#التوأم_المجبور
#الحلقة_14
داوود ايشوف للعادل بصدمة وعادل مش قادر يرفع اعيونه فيه
داوود:اطلعو كلكم وخلونا
العسكري:حاضر يافندي هيا قدامي انت وياه
عادل مطبس راسه ومنحرج من داوود:اانا يياوليدي والله
داوود قص عليه:تفضل قعمز ياعمي تفضل وتوا نحكو
عادل قعمز بكسرة :الله يربحك ياوليدي والله كل مانبي نسيب منقدر لكن بعون الله خلاص شعفة وتوبة ياوليدي غير تربح طلعني منها الله يربحك والي تبيها انديرها لك
داوود:انت تشرب ولا تبيع
عادل:لالا والله نشرب بس
داوود:ممممم
عادل يمسح في عرقه ومنحرج من داوود:اسمع ياوليدي الله يربحك استر عليا انا بات بنات ونبي نزوزهن وانتريح عليهن وكان سمعو اني صاحب كاس معش يجي حد يتقدملهن
داوود:🤨
.................روايات دابي...... ...
خديجة تخبط علي وجهها :حاي علينا عليك فضيحة نهار اسود قدام الناس ياربي
جمال :اسكتي يامي اشوية خلينا نفهمو😡 شنو الي قاعد اتقول فيه هضا انت بجدك تحكي
معتصم:اها بجدي رغد مراتي وعلي سنة الله ورسوله يا حني مش كيف مانت مفكرة
جمال:احكي معايا انا هنا 😡كيف وليش وامتى
معتصم:ياباتي توا انجي نحكيلك كل حاجه خليني نمشي اندور عليها والتفت بيمشي
جمال :معتصم 😡شوفلي هنا
معتصم غمض اعيونه بقلة صبر و التفت عليه :نعم
جمال:انت اتحبها
معتصم 😳
خديجة:والله مانضني الا دايرتله شي حاجة لالالا مش بلاش العيل
جمال:جاوبني
معتصم طبس راسه:مش عارف ياباتي انا ابروحي مش عارف كني
خديجة:اها شفت توا كلامي صح
معتصم:مش عارف ياباتي انا في البداية وسكت
جمال:احكي كنك سكتت
معتصم:اها ياباتي انحبها معتصم كان مش متاكد من شعوره لعند باته ضغط عليه
التفت وطلع وهوا يردد في كلمة وحدة:انحبها صاح انا انحبها ركب في السيارة وطلع يجري
.
.
عنيات واقفة عالباب وسمعت كل حاجه التفت 😲:يانهار اسود دي طلعت قادرة وعرفت تكسب قلبو قعمزت عالكرسي بستهة والله وانا عمالة اهزئ فيها يالهوي لو ترجع وتنتقم مني يامصبتي 😱
.
.
.
الشاب نزل من السيارة وقرب من رغد الي طايحة وفمها ازرق وشبه ميتة لدرجة مسقعة
رفع شعرها من علي وجهها وحط صوابعه ايشوف فيها اتنفس او لا
امه نزلت من السيارة :بسم الله ياباتي كنها البنت ميتة ولا ايش
الشاب بتوتر:ممش عارف يامي لكم لاتنفس لا باين انها حية
امه :بسرعة شيلها معايا خلينا نسعفوها
الشاب:خليها توا انشيلها شوفيها كيف رقيقة بكل وخفيفة
شالها وحطوها في السيارة وطلعو بيها
.
.
معتصم يبرم بلسيارة ودماغه مستك مش عارف هيا وين ممكن تمشي
يفكر يمكن عدت لباتها لالا مستحيل وينها وينها 😡يبرم بلسيارة وبعيونه وقلبه يغلي عليها
مني انا الغلط مني انا ليش ماقدمتها علي اساس انها زوجتي من الاول ليش
بس انا مكنتش نحساب روحي اني ممكن نحبها
