#التوأم_المجبور
#الحلقة9
يوسف ماسكها من اكتوفها ويعيط:انت شنو اتقولي 😡ليش اتقولي باتك
رغدة نفضتله ايديه من عليها واتعيط عليه وتبكي:انا مقتلكش انه باتي دفاته بيديها علي صدره انت الي قلت 😡 ومشت وقعمزت عالصالون وطبست حطت راسها بين ايديها وتبكي بحرقة
يوسف واقف يشوفلها ومصدوم ومش عارف شنو ايدير او يقول
الاسعاف وصلت رغدة فتحتلها الباب
رغدة:تعالو جوا قاعد 😭
يوسف حكالهم بالانجليزي وفهمو عليه وخدو الشايب وحطوه عالبريلة وحكو مع يوسف بالانجليزي وطلعو
رغدة لحقتهم ويوسف لحقها مسكها:تعالي هنا وين ماشية
رغدة تبكي:خليني نمشي امعاه 😭خليني انا يحكو مفهمتش شي
يوسف يشوفلها بكسرة:اوكي هيا توا نشيلك خداها وطلعو وراء سيارة الاسعاف
.
.
.
وصلو للمستشفى رغدة نزلت تجري من السيارة ولحقت المسعفين
يوسف نزل من السيارة ولحقها
الشايب دخلوه بسرعة للعناية وخشوله الدكاترة
رغدة مخلوهاش تخش سكرو عليها الباب طاحت عالكرسي وتبكي
يوسف داخل وراها اول ماشافها منهارة 💔قعمز احداها :خلاص اهدي انشالله خير
رغدة:ياربي انشاالله مايموت 😭ياربي
يوسف طبس عليها:انت كنتي تبي تنتحري يعني انت مش متريحة معاه
رغدة شافتله :المعنى
يوسف:لا انا مستغرب خوفك عليه بس
رغدة:انا انموت عادي 😭لكن هوا لالا وحطت يديها علي وجهها وانفجرت 😭
يوسف مستغرب يشوفلها وخلاص
.
.
طلع الدكتور من الغرفة المعاينة رغدة صبت وجاته تجري
رغدة:كنه يادكتور شنو فيه😭
الدكتور يحكي معاها بالانجليزي وهيا مش فاهمه التفتت علي يوسف الي وقف وقرب منها يحكي مع الدكتور
يوسف:ok thanks (حسنا شكرآ )
الدكتور عدا ويوسف التفت علي رغدة
يوسف:قالك جايتة جلطة وحالته خطيرة ادعيله
رغدة مسكت في يوسف:لالا متقولهاش لالا😭الله يخليك قوللهم ينقذوه وحطت راسها علي صدره تبكي بحرقة
يوسف خداها وقعمزها علكراسي وقعمز احداها عطاها امية :اهدى خلاص انشاء الله حيكون بخير
.
.
.
قعدو وقت طويل رغدة دهشت من البكاء لعند نعست مالت براسها علي كتف يوسف
يوسف شافلها 💔وحط راسه علي راسها وغمض اعيونه
.................روايات دابي...........
رغد بعد طلع معتصم صبت تجري خشت للحمام غسلت وجهها وطلعت فتحت شنطتها وطلعت احبوبها خدتهن وطاحت علسرير تنهدت بخوف وترعش وهيا اتفكر في معتصم
.
.
.
ثاني يوم الصبح معتصم وعا من النوم خش دار حمام وطلع لقا فطوره ودبشه الي عطاه للرغد عرفها جت للدار وطلعت وهوا في الحمام
فطر وغير ونزل
خديجة علي طاولة الفطور هيا وجمال وريناد اخت معتصم ويوسف الصغيرة في الاعدادي تقرا
معتصم:صباح الخير
خديجة:صباح النور حبيبي تعال افطر معانا
معتصم:لالا فطرت فوق توا قبل ماننزل
