#التوأم_المجبور
#الحلقة_19_الاخيرة
المانيا الساعة 7:00 ص
فتح باب غرفة المستشفى ودخل
معتصم بابتسامة قرب منها راقدة ولابسة لبس العمليات مسك يدها
رغد:وين مشيت
معتصم:كنت مع الدكتور
رغد بخوف:عليش شنو فيه
معتصم:متخافيش مافيش شي نطمن علي حاجه واثنين رغد الدكتور توا فرحني وقالي القلب المتبرع من نفس عمرك وقلب صاح وما شاالله
رغد الدمعة نزلت من عينها:الحمدالله 😔
معتصم مسك خدها بحنية ومسحلها دمعتها:عليش تبكي توا انا شنو قلت
رغد:معتصم انا خايفه انموت بدون مانعرف وين اختي او نشوفها🥺
معتصم خنقاته العبرة :رغد معش تحكي هكي حتعيشي وحتشوفي اختك وحتشوفي اعيالك اخرة ونوعدك بس انروحو لو نقلب عليها ليبيا كلها اختك حنلقوها
الممرضة فتحت الباب وخشت:it's time(حان الوقت )وحولت الجهاز وطلعت بالسرير ووراها معتصم وماسك يد رغد ويمشي معاها
الممرضة قربت من غرفة العمليات رغد ضغطت علي يد معتصم
معتصم حس بضغطت يدها طبس عليها :كنك تحسي في حاجة
رغد اتشوف لعيونه بعيون ملينات ادموع:معتصم انا خايفه انخش العملية ومعش نشوف وجهك حطت يدها علي لحيته بحنية نبي انقولك نحبك
معتصم نزلت دمعته :وانا انموت فيك
الممرضة وقفت:you wait here(انتظر هنا )
معتصم هز براسه للممرضة وطبس علي رغد :خليكي قوية عليشاني اوكي
رغد هزت براسها وادموعها ينزلن
معتصم طبع بوسة حنونة علي شفايفها وابتسملها
الممرضة خدت رغد وسكرت الباب
.
.
معتصم قاعد علي نار يمشي ويجي قدام غرفة العمليات ومرة يقعمز القرفصاء ويحط راسه بين يديه ومرة يوقف
معتصم كان نسبة التوتر عنده بشكل مش طبيعي ماسك قلبه طول فترة العملية
مرن عدة ساعات
الباب انفتح و معتصم التفت للباب ويتنفس بسرعة
...................روايات دابي..........
رغدة وعت من نومها مغموم عليها النفس مفجوعة حست بروحها كانها طلعت من جسمها
تقاوم في النفس نزلت من السرير بصعوبة اتحرك خشت تجري للحمام طاحت عالحوض داهشة فتحت المية وحطت راسها تحتها وتمت تشرب بكل جهدها
قفلت المية وطاحت عالوطاء حطت يدها علي قلبها بغصرة وداهشة
مش عارفه شنو صارلها بس في عقلها اختها طول الوقت حاسة كانها فيها حاجه
انهارت بالبكاء حاسة روحها مكتفة ومش عارفه كيف تصرف او شنو دير
.
.
بعد انهيارها وقفت بصعوبة غسلت وجهها وطلعت خدت تلفونها
حطت علي رقم يوسف ورنت
.
.
📲📲📲📲
يوسف راقد عالسرير صوت التلفون وعاه تحرك وحرك يده خداه من عالكميدون وفتح الخط وحطه علي وذنه بدون مايشوف المتصل
يوسف بصوت ناعس:الو 😲 نط لعند وقف رغدة كنك
رغدة تبكي:يوسف تعال بسرعة حاسة روحي بنموت
يوسف بلهفة وخوف :هيا هيا مسافه الطريق خدا مفاتيحه وطلع بعدها انتبه لروحه مش لابس تيشرت 🤦♂رد يجري للدار وخش للحمام
.
.
طق طق طق طق طق طق
رغدة فتحت الباب منهارة ويوسف مسكها من اكتوفها بلهفة وخوف:كنك اتحسي في حاجة
رغدة:يوسف 😭
......................روايات دابي..........
