المراة المظلومة

المظلومة البارت 6

المضلومه
الجز 6 ألكأتب ابن الشيخ

سلمت علئ فطومه و بستها فدوه لفطومه هي تكولي شنو هالجمال و اني اكولها شنو هالجمال..  هو واكف يباوع علينه جان يصيح بينه و بالنسبه لرجل الكرسي الواكف بصفجن شنو موقعه من الاعراب..  اني متت ضحك 😂😂 فطومه كلتله شبيك هاي اول نتشاوف
جاوبها تره هاي حبيبتي و اني وياها اول مره ننتشاوف..  لتخلين نفسج بالنص
اني خزرته
شكو تخزريني مجذب
فطومه كالت عادي متعلمه عليه المهم شفتج
فدوه لكلبج فطوم حبيبي
درت وجهي عليه هم بعده لابس النظارات دقتني النظارات ليش لابسهم
لان اني تك عين و ضحك
اني اباوع عليه و ساكته
لتخافين اتشاقه نزعتها يلا ( يمه فدوه لعيونه صغار بس صفر و رمشه ويه حاجبه يطخ يمه الدنيا كولها وكفت بهذيج اللحظه..  يا عالم اني اصلا مجنونته بدون ما اشوفه و هسه شفته فدوه يربي حبي مينوصف لهذا الكائن) 
هدئ شبيج حبيبي صافنه بوجهي تره كل شي بمكانه والله 😂( يبوو شكد عيب خجلت من نفسي شبيه اريد اكله بعيوني عبالك مشايفه ولد)  المهم اتغدينه هو عزمنه و ضحكنه و سولفنه من ساعه 9 الصبح لحد لحد 2 ونص حسيتهم كم دقيقه مو كم ساعه المهم راحوا للبيت و اني هم رحت للخط و كل شويه يخابرني يطمني عليهم و يطمن عليه لحد ما وصلنه البيت و يوميه يكولي فطومه خابصتني بيج فدوه لكلبها سلملي عليها
زين ماكو فدوه لكلبي..  ههههه فدوه لروحك و لكلبك و لعمرك و لحياتك و لعيونك و لخشمك و حلكك و كلك..  لا ما اريد بعد محلوه تصير من اطلبها بلساني
عابتلك مو صوجك صوجي اني
هههه فدوه لكلبج حبيبي ولج اعشقج
سكتنه شويه بعدين سالني هدوشتي اذا فد يوم عرفتي اني غلطان بحقج تسامحيني
يي حبيبي اسامحك ( شكد ثوله جنت مفكرت حتى شنو الغلط)
ايا كان الغلط
يي حبيبي ماكو غلط ميتسامح عليه المهم تعرف غلطك
فديتج يروحي
فداك اني..  حبيبي نعست تصبح على خير
نوم العوافي حبيبي
و بقينه هيج نتخابر و نتراسل بس كمت احسه تغير صح يحبني بس احسه ملتهي بغير شي او معنده وقت الي لان وقته مشغول بشي ثاني.. بس خليته ع راحته ابد محجيت وياه او حسسته اني ضايجه من وضعه..  قدرت ضروفه بدون ما اعوفها لان هو هم قدر ضروفي وقت دراستي و امتحاناتي
كمل الكورس الاول و بالعطله هم نتواصل و نتراسل و اني وفطومه صرنه صديقات كولش فدوه لصداقتها شكد حلوه توكف وياي ضد اخوها من نتعارك..  على طاري الصداقه
ساره صديقتي تركت حبيبها و بالسادس مجابت معدل زين دخلت معهد و تزوجت ابن عمها و بقينه نتواصل بس عالنت و حاليا عدها ولد ثنين..  المهم كملت العطله و بده الدوام و فد يوم صار الي جنت خايفه منه 😞😔
اتصل عليه رقم غريب..  عبالي نبيل لان مرات يتصل عليه من اصدقائه من يخلص شحنه او رصيده المهم جاوبت
الو
الو هدى
عزززه بعينج هدئ هذا مو نبيل و يعرف اسمج شجاج و جاوبتي
تفضل.. 
انتي هدئ
نعم تفضل
شلونج شخبارج
الحمدلله منو وياي
اني عبد الله اخو نبيل الجبير
اوووف يمه بهاللحظه شي واحد اجه ع بالي نبيل ( مات مقتول او انفجار)
جاوبني عفيه نبيل عايش لو ميت فدوه
لتخافين نبيل مبيه شي
والله
والله مبيه شي..  بس اتصلت اريد احجي وياج بموضوع
يي تفضل
هدى شتعرفين عن نبيل
مفهمت شنو يعني
يعني عن حياته شنو تعرفين
اعرف كل شي نبيل مضام عليه شي
مثل شنو كل شي
حجيتله كل شي اعرفه عن نبيل اصغر التفاصيل
هههههه بس هيج
يي بس هيج ليش شكو احجي وكفت كلبي
اهم شي بحياة نبيل متعرفيه
شنو شكو
نبيل يا بنت الناس متزوج و عنده بنيه 😞 ( هاي اللحظه ما اكدر اوصفها لان الكلام يعجز عن وصفها هنا حسيت حسن صدك كسرني و حطمني و دمرني بكل معنى الكلمة هنا عرفت ليش حسن كال لساره هدئ بعدها مشايفه شي هنا عرفت نبيل ليش يكولي سامحيني هنا عرفت ليش ولا مره طلب مني نتخابر وره 12 هنا عرفت ليش يكولي الله عوضني بيج عن كل شي هنا عرفت ليش يجر حسرات من اكوله اريد اعيش وياك ببيت واحد..  هنا عرفت من سالني تسامحيني اذا غلطت بحقج هنا و هنا وهنا متت و اندفنت و انتهيت و تحطمت و انكسرت و ادمرت 😭😭😭😭 اووووف عبالك البارحه صار هذا كله) 
الوو الووو هدئ وينج
وياك عبد الله
هدئ صح نبيل ممرتاح بحياته ويه زوجته و صح اخذها لان يتيمه يكسب بيها اجر و صح كلها مشاكل و متحترم احد و مأذيته و مأذيتنه و متحبنه و لا احنه نحبها بس تبقى زوجته و ام بنته هي عرفت بعلاقتكم و هو اعترف بكل شي و كال اريد اتزوجها و هي تخبلت تريد تطلك وهو معنده مانع يطلكها بس بنته خطيه و صارله شهر هو طالع من البيت ..  انتي تقبلين وحده تاخذ ابوج منج و من امج
لا طبعا ما اقبل
اذا هيج عوفيه لعد..  لتخربين حياته  الحاليه ع شي انتوا مضامنيه منو يكول تصيرون لبعض منو يكول اهلج يوافقون الي يحب يضحي ضحي علمود سعادته و حياة بنته ( اضحي بنبيل يعني اضحي بحبي بحياتي بفرحتي بضحكتي بساعدتي بمستقبلي بطموحي بارادتي بالحياة بالدافع الي يخليني استمر و اني قويه معناها اضحي بنفسي ياربي ليش هذا العقاب..  دا اكتب و صح صار سنين مرت ع هذا الموقف بس نفس الشعور دا امر بيه هسه والله مينوصف..  هالشعور ما اتمناه حتى لعدوي كد ما قاسي و مأذي 😭😭😭😭) هدئ اريدج توعديني تبتعدين عنه اذا تحبي ثبتيلي هالشي
خلص اوعدك و اثبتلك اليوم
صدك بنت اصول انتي و حقه اذا حبج
مع السلامه
مع السلامه
كعدت ابجي و ابجي و ابجي و ابجي
وره ساعه اتصل نبيل الظاهر اخوه كايله انو حجالي كل شي فتحت خط محجيت و لا هو حجه شي
هو يبجي و اني ابجي تقريبا نص ساعه اكثر احنه نبجي بدون حجي
بعدين هو حجه
هداوي روحي عمري حبي الاول و الاخير سامحيني فدوه والله محجيت لان ادري مراح تقبلين بيه اذا تعرفين و خفت تنقهرين والله خفت اخسرج لذلك محجيت حبيبي فدوه سامحيني مو كلتي اسامحك ايا كان غلطك..  حبيبي ما اكدر بدونج فدوه جاوبي 
نبيل كملت كلام
لا والله لو ابقى اعتذر منا لباجر هم مقصر وياج
ليش هيج سويت بيه استاهل اني هيج تسوي بيه و تكسرني هالكسره هاي هو تخبل ( اني اكسرج عساني ميت ولا يجي يوم و اكسرج بيه ولج انتي روحي شلون اكسرج اكو واحد يكسر نفسه..  لتكولين هيج فدوه حبيبي تموتني تردين