وصلنه للمكبره نزلوا وانه نزلت الشيخه وياي كدتها شافني صكر عيوني تصب وبس اريد اروح لكبر ابوي
صكر:عوفيها انه اخذها انتي روحي
رحت شفتهم ملتمين على كبر ابوي كعدت بجيت تكابلنه انه وامي واخواني والباقي داير مدايرنه وبعدين اجت الشيخه راحت هيه وام صكر وجنه لكبر ام صكر وابو صكر واجو لكبر ابوي لان كبر ابو صكر وامه بالبدايه بعدين اجت لابوي بجينه منا لمن ارتاحينه قريت سورة ياسين شويه وكمت شفت صكر وحده يم كبر امه وابو رحتله كعدت يمه وشفته شلون يبجي ومكسور كعدت يمه وضل يبجي بحضني وانه دموعي ماسكتن
فرح:بهمس ..يله كوم جنه جيبيلي ماي
خذيت الماي غسلت وجهه وشرب منه وكمنه سوه رغم اللي صاير ويانه وانه ابوي هستوه مات وبعدني حزنانه مكدر اشوفه هيج مكسور مكدر اشوفه يبجي ومااسوي شي اول مره اشوف صكر يبجي بس بفاتحه ابوي وهسه خلصنه وصعدنه بالسياره طول الطريق خايفين عليه مهتمين بيه واكثر شي صكر بس احجي كلمه يكوم يكلي ها شمحتاجه احبببه ياناس احب اهتمامه احب عصبيته احب من يعتبرني بنيته ويخاف عليه هذا كلبي ميكدر يحقد عليه رغم كل اللي سواه بس مكدر ارجعله بهل سهوله مكدرررر💔🙁😞...زرنه الامام علي رحت زرت اول وحده انه والشيخه وصكر ورجعنه بسرعه كعدنه شويه وراحن يزورن
صكر:محتاجه شي جوعانه
فرح:لا شكرا ممحتاجه شي
دك عليه تلفون راح بعيد ضل يحجي ورجع كال يله نمشي
الشيخه:جا بعدهن ماجايات
صكر: ياسر راح يجيبهن والولد وياهن احنه نمشي كبلهن
الشيخه :يله نتوكل
مشينه الشارع (الكل يعرفه مامعقوله مارايحين ف ماكو داعي اشررح شنو شبي مابي😍🙂❤)
مشينه واباوع عل غراض
صكر:تردين تشترين شي
فرح:لا خل نوصل للسياره بسرعه
مشينه وكلساع شيخه توكفنه ردت اروح واتركهم طبعا انه مااحب اوكف كلساع يم محل واشتري واعامل يوووو دوخة راس
فرح:صكررررر كلله كافي
صكر:هههههه شيخه مامليتي عود نروح لكربله وافتري هناك
شيخه:يااا ماخذيت شي انه اوكف هذا اخير محل ونروح
صكر:يله تاخرنا يمكن وصلوا كبلنه
ضليت واكفه واجه طفل صغير باتجاهي ويضحك اجه كبل اليه
فرح:هلو هه وين ماما
الطفل:مماما
الشيخه:ولج فرح منو هذا الطفل شنو جبتي هسه
فرح:ههههههههههههه
صكر:ههههه ششش ولج صوتج
فرح:ههههه شلقصه شيخه ماادري ابنمن اجاني ركض
ضل يطك بيه ويصيح ماما
الطفل:ماما
فرح:دروح بابا روح شنو ماما انه عايزه
صكر:هههه شبيج خايفه منه هسه اودي
صح انه احب الاطفال بس خفت لاامه تذبه عليه وتخلي انه اربي (طبعا تفكيري كله اكشن لازم حياتي بيه اكشن لازم افكر هيج ههههه متأثره بالمسلسلات😁😂)
راح صكر وطلعت امه تدور عليه تشكرت من صكر وخذته
صكر:يله نروح
مشينه وبنص الطريق
فرح:يعني انه شكد ثوله عود اسوي روحي ثكيله ومااحجي وياه وره دقيقه الكه روحي اضحك وياه واحجي ولاكأنما صاير شي
صكر:شو بعدج ماجايبه وخفتي من كلمة ماما
فرح:اول شي ماخايفه ثاني شي لو ماردت الطفل جا سقطته ثالث شي لا عبالك مكدر اربي وحدي لااكدر واحسن اذا ابتعدت عنه
صكر:انه ابتعد عن ابني
فرح:طلكني وكل يوم تجي تشوف ابنك ماامنعك تشوفه
صكر:سالفة الطلاك انسيه بعد اذا كلتي هل كلمه اسوي شي ميعجبج
فرح:شسوي بله استاذ صكر
قرب يم اذني
صكر:كل ما تكولين هل كلمه ابوسج لو كدام اهلج
ولايستحي حجه هاي الكلمه خلاني بصدمتي بعدين باوعت بعيونه
فرح:هه ميهمني بس كلامه ومتسويه
صكر:نشوف
حجيت هيج وصعدت بالسياره ضليت متانيتهم وجعت شفت كبالي عربانه تبيع جرك وجاي
فرح:شيخه كولي لصكر خلي يجيبلي جرك وجاي
شيخه:هههه غير زوجج وانتي ترحين تحاجي لو تعاركتوا
فرح:شيخه هسسه كليله لان جوعانه كلشش
شيخه:خوش هسه كله...صكرر
اجه صكر وانه دايره وجهي للصفحه الثانيه
صكر:ها شيخه
شيخه:اكلك شو اتاخروا
صكر:هسه خابرت ياسر كال وصلنه
شيخه:يمه جيب لزوجتك جرك وجاي خطيه جوعانه
صكر:تأمر امر هسه اجيبله
راح صكر ...
فرح: ياكاع انشكي وبلعيني شكرا شيخه على هذا المعروف ماانساه طول حياتي
شيخه:ههههه جا شكله اليه بعدين يشوفج تاكلين
فرح:عوفينه من الاكل شو اتأخروا شنو وين راحو
جنه:يممممه تعبت
فرح:الله يساعدجن حقجن تعبانات افتريتن منا لمن مليتن ومخلينه معلكين هنا وتعالن انتن شلون تفترن بدوني يعني لان حامل ماتمشن وياي
جنه:انجبي انتي مو ويانه
فرح:ها خوش .
جنه:ءءاصلن مافترينه هواي
فرح:...........
جنه:فررررح بنات حاجنها مافترينه هواي والله
البنات:يي والله مافترينه الولد ماخلونه
زهراء:كبل اجينه هنه بعدهن يمشن ورانه
رقيه:اصلا محمد جابنه وانتي تدرين بي
غدير:اصلا ماخلانه نوكف وماشترينه شي
فاطمه:ولج حته ماي مااشترينه
نور:ولج والله جوعانين ماكلينه
مريم:شيختنه كافي زعل
صكر:شبيه شيختكم ..
جنت دايره وجهي عل جامه وصاح صكر
صكر:فرح هاج
فرح:شكرا
صكر:يي شبيه
جنه: زعلت علينه لان مشينه بدونه بس والله مو قصدي امشي واخليه
مريم:تره ماافترينه كلنه نطلع بكربله سوه
غدير:يي صح احنه نعتذر لام شنو اكلكم شقررتوا تسمو
جنه:انجبي هسه وكته هههه
نور:لاصدك
صكر:خلي نعرف جنس الجنين وعود اذا طلع ولد ادم
واذا بنيه تسميه فرح
صكر نزل وتلكاهم اجو
جنه:نعتذر ام ادم
فرح:ماصار شي بس بعد لاتعيدنه
زهراء:حاضر
اجن عماتي وعمامي ومشت السياره بينه وكعدت اكل بالجرك صكر جابلي علاكه وزعته وضل كم وحده كليتهن بالطريق هههه....من بعد عناء الحمد لله دخلنه كربله اول مانزلنه خلينه غراضنه بالعربانه وراح وياه محمد وصكر وياسر وصلونه للفندق حجزنه غرف يمكن نص الفندق احنه بي 😂🙂لان احنه هواي بس غرفه على غرفه كل غرفتين بمكان واحد البنات وامي وام صكر خذن غرفه جبيره كلهن سوه والولد خذوا ام غرفتين ام سبع نفرات غرفه جبيره وحلو الفندق ومرتب ونضيف وعمامي وعماتي كل واحد وغرفه ام نفرين وانه وصكر خذينه غرفه ام نفرين طبيت للغرفه بدون مااحجي سبحت ارتاحيت شويه ..ارتاحي فرح بس هاي الليله انتي يمه لاتضعفين كدامه صيري قويه لاتبينيله شي اووووف بدلت وخليت عطر وطلعت لكيت مدنك وكاعد باوعلي بتعب
صكر:تعالي انه امشطلج
فرح:لاانه امشط
صكر: تجين لو اسوي شغله ماتعجبج
فرح:يووو اجيت
مكدر اعانده اكثر لان مبين تعبان من صدك
رحت كعدت يمه يمشطلي وانه ارجف كمت اخاف من قربه يمي اخاف من وجوده يمي بس بنفس الوقت اريده .....
فرح:صكر ماخلصت
صكر:لا
فرح:شسوي
صكر:كاعد اضفرلج شعرج وافلي تدرين انه طماع بحبج وبيج وراح ابقى هيج
فرح:وخر عني اريد انام
صكر:روحي نامي اليوم تعبتي من الطريق
رحت نمت على طرف الجربايه احاول مااصير قريبه عليه يربي شيخلص هاي الليله على خير هستوني غفيت تعبانه كلش حسيت شخص نوماني بحضنه مكدرت اسوي شي لان تعبانه ونمت ....
لهنا وينتهي البارت اسفه اذا اكو اغلاط اتمنه الاشخاص اللي يقرون القصه يتفاعلون يعني مشاهدات هواي وتفاعل لو ١٥ لو ١٦ ميصير هيج انه هم اتعب وهم عندي شغل وملتهيه بس رغم كلشي اكتب بالقصه لان عجبتكم...باي😕❤
أنت تقرأ
الضابط وطفلته(مكتمله)
عاطفيةصكر:وموضوع مدرستج محد يتدخل بي غيري فرح:بس مايصير على اقل شي كلالي تبطلين صكر:بنيتي انه لو منه هم اسوي هيج واكثر فرح:بس انته تحبني ماينطيك كلبك تضوجني ههه😁🙂 صكر:خوش لكيتيلج عذر ههههه فرح:صكر عيونك حلوات صكر:هههه اخذيهن فرح:لا مااريدهن حلوات ع...
