#التوأم_المجبور
#الحلقة1_المقدمة
الوقت 4:00ص
بنتين في سن الاحد عشر يجرن يجرن بكل قوتهن وباين فيه حد يجري وراهن
رغدة:اه اه اه بسرعة رغد بسرعة وماسكة ايد اختها وتجري
رغد طاحت وداهشة وفمها لونه ازرق وباين عليها خلاص مقطوعة من النفس :امشى بسرعة وخليني عدي وادف في رغدة بيدها
مصطفى يجري والشرارة في اعيونه :تي والله نربيكن يافرخات الحرام 😡
رغدة:هيا قرب منا بسرعة تعالي على ضهري هيا
رغد دفتها وتحكي بصعوبة لصعوبة التنفس:ققلتلك امشي بسرعة انا مش حيديرلي شي بسرعة
رغدة رفعت اعيونها خلاص مصطفى قرب منهن وقفت وجرت وهيا عقلها عند اختها وتوأمها وكل حاجه لها جرت لعند لقت شجرة كرست وراها واتراقب في اختها
مصطفى قرب من رغد الي طايحة وداهشة وتكح طبس عليها ومسكها من شعرها :وين الكلبة الاخرى😡ويبرم بعيونه علي جميع الاتجاهات يدور فيها
رغد:اح اح اايي خلاص خلليها وانا قاعدة 😭
مصطفى:تي شنو نبي فيكي وحدة كراع في الدنيا وكراع في الاخرى وقف وهوا ماسك رغد من شعرها لعند وقفت معاه وتالم من المسكة
مصطفى وبصوت عالي :عارفك مبتباعديش يافرخة الي اسمك رغدة
رغدة تسمع فيه وحاطة يدها علي فمها تبكي
مصطفى :عارفة الي حيصير لو مطلعتيش توا قدامي ورديتي وين ماكنتي
رغد:خلااص مش انا قاعده خليها😭
مصطفى بصوت عال:خلاص خليها تمشي وانتي حتاخدي العقاب بدالها رغدة عارفة اختك متحملش حراام احتمال اتروح فيها 😏 سكت اشوية بعدها اوكي خليكي وذنب المسكينة هذي في رقبتك 😡 ولف برغد بلقوة وبيمشي هيا ياكلبه
سمعو صوت من خلفهم ينادي
رغدة:خليها خلاص
مصطفى وقف 😏التفت عليها وشافلها بنظرة مليانة نصر
رغد تبكي :غبية ليش اتردي 😡
رغدة:تبيني انخليك هزت براسها اكيد لا
مصطفى مجرد ماقربت منهم رغدة هجم عليها ومسكها من شعرها :تعالي هنا ياكلبه يابنت الكلب
رغدة اتالم :اييي
مصطفى ماسك كل وحدة بيد من شعرهن :مرة اخرى اتفكرن بس تهربن مني نقتلكن لكن توا حتاخدن قرصة عقاب بس ورد بيهن للحوش
.
.
.
فتح الباب وخش وفريحة وقفت وربعت ايديها :مسكتهن الكلبات 😒
مصطفى عزقهن عالارض :صبن خشن جوا بسرعة 😡
رغدة مسكت رغد وساندتها وخشت بيها للدار واول ماخشت طلعتلها دواها
.
.
فريحة قربت من مصطفى:عليش ناوي
مصطفى:الفرخة رغدة متاكلش شي ل3 ايام فاهمة 😡
فريحة:ورغد
مصطفى:سخنيلي الاسياخ 😡خليني انربيهن فرخات الحرام
فتح عليهن الدار واعيونه مليانات شر وغل اول ماشافنه ضمن بعضهن بخوف ورغد تبكي ورغدة ضامتها واتشوفله
مصطفى مسك يد رغد وكرها وهيا ماسكة في اختها بخوف من الي جايها
رغدة ماسكة في اختها واترجى فيه :خليها خودني انا الله يربحك خليها 😭
فريحة مسكت رغدة وفكتها من اختها ومصطفى طلع بيها وهيا ترجى وتبكي انها معش اتعاودها
