فرح:صكرررر
صكر:ها
فرح:صكر شكو شصاير انه خايفه خاف اكو شي وماتكلولي
صكر:ماكو شي لاتخافين والله عدنه كم شغله سويناها ورجعنه
فرح:😕😕
ضليت اتكلب منا لل٤ كمت صليت ورجعت نمت
صار 3اشهر على حملي تعبت كلشش وانتهيت الليل ماانام خطيه صكر يضل وياي ويروح لشغله مانايم انه انتهيت جسمي ذبلان اكل مااكل بس ماقصروا وياي واكفيلي وكفه اي شي اريده يجيبولياه مايخلوني اكوم من مكاني كلهم تعبوا وياي وانه تعبانه من الحمل ومن عرايك صكر انه وياه مناكر نتعارك على كلشي طول هل فتره صكر يحاول يتقرب يمي ونتعارك انه وياه وابتعد عنه صرت مااحب قربه ضليت اكرهه عطره تلعب نفسي يتقرب يمي وابتعد عنه منا لمن ضاج كلش وصاح عليه
صكر:كااافي ملييت منج شكد ماحاولت ارضيج ماترضين الى متى تضلين هييج مراات اكول حقهه بس هسه مصختيه ملليت وانه احاول وياج اعتذرت منج وكتلج ندمان وكم مره حااولت اتفاهم ويااج كافي تعبت وانه اعتذر تعبت وانه اكلج انه ندمان تعبت وانه اركض وراج هلكد مارايدتني وكارهتني
دفعني عل حايط وقرب وجهه على وجهي وانه دموعي تصبب
صكر:حجه بصوت تعبان ..احجيي كليلي اكرهك باوعي بعيوني وكليلي اكرهك حته اتركج براحتج
فرح:........
صكر:لييش هيج تعبتيني ولج هاي مجازاتج اللي انه التعبت عليج وكبرتج وعلمتج وحبيتج ودللتج هيج تجازيني جا شكد تكرهيني
ابتعد عني وطلع من الغرفه كعدت بلكاع بجييت ورمن عيوني وراسي صدع كمت كعدت بماي دافي ريحت جسمي وطلعت بدلت ونمت عل جربايه
فرح:ياربي شسويي مو بيدي انه حاولت كم مره اتقرب يمه بس نفس اللقطه تجي ببالي واصحى على نفسي وابتعد عنه الى متى اضل حاقده عليه يمته انسى وابدي حياة جديده لابنه لااكدر ابتعد عنه ولااكدر اتقرب يمه ..وين راح بهل ليل يعني هسه مكدر انام انه اذا صكر بره بسسسس لاصايرله شييي خل ادك علييه لالا ماكو شي هسه يرجع اخابر الولد ...لالا هسه يكلولي ليش شصاير وانه اكعد ابرر راح اكعد اتاني منا لمن يجي انام ..رحت كعدت عل قنفه واباوع من الشباك متانيته يجي ب٢ فزيت على صوت سياره باوعت من الشباك لكيته صكر ارتاحيت كبل رحت على جربايتي وسويت نفسي نايمه حسيته اجه حط مفتاح السياره وتلفونه عل ميز نزع ملابسه وطب سبح كل حركه يسويه احس بيه بعدين طلع غمضت عيوني مشط وراح عل قنفه نام رجع خذه غطه ونام عل قنفه ضليت اباوعله منا لمن نام انه مكدرت انام من الالم ضليت افتر منا لمن نعست وغفيت ..
كعدت الصبح غسلت وجهي وبدلت ونزلت جوه تريكت وصكر بعده مانازل حاولت اليوم ابتعد عنه نزل انه كمت للمطبخ ضل كاعد يم الشيخه تانيته يروح للشغل بس طلع ماخذ اجازه🤦♀️🤦♀️ضليت بالمطبخ افتر
ام صكر:يمه شبيج تفترين اكو شي يأذيج
فرح:لا ماما مابيه شي بس انه اريد افتر لان الدكتوره كالت تحركي
ام صكر:فرح ماتعرفين صكر وين راح امس بالليل
فرح:ءءءء......
ام صكر:تعاركتوا مو
فرح:🙄😔
ام صكر:يمه بنيتي ليش هيج علاقتكم لهسه يعني الى متى تضل علاقتكم هيج وانتم جاييكم طفل بالطريق غير لازم تصلحون علاقتكم وتنسون كلشي وتعيشون حياة جديده
فرح:انشاء الله ترجع علاقتنه لايضل بالج علاقتنه متحسنه بس تدرين انه وصكر ٢٤ ساعه نتعارك ونرجع لاتشغلين بالج
أنت تقرأ
الضابط وطفلته(مكتمله)
Romanceصكر:وموضوع مدرستج محد يتدخل بي غيري فرح:بس مايصير على اقل شي كلالي تبطلين صكر:بنيتي انه لو منه هم اسوي هيج واكثر فرح:بس انته تحبني ماينطيك كلبك تضوجني ههه😁🙂 صكر:خوش لكيتيلج عذر ههههه فرح:صكر عيونك حلوات صكر:هههه اخذيهن فرح:لا مااريدهن حلوات ع...
