المراة المظلومة

البارت_الاول_المظلومة

المظلومه
الجز. 1
♧ألكأتب_ابن_ألشيخ
اني صاحبة القصه اسمي هدى عمري 24 سنه حالياً..  قصتي تبدي من سنة 2008 .. كنت صف ثالث متوسط من بلغت ماما حذرتني من الشباب كالت انتي كبرتي و صرتي مره لازم تحافظين على نفسج من الشباب لان يحبون يضحكون عالبنات و ديري بالج من البنات لان مو كلهن صداقتهن حقيقيه..  كلامها بقى وياي ولا لحظه نسيته و اني اصلا معندي صديقات مو اجتماعيه..  من امشي بالشارع مثل الشرطي و امشي وحدي ما امشي ويه بنات ابدد لان اخاف وحده تتصرف غلط و غلطها ياثر عليه و على سمعتي لان احنه عائلة معروفه بالمنطقه يعني من سكانها الاصليين و بابا معروف لذلك جنت حذره بكل تصرفاتي اروح و ارجع وحدي..  و اهم شي دراستي اغلب البنات جانو يشوفوني مغروره و متكبره بس ميهمني رأيهم المهم محافظه على نفسي..  ادرس و خايفه من الثالث لان بكالوريا الحمدلله دخلت امتحانات و امتحنت و نجحت من الثالث..  قدمت ع الاعدادية بس الاعدادية جانت بعيده عن منطقتنا شويه اخاف اروح و ارجع وحدي و جانت بنيه من منطقتي هم قدمت وياي رابع..  كلت خلي اروح و ارجع وياها لان الوقت مو مال اروح هذا الطريق وحدي..  اول يوم دوام رحنه تعرفت عالبنيه و صرنه نروح و نرجع سوه.. البنيه شفتها حبابه و معدها صديقه يعني مثلي.. بعد شهرين تقريبا صرنا قريبات من بعض..  بس خلال هاي الايام جنت اشوف ولد يمشي ورانه اكثر من مره بس اكول عادي الشارع لكل الناس قابل شارع ابويه..  بس شويه شويه الولد كام الصبح و الظهر يمشي ورانه..  اني تخبلت حسيت اكو شي ما اعرفه سالت ساره ( صديقتي اسمها ساره)  كتلها هذا الولد ليش يمشي ورانه شنو معناها كالت عوفيه هدئ شعليج بيه بس حسيتها مرتبكه كتلها ساره احجي اكو شي دا يصير اني ما اعرفه.. نزلت راسها كتلها احجي فضيها.. كالت خاف تضوجين مني و تزعلين..  ولج احجي شكو..  هذا حبيبي ( حسن)  اني بس صافنه عليها كالت صارت مشكله بينه و كام يشك بيه و كال بعد اني اوصلج و ارجعج..  كتلها و اني مثل الاطرش بالزفه مو ساره.. اسفه بس لان ادري بيج ميعجبج هيج تصرف مكتلج بس جنت مجبوره..  كتلها همزين تعرفين ما اقبل..  هسه عرفتي ليش معندي ثقه بالبنات..  اني الغلطانه و تركتها ورحت..  بس ضليت افكر شلون ياربي خاف احد يعرفني انتبه عالولد يمشي ورانه ياربي احميني من كلام الناس..  متت قهرر يعني كل هالسنين اني محافظه ع نفسي حتى مراهقت مثل البنات حتى محد يحجي عليه تالي تطلع عليه حجايه بسبب شغله مالي علاقه بيها اووووف..  خلص الدوام و رجعت للبيت وحدي بس اشوفها لساره تمشي كدامي و الولد يمشي وراها... للحكايه بقيه 😘