#التوأم_المجبور
#الحلقة5
مصطفى مسكها وكرها من علي معتصم الي واقف ومصدوم منها ليش غيرت اقوالها
مصطفى:كنك هبلة انت 😡شاف لمعتصم اااممععليش
رغد حاسة بالم فظيع في قلبها ووهن وتعب تحكي بصعوبة:ااها احبسني انا سراقة 😭احبسني
مصطفى بيحكي وقفه صوت معتصم الي عالي لعند انفجع
معتصم:اطلع برة وخلينا
مصطفى:يافندي
معتصم 😡:بررررة
مصطفى طلع واعيونه عليها😡
معتصم يشوفلها حاس بيها تعبانها قرب منها وطبس عليها:شكلك عجباتك القعدة هنا
رغد:الله يربحك متخلينيش نمشي معاه 😭انا تعبت خلاص
معتصم بنبرة هزوة:تعبتي من السرقة
رغد تحكي بصعوبة خلاص حتى الرؤيه عندها شوشت:الله يربحك خخودني نشتغل خدامة عندكم في الحوش والله حنخدمكم بعيوني😭
معتصم:توا انت بجدك تحكي يعني تبيني انشغل وحدة سراقة عندنا
رغد:والله مماننمد يدي علي حاجة والله انا ههووا ييججبر فيينا
بدات اتحس بكرعيها مش شايلاتها ترنح واتشوف في معتصم مشوش شفايفها بدا لونهن يتغير للازرق
معتصم ركز علي شفايفها رفع يده لوجهها وحاول انه يستكشف اللون الازرق الي علي شفايفها شنو هوا
مسح بصبعه الابهام شفتها السفلية ونظرة التعجب علي وجهه
رغد ارتخت بين يديه مسكها وطاح علي ركبيه وهوا ماسكها والصدمة في اعيونه 😳
معتصم يحاول انه يواعيها لكن رغد استسلمت خلاص جسمها الهزيل والضعيف مرتخي بين يديه وهوا مش عارف شنو يدير
معتصم بصوت عالي :ياعسكري انت يازفت
العسكري فتح الباب وخش يجري ووراه مصطفى
مصطفى 😲
معتصم:بسرعة جيب الاسعاف
مصطفى قرب منهم:كنها ماتت
معتصم شافله باستغراب انه ماهزتلاش شعره عليها ولا خاف عليها
معتصم 😡:تي شنو ماتت بنتك طاحت فجاءة كنها شنو فيها هيا
مصطفى بكل برود:عندها القلب هيا اكيد مش واخدة دواها
معتصم 😳
................روايات دابي........
يوسف نازل بشنطة السفر قرب منه باته وحط يده علي كتفه
جمال:اسمع انا عابي عالله وعليك
يوسف:تي عيبب انا قدها 😉حنتم عالبظاعة وانروح
منعم:انا توا نوصلك للمطار عندي كم شغل انكمله وانلحق عليك يومين بلكثير
يوسف:هيا تبي حاجة ياحني
خديجة طالعة من المطبخ بكاس امية:لا لا حبيبي تمشي واتجي طيب يامي وطلعت وراهم هيا وجمال
يوسف ومنعم ركبو السيارة وشاورولهم بمعنى سلام طلعو بلسيارة وخديجة كبت وراهم كاس المية
خديجة:تمشي واتجي طيب ياعيوني
جمال :توا عليش المية 😂يامي
خديجة:بيش اتسهله الطريق ياوليدي
جمال يضحك حاوط امه بيده وخش معاها ويحكي ويضحك
.
.
.
يوسف وصل علي تركيا نزل في فندق ينزل فيه اغلب اليبين
خدا دوش وعزق روحه عالسرير ورقد في سابع في نومة 😴😴
.................روايات دابي.......
