كيفيه اختيار العتريس قصدي العريس و مقالب أهالينا اللي اتعملت فينا

يخربيت حلاوه امك

طبعا في بنات كتير عندها عاده بتوديها في داهيه
وهي انها كل ما تشوف شاب حلو وقمور وشخصية و الكلام اللي احنا عارفينه ده
بتبدا تعاكسه بينها وبين نفسها
انت حلو اوي ، ايه الجمال ده، يخربيت كده وبتفضل تقؤل وتستمر علي الحال ده لحد ما المعجم اللي مليان كلام حلو يخلص ، ماهي خلاص قالت كل الكلام الحلو ومعدتش لاقيه حاجه تقؤلها ، كل ده وهي كل اللي بتعمله انها بتعاكس شاب في الشارع متعرفهوش مالهاش اي علاقه بيه
طبعا هتقؤلي ايه المشكله في ده
احب اقؤلك ان مفيش مشكله هنا خالص مشاكل ايه ربنا ميجبش مشاكل ، دي مصيبه حضرتك مش مشكله

فكرتي في اليوم اللي هتتخطبي وتتجوزي فيه هتقؤلي ايه لجوزك لما تلاقيه لابس حلو ومتشيك كده ، ماهو من حقه يدلع ويتعاكس برده ، يعني الشباب اللي متعرفهمش تدلعيهم وتعاكسيهم وتخلصي الكلام الحلو عليهم وتيجي عند جوزك حلالك وتقفي! ؟
جوزك من حقه يسمع كلام حلو علي شكله واسمه وعنيه وغمازاته ما هو مش اقل من الشاب اللي في الشارع يعني

الإنسان بطبعه لما بيقؤل كلمه لشخص لاول مره بيبقي حاسس بكل حرف فيها علي عكس الكلام اللي بنقؤله كل خمس دقايق مبيبقاش له قيمه ولا معني

كذلك الكلام الحلو اللي بتقؤليه لو كررتيه مش هيبقي له معني ده حتي بيقؤلك قؤلي حبيبي مره وعمري مره عشان ميملش منك وهو كلام حلو وبتقؤليه لجوزك مش لحد غريب ، يعني حتي الكلام الحلو بنزهق منه مع انه كلام حلو وبيدل علي الحب والاهتمام

طيب لما ربنا يرزقك بواحد محترم وحليوه كده وقمور وانت عايزه تقؤليله ايه الحلاوه دي هتلاقي نفسك مش حساها وبتقؤلي ايه الهبل اللي بقؤله ده في واحده تروح تقؤل لجوزها ايه الحلاوه دي ،ما هو عارف انه حلو

لا يا عزيزتي جوزك ميعرفش انه حلو و أمور ولا اي حاجه من دي خالص ده هو مستني يعرف ده منك بانك تقؤليله وتعرفيه انه حلو وامور كده

بس المشكله مش فيه المشكله في حضرتك اللي وزعتي الكلام الحلو علي ناس متستحقش وجيتي عند جوزك حلالك ومعرفتيش تقؤلي كلمه حلوه في حق الحاجات الحلوه اللي عملهالك واللي للاسف ادتيها للي ميستهلهاش ووببلاش كمان