المراة المظلومة

البارت الثاني _المظلومة

المظلومه
#بارت_2
ألكأتب أبن ألشيخ
وصلت للبيت و درست و اكلت..  بالليل دك فوني طلعت ساره جاوبتها
الو
هلاو هدهد شلونج
تمام
شبيج كوه تردين
تعرفين شبيه
حقج و اسفه والله بعد ميتكرر هالشي مو كتلج جنت مجبوره و اليوم تعاركت ويه حسن علمودج لان ضجتي من تصرفي
ساره اني اكره هالتصرفات و انتي تره تضرين نفسج بهاي تصرفاتج ميفيدج هذا الولد اذا طلعت عليج حجايه محلوه
اعرف هدئ بس احبه
براحتج المهم نصحتج
المهم باجر نروح سوه مو ترحين وحدج الطريق محلو بدونج
ليش حتى هم يجي ورانه حسن افندي
لا مراح يجي بعد والله كتلها اوك
ثاني يوم رحنه سوه و اعتذرت مره ثانيه ورجعنه مثل قبل نروح و نرجع سوه..  فد يوم اجتني ساره كالت اريد احجي وياج كتلها اي كولي كالت صديقه لحسن شايفج و ميت عليج و يتوسل بحسن علمود يصير واسطه بينكم و حسن طلب مني اكولج اني تخبلت كتلها يعني انتي لحد هسه متعرفيني تدرين كولش زين هالسوالف مالي علاقه بيها ابدد هذا الموضوع تسدي و تكولين لحسن افندي يعوفني بحالي احسن اله ( طبعا اني ابد معندي علاقه قبل رغم حلوه حنطاويه و رشيقه و طولي وسط و عيون كبار و دمي يلعب ع كولة الناس ههههه و محد يصدك من البنات من اكولهم معندي حبيب)  ثاني يوم اجتني ساره كالت هدئ حسن حلفني اوصلج هذا المسج ( يكولج ع شنو شايفه نفسج و متكبره و محد مالي عينج منو انتي..  تمشين و خشمج ميكصه الطبر)  كتلها و اني احلفج توصليله هذا المسج و تكوليله ( اني تاج راسه لو ما هيج اني مجان انضغط مني لهدرجه)  العصر دزتلي مسج هدئ وصلت المسج و حسن يكول ( الا اكسر خشمها هذا الي رافعته عالدنيا كولها و اعلمها حسن منو)  اني دزيتلها ضحكه ( ههههههه) مخفت منه و لا هزني مدام واثقه من نفسي الحمدلله..  ثاني يوم من داومت سالتني ساره كالت ( هدئ انتي تغارين مني لان عندي حبيب و انتي لا..  ضحكت كتلها منين جبتي هذا الكلام كالت حسن كلي صفنت عليها كتلها و انتي صدكتي..  هي خجلت كالت لا لذلك اجيت اسالج)  كتلها ساره لو اغار منج اكدر خلال يومين اسوي علاقه ويه ولد يسوه راسه لحسن و انتي و هو تعرفون هالشي كولش زين  هي خجلت من نفسها كولش..
قربت امتحانات نصف السنه كتلها ساره اهتمي بدراستج حسن ميفيدج والله اذا رسبتي
كالت انتي سويلي واهس هدهد خلي نقره سوه
كتلها اوك و بدينه نقره لامتحانات نصف السنه و امتحنه و بدت العطله و خلصنه العطله مسجات و باخر اسبوع دزتلي مسج ساره ( حبي مراح اراسلج هاليومين لان حسن محتاج فوني لحد ما يشتري جديد حياخذه كتلها اوك بس حذفي رقمي..  كالت يي هو اصلا الخط يبقى يمي ياخذ بس الفون)  كملت العطله و داومنه عبالك مو اسبوعين سنتين..  فد يوم رجعت للبيت تعبانه و نعسانه بدلت و غسلت و صليت و نمت ووقتت المنبه حتى اكعد اقره..  بعدني ستوني غفيت و دك فوني باوعت رقم غريب.. مجاوبت ما اجاوب رقم غريب لو تنكلب الدنيا و اتصل تقريبا 5 مرات مجاوبت..  ثاني يوم كلت لساره عالرقم..  كالت لتجاوبين خاف تصيرلج مشكله
هو اني اصلا ما اجاوب
وبقئ الرقم تقريبا 3 اسابيع يوميه يتصل اقل شي 4 او 5 مرات
و فد يوم جان جمعه عندي امتحان شهري مال جغرافيه دا اقره اتصل الرقم الغريب مجاوبت وره نص ساعه اجاني مسج فتحته من الرقم الغريب مكتوب ( هلاو هدئ..شلونج شوكت ناويه تجاوبيني..  تره ما امل و ابقى اتصل و للعلم كل شي اعرف عنج مواليدج و منطقتج و بيا صف و حتى شايفج مرتين..  هسه اني اعرف كل شي عنج..  جاوبيني حتى احجيلج كل شي عني.. )  طبعا من قريت المسج قطرة دم مبقت بجسمي متت و الامتحان كوه قريته الف سؤال يدور براسي ( منو هذا و منين جاب رقمي و شلون عرف عني كولشي ووين شافني يارب ساعدني)  الاحد رحت للامتحان و الحمدلله جاوبت ع كد النجاح و بعده حجيت لساره كل شي..  كالت عزه بعينج ولج منو هذا يمه تخوف الشغله كتلها انتي دا احجيلج حتى يخف القلق مو تزيدي عليه..  كالت اذا اتصل جاوبيه و افتهمي شيريد هذا يخوف مدام يعرف كل شي بالبدايه كلت ما اجاوب بس بعدين قررت اجاوب اريد اعرف شيريد و من جاب رقمي من رجعت للبيت اتصل. اول مره مجاوبت بالمره الثانيه فتحت خط
الو
الو.. مرحبا
تفضل
هلا بهداوي..  جنت متاكد صوتج حلو مثل شكلج
تفضل شرايد
مرايد شي بس يوميه دقيقتين اسمع هالصوت كولش كافي عليه
منين جبت رقمي
ههههه سهله كولش
رقمي مستحيل احد يحصله منين جبته
ههههههه وين عايشه هداوي بهالدنيا كولشي سهل يتحصل و بالاخص رقمج متعبت بيه
تخبلت مو صوجك صوجي اني جاوبتك يلا باي
هدهد والله ما امل لو اعرف باليوم اتصل الف مره لحد متردين عليه
سديت الخط و اني جسمي كله يرجف و بردت كولش لان حسيت جسمي نشف من السوائل رغم جان صيف بس بردت كولش
ثاني يوم سولفت لساره..  خوفتني اكثر عززه بعينج هدئ هاي عود حريصه على رقمج و حصله هذا الولد..  يمه صدك الدنيا تخوف
صحت بيها كافي ساره لتخوفيني اكثر من خوفي الي بيه
و بقئ شهر ع هذا الحال يوميه يتصل و يدز يوميه مسج الصبح يصبح و بالليل تصبحين ع خير بس ما اجاوبه و بدت امتحانات نهاية السنه و امتحنت الحمدلله و نجحت و بدت العطله..  كمت احس بفراغ ماكو دراسه و ضوجه خواتي صغار معندي اخت بعمري حتى نحجي او ننشغل ببعض و ساره ملتهيه ويه حسن..  فصار عندي فضول مدري رغبه اجاوب هذا الولد و احجي وياه..  طبعا هو طول هالفتره مبطل يتصل و يدز مسجات..  و مره اتصل و رديت عليه
الو
مو كتلج ما امل و ابقى اتصل لحد متجاوبين
انت شتريد مني ليش هالدرجه عندك اصرار علمود اجاوبك
مو كتلج دقيقتين اسمع هالصوت كافي
مجاوبت عليه
هدهد
نعم..
معندج فضول تعرفين عني شي..  اني اعرف عنج كولشي
انت من وين عرفت عني كولشي ووين شفتني
بعدين اكولج مو هسه
ليش مو هسه
لا هسه خلي احجيلج عني ( اسمي نبيل و مواليد 86 و ممكمل دراسه و ضابط بالمرور) 
و حجالي عن اهله و خوانه و كل شي يخصه ( بعدين طلعت اهم شي بحياته ما اعرفه هههه) 
بقينه ع هذا الحال نتراسل و العصر شويه نتخابر و بالليل وره 12 نهائيا منتصل لان اني اخاف يعني ابد ممسويتها قبل و هو ولا مره طلب مني هالشي ابدددد ابددد 
للحكايه بقيه 😘