الضابط وطفلته(مكتمله)

تكملة البارت السابع عشر

جنت كاعده بالحديقه واجه صكر ضلينه نحجي نفس الموال كلمره نتعارك واروح واخلي ف هل مره ردت اروح اجت ام صكر
ام صكر:وللللللللك صكككككر الللحك عمك مااات
انه بعدني ممستوعبه الصار
فرح:شنووووو (عبالي واحد من عمامي مو ابوي )
ام صكر:هستوه خابرني محمد ويبجي روحلهم بالمستشفى
فرح:ماماااا ابووووي مااات 😭😭😭😭ركضت ردت اروح للبيت ماحسيت اله فترة بيه الكاع غوشت عيوني وطحت بعد ماادري شصار ............
كعدت فتحت عيوني لكيتهم ملتمين عليه
فرح:ماما (بتعب)انه بحلم مو كل اللي صار جذب 😭😭😭فددوووه حاجييييني اباوع للشيخه تصيح وتبجي وام صكر تباوعلي وتبجي
فرح:حااااااااااااجوووونيي كلووولي ابببوووووي ماماااات شيخه فدوه حااجيني كليلي جذبب ابوووي مايترركني 😭😭
كبل لبست عبايتي ورحت لبيتنه بدون وعي امشي وابجي طبيت للبيت لكيت امي تبجي ونسوان كاعدات يمه
ام فرح:وللللج يمممه اببوووج ماات وتركنه شمعة البيت انطفت
فرح:يممممه فدوه كليلي انه بحلم شلووون يروح ويتركنه يممممممممممممه كعدنه ومستمرين بالبجي انه وامي دخلو التابوب انه نهاريت نمت عل تابوت وابجي يعني بالحضه فقدت ابوي وجابو التابوت وانه ممصدكه يعني تخيلو البنيه بلا أب تنضلم بحياته هواي البنيه بلا أب بدون ضهر وخصوصا اذا اقرب الناس الك اذوك 😭💔....اسبوع كامل انه جسد بلا روح لااكل ولااكدر انام راح العزيز راح سندي صح صكر اللي يهتم بمسؤليتي ومرات بابا يصيح عليه بس علاقتنه كلش حلوه انه مسيطره واحجي ومااخاف من احد لان ابوي بضهري اعتبره سندي من بعد صكر واخواني كللش انتهينه انه ومحمد وصكر اول مره اشوف اخواني هيج مكسورين وانه مابيدي شي امي تعبت حالته كلشش عمامي وكفوا ويانه ماخلونه بحاجت شي ولا لحضه وام صكر ماعافته ولالحضه تهدي بماما وقنعت اخواني انو ميصير هيج يضلون لازم كل واحد يرجع لشغله ويشوف حياته

جنه كاعدين سوه ونسولف مر على موت ابوي ٣٩ يوم انه عند اهلي بهاي المده انه مريضه وامي تعبانه خطيه انه ماابجي كدامه لان اخاف عليه لايصير بيه شي كاعدين عمامي وعماتي والبنات وصكر ومحمد وياسر ضليت كاعده يمهم وردت اكوم ارتاح كبل دخت وانه من كم يوم اتقيء مااهتميت بس اليوم دخت وردت اطيح وكضوني صكر عاند اله ياخذني للدكتوره انه مالي خلك اعانده سكتت لبست عباتي وصعدت بالسياره اجت ام صكر ويانه خاف احتاج شي ...وصلنه للدكتوره كعدنه يمه صكر طلع بره والدكتوره فحصتني حاجت ام صكر
الدكتوره:الحمد لله مابيه شي والطفل بخيرر
ام صكر :شنو هيه حامل
فرح:😶😶
الدكتوره :يي وبشهر الثالث
ام صكر:الله يفرح كلبج دكتوره مثل مافرحتينه
الدكتوره : امين الف مبروك
ام صكر:الله يبارك بيج يله احنه نترخص
الدكتور:تفضلوا
طلعنه بره وام صكر خبرت صكر وصكر طار من الفرح
صكر:الف مبروك
فرح:هزيتله براسي مابيه حيل احجي
ضليت بحالة صدمه فرحه حزن توتر صرت مااعرف شسوي افرح لو اضوج وصلنه للبيت وخبرناهم بحملي كلهم فرحوا وباركولنه رغمم الصار ويانه ورغم حزنه وحالتنه بس فرحوا واكثر شي الشيخه كالت هذا نعمه من الله يعوض مكان ابني اللي راح
كعدت يمهم شويه وصعدت فوك لغرفتي طبيت سبحت وكعدت امشط كضيت صورة ابوي وكعدت ابجي ونسيت الباب مفتوح
صكر:فرح كافي بجي
جنت منهاره بلبجي ماحسيت على نفسي نسيت انه متعاركه وي صكر رحت ابجي بحضنه
فرح:صكرر مكدر ابوي راح ماتوقعته يروح بهل سرعه ويتركنه
صكر:بنيتي الله يرحمه بعد راح الله قاسمله يموت انتي بس ادعيله
فرح:😭😕
صكر:شششش سكتي بنيتي يله ارتاحي راح اروح اجيبلج عشه موزين عليج تضلين بدون عشه وهذا دواج شربي بس تاكلين
فرح:مااشتهي هسه
صكر:بنيتي ديربالج على نفسج لاتهملين روحج ضلي كاعده حته اجيبلج عشه تتعشين وتنامين
فرح:مااريد مااشتهي اريد انام
صكر:فرررح لاتعاندين موزين عليج

راح صكر وانه ضليت وحدي بعدين انتبهت على نفسي انه شلون بجيت بحضنه وشلون احجي وياه وكأنما مصاير شي يووووو مالي خلك وهوه ماصدك حجيت وياه استغل الفرصه رحت وكفت كبال لمرايه
فرح:يعني انه هسه حامل يعني راح اصير ام يعني اكو روح جواي منا وجاي لازم احافظ عليه لو ابوي ويانه جاكملت فرحتنه بس حملي صار بوقت غلط يعني لاانه الفرحانه ولاانه الضايجه بس من شفت الكل فرحان ارتاحيت واكثر شي امي انه ميهمني شي غير امي بس هيه البقتلي من بعد اخواني ضليت صافنه وكاضه بطني وحسيت الباب انفتح
صكر:يله تعشي انه رايح وشربي دواج لاتنسين

صكر:ها وباجر نروح للنجف حضري نفسج
فرح:تمام
نزل صكر وانه كعدت كليت شويه وغسلت حضرت ملابسي ونمت ....

كعدت الصبح غسلت وجهي ونزلت كعدت يم الشيخه البنات خطيه حضرن الريوك وكعدنه ناكل وكل واحد حضر روحه كمت صعدت لغرفتي بدلت

جنت لابسه فستان طويل اسود وحجاب اسود ولابسه البشت فوكاه نزلت جوه حضرنه غراضنه وتوكلنه خذينه سياره جبيره كلنه سوه صعدنه الولد عافوا سياراتهم انه كعدت بلاخير لان مكان جبير كعدنه انه والشيخه طول الطريق نايمه بحضن الشيخه وانتبه على صكر شلون يباوعلي مثل الخايف عليه غفيت شويه وكمت مكدرت انام راسيي ولعبت نفسي وكفنه بنص الطريق عل مطعم نزلوا الولد والنسوان صلوا وكلوا وجابو اكل للسياره ضلينه بس انه والشيخه والبنات العكربه مارضت تضل راحت وي امه
فرح:بنات منو تنزل وياي اغسل وجهيي
جنه:امشي انه وياج
كمت ردت انزل وبالنزله مال سياره وكفنه محمد
محمد:ويين نازلات
فرح:محمد بس اغسل وجهي
محمد:لا ماكو طلعه ضلن بالسياره
دخت وكعدت بالنزله ومضيت راسي
فرح:محمد مالي خلك راسي يوجعني
جان صكر يمنه وسمع صوتنه
صكر:شكو
محمد:صكر يردن ينزلن ومنا كله زلم
صكر:امشن تعالن وياي بس ها عيونج بلكاع زلم هواي هنا
ردت اكوم ودخت كضني صكر ابتعدت عنه
فرح:مابيه شي اتركني
كادتني جنه بلطريق غسلت وجهي وصكر اشترالي حبوب مال راس كال ماانطيج اله تاكلين شي جابولنه اكل هواي من المطعم بس ماكليت
صكر:يله اكلي وانطيج
فرح:مكدر اكل مااشتهي انطيني الحبوب صكرر
صكر:لااء ماانطي
رحت ابجي للشيخه من الالم
الشيخه:ياا ولج شبيج تبجين
فرح:شيخه صكر ماينطيني الحبوب مال راس
البنات:هههههههه
الشيخه:ولجن لاتضحكن عليه ..ولك صكر انطيه الحبوب لاتبجي فريحه
فرح:فرح مو فريحه
صكر/البنات:هههههههه
الشيخه:انه صوجي اكله
فرح:لافدوه شيخه حاجي اي شي سميني بس خل ينطيني الحبوب
الشيخه:انطيه صكر الحبوب
صكر:شيخه خليه تاكل شوفيه شلون عودت نفسه عل حبوب كم مره كتله لاتشربين حبوب ..انه هسه معليه تاكل انطيه ماتكل ماتشوف الحبوب
الشيخه:يمه انه معليه بعد سمعتي شكال ميصير تشربين الحبوب بدون اكل
كعدت اكل غصبن عليه وصكر عاند هل مره واني مالي خلكم ضلوا يلعبون عليه 🙁
فرح:صكر انطيني الحبوب
صكر:كليتي
فرح:يي
صكر:شكد
فرح:ماحسبتهن انطيني
واخيرا بعد معاناة انطانياها شربته وخف شويه راسي كملنه طريقنه للنجف ضليت كاعده منا لمن وصلنه للمكبره............

لهنا وينتهي البارت طبعا اسفه اذا اكو اغلاط لان نعسانه واكتب واريد تفاعل حلو مثل وجهي 🙂🌚😂وشكرا🙂❤....

انتي شنو
مخطوبه /مرتبطه/مزوجه
شنو رأيج اذا تزوجتي واحد اكبر منج منو احسن اللي بكبرج لو الاكبر منج

انطونه رأيجن🙄🙁❤؟