المراة المظلومة

البارت الثالث المظلومة

المظلومه
#بارت_3
ألكأتب ابن ألشيخ

خلصت العطله و بده الدوام و بدت الدراسه و التهيت بدراستي و  هملته لنبيل شويه و هو قدر وضعي ميزعجني ابد بس يدزلي مسجات يطمن عليه بيها و دائما باغلب مسجاته بالنهايه يكتب سامحيني..  اساله ليش تكولي سامحيني..  بعدين تعرفين ( شكد جنت ثوله 🙄)  المهم دراستي تبقى بالاهتمام الاول بالنسبه الي و بنفس الوقت مرات اشتاق احجي ويه نبيل بس ابد ما ادزله مسج لان احس دا اتنازله او اهانه اليه ( يمكن صدك جنت مغروره 😂) امتحنت نص السنه و نجحت و بدت العطله رجعت اراسل نبيل و نتواصل مثل البدايه بس هم منتخابر هواي و لا وره 12 و دائما يكولي سامحيني هدهد..  اساله ع شنو؟ بعدين تعرفين و فد يوم جان بعد للعطله يومين و تخلص..  خابرت نبيل حجينه و مدري شنو نبيل سكت وره شويه كال هدئ لازم احجي بعد ما اكدر اسكت كتله اوك اسمعك
بس توعديني تسامحيني و تفهميني فدوه لان كولش نادم
احجي نبيل خوفتني شكو
تعرفين ولد اسمه حسن و حبيبته ساره تفاجئت..  ساره صديقتي وهذا حبيبها من وين تعرفهم
حسن اقاربي يصير ابن خالة امي
ضحكت هههههه كتله هسه عرفت ليش تكول كل شي سهل بهالدنيا
هدئ اسمعيني..  فد يوم جنت ببيت حسن و جان هو وحبيبته يحجون ع بنيه و سمعته يكولها منو هي حتى تشوف نفسها عالناس خشمها ميكصه الطبر الا اكسره الها و من كمل مخابره سالته شبيها البنيه كال يمعود محد عاجبها اريد اكسر خشمها.. هاك هذا رقمها اتونس وياها شويه ( شكد كرهت نفسي و شكد تندمت لان مبقيت محصنه نفسي من الولد و شكد انقهرت لان نبيل جان اول حب بحياتي 🙁) 
وهسه انت ربحت الرهان و كسرت خشمي مو
لا والله هدئ اصلا من اول شهر عرفتج شنو و تندمت لان جنت ناوي اضحك عليج  لان طلعتي عكس الي وصلني عليج تماما والله متندم عفيه سامحيني
نبيل كملت كلام بعد اكو شي ما اعرفه..  لا حجيت كل شي..  يلا باي قبل ميجاوب قطعت الخط وره يومين بده الدوام اجتني ساره عود تريد تسلم عليه و استلمتها بدون سلام..  صار موقفين تثبتيلي بيهن انو جنت ع حق من ما اثق بالبنات و لا الصداقه بس مو صوجج صوجي اني الي صدكت صارت عندي صديقه و نسيت كلام امي
ساره صافنه عليه ياساتر هاي هيج يتلكون الواحد بعد فراك اسابيع..  ههههه لتسوين نفسج متعرفين شي ساره لتخبليني
هذئ والله ما اعرف ع شنو دتحجين شكو
متدرين انو نبيل و حسن اقارب.. متدرين انو حسن ناطي رقمي لنبيل و يكوله اتونس وياها و عوفها..  متدرين انو حسن افندي يريد يكسر خشمي بنبيل
ساره صافنه هدئ والله ما اعرف بكل هذا حالي حالج
ههههههههه محد خسران بس اني خسرت ( كرامتي و نطيت مجال لحسن يسوي الي يريده و يكسرني بس الله ع الظالم) 
ساره متحملت كلامي و ابجي...  راحت للصف و هم كامت تبجي
ثاني اجتني ساره رادت تحجي كتلها عوفيني بحالي دمرتيني بعد شتردين مني ما اريد صداقتج بس عوفيني بحالي
صاحت بيه لتظلميني اسمعيني و بعدين احكمي.. والله ما اعرف كل الي حجيتيه البارحه و من رجعت للبيت خابرت حسن و سالته و طلع كلامج صحيح و تعاركت وياه و كتله بعد ما اريد احجي وياك.. 
و رقمي منو نطاه لحسن مو انتي
هدئ والله مو اني تتذكرين العام من خابرتج بالعطله و كتلج حسن حياخذ فوني يومين
يي اتذكر و اتذكر كتلج حذفي رقمي..  والله الخط بقئ يمي و اخذ بس الجهاز بس الارقام طلعت محفوظه بالجهاز هم شمعرفني اني بهالسوالف تحجي و تبجي..  و اصلا حسن مراح يجوز منج و يكول بعدها هدئ مشافت شي بعدني مكاسر خشمها ( بعدين تعرفون حسن ليش هيج كال)  ( تقريبا صدكت كلامها لان بوقتها الاجهزه جانت مصارلها هواي بالعراق مو الكل يعرفلها)  المهم اني انهاريت كعدت بالكاع و بجيت و مدخلت ولا درس
بهذا الوقت نبيل يوميه يحرك الجهاز بالاتصالات و المسجات ما اجاوب يتوسل بيه..  لحدما فد يوم دزلي مسج ( الج منا لساعه اذا مجاوبتي والله اجي لبيتكم و ادك الباب و اي واحد يطلع اكوله اريد حبيبتي هدهد)  نبيل خبل حبيبي و اعرفه المهم اتصل فتحت خط بس محجيت
هو يحجي هدوشتي حبيبي اسف والله نيتي جانت شي و من عرفت صارت شي ثاني والله و حسن بعد مخابرتج بشهر و عرفتج طاهره و على نيتج خابرته و طيحت حظه و لهسه ما احجي وياه..  يلا يا ابو عيون سامح حبيبك ياروح حبيبك ( يسميني ابو عيون 😂😁 اوووف شكد حلو الحب الاول..  ميعوضه اي شي بالدنيا كولها ابدد)  طبعا كد ما احبه ما اكدر اقاوم كلامه و صوته و اسلوبه و شقاه ما اكدر المهم سامحته و رجعنه مثل قبل و اكثر لان روحي صارت معلكه بيه يمكن باليوم نتراسل 30 مسج اقل شي من غير مكالمة العصر يمه شكد احبه يمه امووووت بيه بالمناسبه اني نهائيا مشايفته ولا اعرف شكله والله بس شايفني مرتين..  حبيته من صوته من كلامه من خوفه عليه من اسلوبه من يشاقيني ساعه ع اساس صديقه و ساعه حبيبته و ساعه جبار ابو المولده لان جنت محافه شواربي ابد مبينات..  من يضوج لو تصير شغله متعجبه يسميني جبار ابو المولده 😁😂 بس اني ابد مشايفته ابد والله..  هو جان يسالني انتي عاقله لو مخبله شلون تحبين واحد مشايفته متخافين اطلع اعمه اعرج مشلول ناقصني ايد رجل اكوله ميخالف والله بكل شي اقبل بس اعيش وياك..  والله ما اعترض ع اي شي..  يمه حبيبي ولج انتي الله عوضني بيج عن كل شي..  اساله مثل شنو الكل شي يجر حسره هواي اشياء خلي تولي ( هم بعدين تعرفون شنو هالاشياء)
نرجع لسالفتنه كافي احجي بيه 😫 قربت الامتحانات و درست و هم هملته شويه طبعا كام يضوج من الدراسه و تجي مرات يخيرني بينه و بينها بس بعدين يتراجع امتحنت و نجحت للسادس الحمدلله 😻
للحكايه بقيه 😘