المراة المظلومة

الخامس_المظلومة

المظلومه
الجز 5 الكأتب أبن الشيخ

بدت العطله مال المراجعه و اتفقت وياه منحجي بس مسجات و قليل كولش كتله حبيبي تحملني بس هالاكم شهر
يي عيني جبار نتحمل معدنه غير حل 😂 بس ع الله يطلع معدلج ضعيف الا ارجعج زحف لكل يوم و ساعه عفتيني علمود من الدراسه 😂😁 فدوه لكلبه شكد احبه من يحجي هيج..  قريت و تعبت و القلق و الخوف موتني و يمكن بدون نبيل جان تخبلت ( احجي ويه نفسي شلون جنت عايشه بدونه شلون جنت مقتنعه بحياتي وهو مموجود بيها شلون و شلون وشلون)   المهم صارت الامتحانات و امتحنت و القلق موتني ع النتيجه و المعدل و طلعت النتيجه الحمدلله ناجحه و معدل زين و بده قلق القبولات طبعا هالفتره خلصناها مشاكل اني و نبيل لان مالي خلك لكلشي القلق اخذني من الدنيا كولها و الحمدلله طلعت القبولات و انقبلت بالجامعه الي جنت اريدها 😍 و بسرعه خابرت نبيله كتله نقبلت بالجامعة الي جنت احلم بيها فرح كولش الحمدلله حبيبي تعبج مراح و صبري مضاع يمه حبيبي صار بالجامعه يمه جبار ابو المولده حيدخل جامعه فديته لحبيبي 😂 و بديت احضر للجامعه ملابس و اكسسوارات كل شي يخص الجامعه و فد يوم خابرني نبيل هدهد حضري نفسج تره اجي اشوفج اول يوم دوام رسمي متدخلين ولا محاضره
اني مجاوبت
ها ست هدئ كانو معاجبج دا اشم ريحة اعتراض
مو معاجبني بس اخاف احد يعرفني يشوفنه
ولج الجامعه بيها مدري كم الف طالب و طالبه يتركوهم يكعدون يراقبرن نبيل و هدئ
والله ما ادري بس احسها صعبه اول مره احجي ويه ولد وجه لوجه
عود مستحيه من شواربج خاف اشوفهن مو لتخافين شايفهن مرتين 😂
لا شواربي شنو بس اخاف ما ادري ممرتاحه للموضوع ( جذب اني صدك مستحيه من شواربي كولش مبينات و اني ابد محافه ابد و استحي احجي ويه امي بهذا الموضوع شلون بيه يربي شكد عيب 😂) ولج انتي معقوله متردين تشوفيني ولج معندج فضول تعرفين شنو شكلي
طبعا اتمنى اشوفك بس ما اريد اشوفك وبعد كم ساعه كل واحد يروح لمكان اريد من اشوفك ما اعوفك اروح وياك للبيت و ابقى يمك
اووووووف ان شاء اللة حبيبي ( من يجر حسره احس اكو شي بس حتى لو اسال هم ميجاوب لذلك ما اساله)  بس لازم من اداومين اشوفج و اذا تخافين احد يشوفج اجيب فطوم وياي حتى ترتاحين
افكر و ارجعلك جواب
اوك انتظر بس لتاخذين راحتج بالتفكير بسرعه جاوبيني
اوك حبيبي
ثاني طلعنه للسوك هم احضر غراض للجامعه و من كملنه ماما كالت خلي نروح لبيت عمتج و بالليل نروح للبيت
رحنه سلمنه و كعدنه و حجينه و صار الحجي ع الجامعه بنت عمتي مرحله ثالثه جامعه سالتني هدوش شوكت تحفين
اني مجاوبت
ها بس لا تردين اداومين بهاي شواربج بالجامعه و كامت تضحك
اسمه زهراء و يصيحولها زوزه
زوزه اني استحي اداوم بهذا شكلي و استحي احجي ويه امي بالموضوع خاف متقبل
شنو متقبل شنو قابل خاله تريد تسويج مضحك للجامعه عيب بنيه اداوم بشواربها اصلا بهذا الوقت بنات المتوسطه و الاعداديه كامن يحفن انتي جامعه و تستحين تحفين.. معليج انتي اني احجي ويه خاله
و فعلا زوزه حجت ويه ماما و اقتنعت و زوزه حفتلي بيومها و رتبت حواجبي من رجعت للبيت بابا يكول لماما شمسويه هدئ شو صايره غير شكل ( شكد عيب 😁)
دزيت مسج لنبيل كتله ماشي تعال اول يوم دوام و جيب فطوم وياك.. 
جاوبني معناها حفيتي شواربج مو جبار 😂 كتله معليك يلا حنام تصبح ع خير
يمه فديته يضوج جبار من واحد يحجي بشواربه هههه..  اتشاقه حبيبي فديتج و فديت شواربج تصبحين ع خير
قريت المسج ضحكت و نمت
و بعد اسبوع صار اول يوم دوام يوم الاحد بشهر 11 الخط مال الجامعه يجي من وكت و صلت الجامعه ب8 و عشره كعدت بالحديقه انتظره و كلبي يدك الف دكه بالدقيقه و ارجف.. حب عمري و حياتي و اول حب يسكن كلبي اليوم حشوفه بعد 3 سنوات بس اسمع صوته حشوفه هسه صوت و صوره بعدني دا احجي ويه نفسي و جان يصير كدامي ولد طويل و اشكر و ابيض لابس اسود بس الستره بيجي و وياه بنيه بس شفته كلبي دك بدون ما اعرف هذا هو..  طبعا هو بعده مشايفنه تليفوني دك باوعت للولد الي كدامي هم دا يتصل فتحت خط
الو
حبيبي وينج
امشي كم خطوه ليكدام ( اني اراقب الولد الي كدامي هم اتقدم عليه اتاكدت انو هو هذا)  يمه كلبي مدري وكف مدري طلع من مكانه مدري يدك اسرع من اسرع شي ع وجه الارض
كمت اني تقدمت عليهم هو عرفني و بعده عالخط وياي يكولي فدوه فدوه فدوه اسمعه يحجي ويه فطوم و يأشر عليه لج فطوم شوفي هياتها غزالتي
كتله كافي وصلنه خلي نقفل الخط قفلت الخط ووصلت يمهم طبعا هو لابس نظارات..  للحكايه بقيه 😘