كيفيه اختيار العتريس قصدي العريس و مقالب أهالينا اللي اتعملت فينا

العفش

اولا كده الشرع بيقؤل ان البنت تروح بيت جوزها وايديها فاضيه مش معاها غير فستان الفرح اللي دفع تمنه العريس

ونظرا للظروف الاقتصاديه و ان العريس مش معاه يجهز شقته او زي ما بيقؤلوا يعني اضطرت العروسه تجيب العفش علي حسابها

وطبعا شغل الحموات اللي ما بيخلصش
لازم تكييف ولازم شاشتين عرض واحده كبيره واحده صغيره والا احنا مش هنكمل الجوازه وبصراحه حقها ما احنا اللي بايعين بناتنا وشايفينهم هم ولازم ينزاح عشان نخلص من كلام الناس ونسينا ان الجواز رزق يجي او ميجيش ونسينا ان بنتنا فرد من اسرتنا مش ضيفه عندنا

هنعمل نفسنا اقتنعنا ان الشباب مش معاهم فلوس يجهزوا الشقه كامله
مروحش بقي اقؤل للعريس انت عليك الاثاث وانا عليا الاجهزه والفرش والمراتب والنيش باللي فيه وحاجات المطبخ والسجاد  والكلام ده كله واللي  ويقؤلك  العروسه عليها النص واحنا النص

الكلام ده يا حبيبتي مينفعش لو العريس قادر يجيب كل حاجه متجبيش من بيتك حاجه
لو هو مش معاه يجيب كل حاجه علي الاقل يكون معاه فلوس تجيب تلتين العفش زي ما ربنا قال للذكر مثل حظ الانثيين فيبقي عليه التلتين وانت التلت مش معاه مع السلامه مش قد الجواز متجوزش واستعفف زي ما الرسول قال
الجواز للقادر مش قادر علي مصاريفه خلاص ابعد عنه وده أمر من الرسول عليه الصلاه والسلام
يا بنت الحلال محدش هيخاف علي مصلحتك قدك والكلام اللي في الاول زي العسل بعدين بيبقي سم واكتبي قايمه ومضيه عليها متتساهليش فيها

لو خطيبك مش عاجبه او معترض او مش راضي يمضي سبيه فورا
لان الرسول قال في معني الحديث لو جالكم حد انتوا راضيين عن دينه واخلاقه جوزوه فلما البيه يحاول يتهرب او يعترض علي ده او مش عايز يمضي علي القايمه تأكدي أن ده معندوش لا دين ولا اخلاق وأظن واضحه ولو هو راجل بجد هيسدد كل اللي عليه من مهر وتمن العفش اللي هتجيبيه لوالدك كل شهر بس لو هو راجل بجد

وفي الاخر حافظي علي حقوقك محدش هيحافظ عليها غيرك وحطي في دماغك ان الملايكه مش بتعيش علي الارض

وافتكري ان " القانون لا يحمي المغفلين "