تلعبين بالماي طبوا لاتتمرضون يله خلي نتغده
اباوع لصكر راص ايده بحيث العروق بارزه وعيونه صارن حمر من العصبيه وانه مستانسه🙂🤪😂 طبيت جوه صعدت فوك لغرفتي سبحت وبدلت ملابسي طلعت انشف شعري وحسيت الباب انفتح عبالي محمد
فرح:تفضل شتريد ابنك وجوه شعندك صاعد
اجه قربني عليه وجرني من شعري
فرح:اخخخ صكر عوفني
صكر:انتي شلووون تسوين هيج هاااا
فرح:شسووويت ها شسووويييت صكررر اخواااني مادخلك بيه حل عني يااخي اكرررهك مااطيقك ابتعد عني عوفني بحالي مو كرهتني بحياتي انته
اتقرب صار وجه مقابيل وجهي
صكر:وللج توكفيين كدامهم ودشداشتج لازكه على جسمج شترديني اسوي هاا
فرح:مادخلك 😏
طكاني راشدي سطرني سطر
صكر:اسمعي ولج اننه زوججج وانتي ملكي واتدخل بكلشي فهمتي
فرح:مااريدك اطلع من حياتي كله انته شتريد مني بس فهمني ماخليت شي ماسويته كرهتني بعيشتي تمنيت مااحبك واثق بيك لو يرجع بيه الزمن جا ماحبيتك ولااريد احبك ...لهنا وكافي صكر اريد ارتاح يعني بنيه بعمري تتوقع تتحمل اكثر من هيج
صكر:ضليت صافن من كلامه ماحجيت شي كبل طلعت مشيت السياره...يربي انه شسويت انه ضلمته هواي ..ليييييش هيييج هييه اللي خلتني اسوي كل هذا غصبن عليه لان احبهه هيج يصير بيه تعتب والله تانيته وحبيته بلاخير هيج يصير بينه هذا غلطيي انه   انه ضلمته هوااي ....