ဒီနေ့ ကိုယ့်ရဲ့အစ်မကအိမ်လာလည်တယ် ပုံမှန်ဆိုတစ်ယောက်ထဲလာလည်တဲ့အစ်မကအခုတော့ဘေးမှာကောင်မလေးတစ်ယောက်နဲ့ ဖြူဖြူသေးသေးလေး ချစ်စရာကောင်းတာမလို့ အစ်မကိုတောင်ဂရုမစိုက်ဘဲ နာမည်မေးကြည့်ခဲ့တယ်
နာမည်လေးကတစ်လုံးထဲ ခင်တဲ့
ကိုယ့်ထက်တစ်နှစ်ဘဲကြီးတာမလို့ ခင် လို့ဘဲမြတ်မြတ်နိုးနိုးခေါ်ခဲ့တယ်
အစ်မကလဲကိုယ့်စိတ်ကိုသိတယ်ထင်ပါရဲ့အိမ်လာလည်တိုင်းခင့်ကိုခေါ်လာတယ်
အရင်ကထက်ခင်နဲ့ပိုရင်းနှီးလာတယ်
အရင်ကဆိုပါးကိုနမ်းရင်ရှောင်ပြီးရိုက်လွှတ်တဲ့ခင်က အခုနမ်းရင်ငြိမ်ခံနေတဲ့အထိ
ခင့်ကိုစတွေ့တုန်းကရင်ခုန်ခဲ့တာကို ညီအမသံယောစဉ်လို့ဘဲခေါင်းဆင်တပ်ခဲ့ပေမဲ့ ကြာလာတဲ့အခါ
ကိုယ့်ဘက်ကညီအမထက်ပိုနေတဲ့ကိုယ့်ရင်ခုန်သံတွေကြောင့် ဖွင့်ေြပာမယ်လို့ဆုံးဖြတ်ခဲ့တယ်
ဖွင့်ေြပာမယ့်နေ့မှာဘဲ ခါတိုင်းဆိုအစ်မလာမှလိုက်လာတဲ့ ခင်ကဒီနေ့ကိုတစ်ယောက်ထဲလာလည်တော့
ဖွင့်ေြပာဖို့ကပိုသေချာသလောက်ရှိနေပြီ
"ငယ်"
"ခင်"
နှစ်ယောက်စလုံးပြိုင်တူခေါ်မိတာကြောင့်
"ခင်အရင်ေြပာပါ ငယ်နောက်မှေြပာမယ်"
အဲ့တုန်းကခင့်ကိုဦးစားပေးခဲ့တာနောင်တရမှန်းခင့်စကားဆုံးမှသိလာတယ်
"မမ ကိုလေရည်းစားစကားေြပာတယ်"
"ဘာ ဘယ်..ဘယ်သူကလဲ"
"ငယ်ကလဲလန့်လိုက်တာ ငယ့်ကိုေြပာပြမယ်
ဒီနားတိုး အဲ့တာငယ့် အစ်မ"
ငယ့်အစ်မဆိုတာကြီးကကိုယ့်ရင်ထဲကိုဓားနဲ့မွှန်းလိုက်သလိုဘဲ ငိုလို့လဲမရတင်းတင်းကြပ်ကြပ်ခံစားချက်ကြီးနဲ့
"ခင်ရော ခင်ကရော လက်ခံလားဟင်"
"အင်း မမဒီနေ့ အေြဖပြန်ပေးမလို့ ယောက်မလေး
နောက်နေ့ကစပြီးငယ့်ကိုယောက်မလေးလို့ခေါ်မယ်နော်"
ပြုံးပြီးေြပာနေတဲ့ ခင့် ကြောင့်ကိုယ့်မှာတစ်ယောက်ဘဲရှိတဲ့အစ်မကိုအားကျတဲ့စိတ်တွေဖြစ်လာတယ်
အစ်မနေရာမှာငါသာဆိုဘယ်လောက်ကောင်းလိုက်မလဲ အင်း....
"ခင်ကြိုက်သလိုခေါ်ပါ ခနလေး နောက်ကရေနွေးအိုးတည်ထားလို့"
"အင်း ငယ် တစ်ခြားဘာမှမလုပ်ခဲ့နဲ့နော် မမပြန်တော့မှာ ငယ့်အစ်မနဲ့ချိန်းထားလို့"
"ဟုတ်ပြီ ခင်"
မီးဖိုချောင်ကိုသွားပြီးရေေနွးအိုးကိုကြည့်တော့ဆူဖို့လိုသေးတဲ့ရေနွေးကြောင့်ခနစောင့်နေတုန်း ပန်းကန်စင်မှာထားထားတဲ့ ကြက်သွန်လှီးတဲ့ဓားကိုကြည့်မိသွားတယ်
အခု နောက်မကျသေးဘူးမလား...ခင့်ကိုပိုင်ဆိုင်ဖို့
ညရောက်တော့ အိမ်ကိုအစ်မရောက်လာတယ်
မျက်နာမှာလဲစိုးရိမ်မှုတွေအပြည့်နဲ့ စကားလုံးတွေတောင်ဗလုံးပထွေးဖြစ်လို့
"ညီမလေး ခင်ကိုတွေ့မိသေးလား ခင် ညီမလေးအိမ်ကို...အိမ်ကိုလာသေးလားဟင်"
ဖတ်လက်စစာအုပ်ကိုချပြီးတော့
"မလာဘူး အစ်မ ဘာလို့လဲဟင် ခင်ဘာဖြစ်လို့လဲ"
"ခင် ပျောက်နေတယ် ညနေကတင် အစ်မနဲ့ချိန်းထားတာကို လာခဲ့မယ်လို့ဖုန်းဆက်သေးတယ်
အခုညဘက်ထိရောက်မလာဘူး သူ့အိမ်ကိုလဲပြန်မလာဘူးတဲ့ ခင့်ကိုရှာပေးပါအုံး
ညီမလေးရယ်"
"အင်း ညီမ ဒီနားတစ်ဝှိုက်ကိုရှာပေးပါမယ်
အစ်မလဲအိမ်ပြန်နားပါအုံး "
"အင်း အဲ့တာဆို အစ်မအိမ်ပြန်အုံးမယ်နော်"
အစ်မပြန်သွားတာနဲ့ အိပ်ခန်းထဲကို၀င်သွားလိုက်တယ် အစ်မလိုက်ရှာနေတဲ့ခင်ကအိပ်ခန်းထဲမှာဆိုတာတော့မေြပာမိလိုက်ဖူး အိပ်ပျော်သယောင်ရှိနေတဲ့ခင့်နဖူးကိုဖွဖွလေးနမ်းလိုက်တယ် နှုတ်ခမ်းကိုလာထိတဲ့ငံကျိကျိသွေးကြောင့် ပြုံးမိလိုက်ပြီး...
"ခင့်ကို ငယ်ထာ၀ရပိုင်ဆိုင်ရပြီနော်
တတိယလူမဖြစ်ချင်တဲ့ငယ့်စိတ်ကို ခင်နားလည်ဖို့မျှောင်လင့်ပါတယ် ခင်"
လေပြည်တစ်ချက်အဝေ့နဲ့အတူ အိပ်ခန်းငယ်လေးထဲသွေးညှီနံ့တွေပါသင်းလို့....
#𝔳𝔞𝔱𝔞𝔢
