#التوأم_المجبور
#الحلقة_13
رغدة ترعش وخايفة
سعاد:خليه يخش للمربوعة توا بنته اتجيه واتقابله
رغدة 😳
سعاد شافت لرغدة:عدي شوفي باتك شنو يبي
رغدة جتها ومسكت في يدها وتحكي بترجي:انحب علي يدك متخليش ياخدني 😭
سعاد:عدي متخافيش شوفيه شن يبي ومش حنخليه ياخدك
رغدة براحة وفرحة مسحت ادموعها ووقفت طلعت للمربوعة
.
.
مصطفى اول ماخشت رغدة بخطوات مترددة صبا وقرب منها😡
مصطفى مسكها من ذراعها:تحسابي روحك بتهربي مني اهو طحتي ومحد سمى عليك
رغدة اتشوفله:😡وين رغد
مصطفى 😏:توا تسالي عليها لو هامتك صاح مكنتيش اتبدلي😡
رغدة:بس انت كنت تبي تقتلها انت عارف رغد متحملش تزوج😡
مصطفى:واهي تزوجت وماصارلها شي
رغدة 😳:كيف مسكاته من دبشه واتعيط عليه😡كيف تزوجت انت عارف انها اتموت متحملش ليش تبيع فيها كيف مابعتني ليش
مصطفى دفها لعند طاحت:هوا طلبها ابروحه محد ضربه علي يده
رغدة😳:يعني هوا يعرف انها مريضة
مصطفى:يعرف وانا اكدت عليه ميجيش ايقولي انها متحملش ولا ماتت بين ايديه
رغدة منصدمة واتفكر من ايكون الي وافق انه يتزوج رغد وعارف بمرضها
مصطفى مسكها من رقبتها ووقفها :اصلا انا مصدقت تفكيت منها اختك الميتة الي مافيش منها فايدة ابدا لكن انت كنتي اتجيبيلي في الفلوس وتوا ربي جابك ليا من جديد
رغدة اتحاول اتفك روحها اعيونها بيطلعن من الخوف اتشوفله
.
.
اسلام:انت شنو اتقولي خليه ياخدها قبل ماانا نرتكب فيها جريمة ونقتلها
سعاد:اسلام انا قتلك كلمة وحدة توا تطلع لباتها واتقوله يمشي ويخليها هنا حوشها وحوش راجلها فاهم ولا لا
اسلام 😡:يامي انت
سعاد قصت عليه اتعيط:اسلام مانبيش نغضب عليك
اسلام طبس راسه وكمض علي يده :ححاضر 😡وطلع
.
.
مصطفى ماسكها خانقها:طبعا انت توا نضفتي لكن حنرد انوسخك يامسخة
رغدة:مستحيل انرد معاك للعفن الي كنت فيه لو اضطريت نعيش في الشارع 😡
مصطفى:لا وين شارع وانت توا تورثي علي قلبك الملايين تبي تودريهن وخلاص
رغدة اتحاول اتفك روحها
الباب انفتح وخش اسلام انصدم من مصطفى خانقها لكن مصطفى اول ماخش اسلام طلقها
اسلام:امشي خشي جوا
رغدة ترعش شافت لمصطفى بخوف وطلعت تجري ركبت لدارها
مصطفى:معليش توا كنت بندورك انعزيك مدله يده عظم الله اجرك
اسلام يشوف ليد مصطفى وللمصطفى باستحقار ومسلمش عليه:انت شنو تبي توا
مصطفى سحب يده باحراج :نبي بنتي
اسلام:معندكش بنات عندنا
مصطفى 😳شنو
.
.
رغدة خشت تجري لدارها طاحت عالسرير وتبكي بكل قوتها وفي عقلها رغد اسكتت واتفكر:رغد زعما يحبها الي خداها وعارف انها مريضة ياربي اختي اتكون لقت من يحن عليها ويحبها 😭
..............روايات دابي......
عادل: كيف اليوم اتجي اخته وتحكي عادي وبدون ماتحكي علي موضوع حنين فيه حاجه مش تمام داوود جا يومتها ودار نفس الشي
عالية:مش عارفه والله والاغرب حسيتها تسال فيا عالبنات كم عندك بنت وانت عندك بنات من قبل ماتزوجني ولا لا حسيتها سامعة علي جود انا
عادل:وكنك ماتقوليها لها جود بنتي وانا متزوج امها علي سنة الله ورسوله منيش جايبها بلحرام علي شان انتحشمو منها
