كيفيه اختيار العتريس قصدي العريس و مقالب أهالينا اللي اتعملت فينا

المشاكل

كوني زكيه في الزعل انتي عايشه معاه العمر كله اكيد مش من مصلحتك انه يكرهك او يأذيكي بالكلام او يضربك وكلنا علي وضوح كده مفيش اهل بيستحملوا بنتهم المطلقه وعيالها ووصلنا لدرجه ان الاب بيرجع بنته لجوزها االي بيشرب وبيمد ايده عليها لدرجه جرايم القتل اللي بنسمعها وبتلاقي البنت رجعت لأهلها كذا مره والأب بيرميهاله بحجه المصاريف
الحل فين
الحل اختار راجل عنده اخلاق ودين واختبره في الخطوبه لحد ما اطمن
اتجوزنا خلاص وحصلت مشكله بينا اكون لينه مغلطش فيه بكلمه حتي لو هو غلط ابعدي خالص وسبيه يهدي وهو اللي هيرجع يصالحك
وفي ستات اصيله اوي تفكره بالمشاكل اللي حصلت بينهم واتحلت من يوم ما عرفته اتق الله وحلي مشكلتك دي انتي مالك ومال اللي فات ومتعايريش جوزك بكلمه ابسط حاجه عنده هيطلقك وبقي في رجاله بجحه يقؤلك اخلعيني وتجري وراه في المحاكم عشان قرشين لعيالك ولما هتاخديهم هتلاقي اهلك اول حد طمعان فيهم
وليه يا بنت الناس ما تحافظي عبي بيتك