حوش الجد واحفاده 😍😍

البارت1

ناضت ربى في نص الليل وهيا مخلوعة وتبكي لقيت روحه بحداه جدها هدت شوي وناض جدها يهدي فها بعدين ولت ورقدت في حضن جدها يلي هوا باها وامها وخها وكل شي بعدين جي الصبح ناضت ربى دوشت ولبست ونزلت لوطا لقت عممها كلهم وجدها واولاد عممها وبنات عممها
ربى: صباح الخير
الكل:صباح النور
جدها: صباح الخير بنتي
ربى مابتش اتعدل عليها مداير روحها زعلانة
يزن: اوو يابوي شكلك مزعلها حي حي شن بيرضها توا
سامي: عادي اعطها شكلاطة توا ترضا
ربى: بلا برادة زايدة فوتني مش فاضيتلك
وسيم: ليش زعلانة شن في
جنى: ع خاطر جدي قال امس مانبي حد يرقد بحداي
ربى: ماهو من عمايلكم فرخات
اميرة: احنى مادرنا شي انتي يلي زعلتي بسرعة
ربى: بالله سكرو ع الموضوع خلاص
الجد: تمام هيا افطرو واطلعو برو لي المدرسة خلاص وقت
ربى: انا بعد المدرسة نبي نمشي لي خوالي
عمها علي: ليش تبي تمشي اليوم
ربى: شي نبي انغير جوي
الجد: تمام بعد المدرسة توا يرفعوك
محمد: مافيش دعي تمشي اليوم
ربى: رفعت حوجبها وقالت انا نبي نمشي اليوم
محمد: بدي يعصب انا قلت اليوم لا
ربى: انا نبي نمشي ماليكش دخل فيا
محمد: هوا بدي يعصب اكتر وانا قلت لا
الجد: خلاص خلها تمشي
محمد: وهوا نايض مافيش مشي خلاص بلا نقاش
ربى: ناضت بتمشي وقفها محمد وقال كملي فطورك
ربى: مانبيش
كنان: خلاص خلها توتي روحا لي المدرسة
يزن: ليش ماتبيهاش تمشي
محمد: انت تعرف اولاد خوالها زي المعيز والضان وانا مانبيهاش تمشي الا لما يكون معها حد من عيلتنا
اشرف عمهم: شني بتقعد تحرم فيها من خوالها
محمد: انا مش حرمها لكن تعرف تصرفات اولاد خوالها
الجد: تمام خلاص برا رضها توا باش تمشي لي المدرسة
محمد:به ومشي هوا معصب (طبعا محمد يغر ع ربى ومايحبش تمشي لي خوالها لان اولاد خوالها يحبوها ومحمد من هيا صغيرة يحبها ومايرضاش فها حاجه)
ربى: وهيا تكلم في بنت عمها اميرة شفتيه كيف يدير
اميرة: انتي تعرفي ان محمد مايحبش جو اولاد خوالك لي انهم يتلصقوا هلبا
ربى: انا نعرف لكن في النهاية حوش جدي ونبي نمشي
جنى: راجي غدوا نمشو كلنا
ربى: تمام انا بنمشي نلبس دبشي ومشت وتو اروحهم هيا وبنات عمها بيمشو لي المدرسة وفي يلي بيمشي لي الكلية
وهما نازلين تجي عمتك اميرة تجري تجي طايح من الدروج وينفلقوا ضحك الكل
اميرة: خزي عليكم حيوانات
جدها شاد ضحكتا: خلاص انتي ويها ساعدوها خلي اتنوض
ربى: وهيا مش قادرة تشد ضحكتها هه هيا ههه تجري
تسحاب روحا تقعمز القدم في 😂😂
اميرة: بلاش كذب ياخرا وناضت وهيا شادا مكان الطيحا
ومشو لي المدرسة لكن قبل مايمشو لي المدرسة ربى ماتقدر تمشي وهيا زعلانة من جدها مشت لي جدها وبساتا ع خدودة موووح 😅😅
ايمن: اكيد البوسة هادي وراها 50 جنية😅😅
ربى: ههه بايخ ماورها شي 😒😒
جنى: جدو انا نبي فلوووس بي دلع
جدها: قداش تبي حبيتي
جنى: اممم 30 جنية
ربى: بري قولي لي بوك شن تطلبي ديما من جدي
جنى: وانتي شن دخلك في النص الجد جدي حتى انا
ربى: اممم نسيت مانسحاباش جدك
حنى: هاهاها صامطه
جدها: هاك وعطها الفلوس
مشو طبعا رفعهم محمد يلي طول الطريق عيونه ع ربى وهيا ماتبيش تشبح فيه بكل هوا يبي يلطف الجو بطريقة غير مباشرة
محمد: شن رايكم بعد المدرسة نمشو لي مدينة الملاهي
اميرة: ايه ايه خلي نمشوا
جنى: اكيد بكل تاكيد فها شك
ليان: اي
نغم: اهااااااا نبوو نمشو
حياة: اي عادي
ربى: انا مانبيش نمشي ولي بيا لي الحوش
محمد: علاش
ربى: هكي وخلاص مانبيش
محمد: على خاطر قتلك مافيش مش لي حوش خوالك
ربى: لا مانبيش نمشي ماخطرنيش نمشي
حياة: هيا بلا جو خلي نمشو
ربى: بعياط انا مانبيش خيركم ماتفهموش النم
محمد: خلاص مافيش داعي نمشوا
ربى: لالا بروا انتم انا مانبيش
محمد: يانمشو الكل يا لا
ربى: شي يخصكم
وصلو لي المدرسة ونزلو لقوا عمك علي الصايع واقف
(طبعا ربى و جنى وتالا في الثانوية و اميرة و حياة كلية هما والشباب الكل)
ربى: اعوذ بالله منه شابني النحس وهف
جنى: هدا الصايع ديما جاي ماعمره غاب سحيقا
تالا: موت هالا مطرشق
عمكم علي: وين يابنات متاخرين اليوم
ربى: بحمس وانت شن دخلك ياحمار
جنى: اسكتي توا يسمعك يقول لي المديرة الدبا
تالا: كنا في الحوش وين يعني
ع علي: مانقدرش اندخلكم نين اتجيبو ولي امركم
ربى: وين بلحقوا عليه هوا وصلنا ومشي
ع علي: خلاص اركبوا برو لي المدير او الاخصايه الاجتماعيه
ربى: به به
مشو ركبوا وهما يمشو ع اقل من مهلهم تقول مش جاين متاخرين جو كيف بيخشو لي فصولهم جتهم الاخصايه الاجتماعية هي انتي ويها تعالوا هني
ربى: وووك هل موزة الخامرة
جنى: اعوذ بالله منها هال الزارفة
تالا: اوفف اسكتو توا تسمعنا انصيرو في خبر كان
ربى: شن بدير يعني هال المقيطه(ضعيفة وطويلة)
الاخاصية فتحية: وين هالاتاخير
تالا: تاخرنا 5 دقايق
فتحيه:شنو5 دقايق انتم قريب فاتتكم الحصة الاولة
ربى: شنو المطلوب توا
فتحية: احترمي نفسك انتي ويها وتعالوا لازم نضربكم
جنى: انا مش ح نفتح ايدي
ربى: ولا انا
تالا: حتى نا
فتحية:مصح والله من وجهكم تعالي انتي ويها هيااااا
مشو معاها لي المدير : هيا افتحوا ايدكم بسرعة باش اتخشوا
البنات مش ح نفتحوا
فتحية: تمام مافيش خشان لي الفصل توا اتشوفو
ربى: احنى بنكلموا ولي امرنا
المدير: خلاص كلموا ولي امركم
ربى: اعطينا هاتف
عطهم المدير الهاتف وكلموا عمهم يزن و ايمن
يزن: الو
ربى: الو عمي احنا في الثانوية والمدير ماباش ايدخالنا قال انتم مش جاين من الحوش ترا وين كنتوا
يزن: وين مدير الكلب قولولا عمي توا ايجي
ربى: به
وشويه وجا يزن وايمن و سامي
يزن: وين مدير الحرام
المدير: هوا خايف انت مش فاهم الموضوع تفضل خلي انفهموك الموضوع
ايمن: احنا فهمنا كويس توا وين البنات
وشوي خاشو البنات وهما يبكو
يزن: خيركم في حد ضربكم
ربى جنى تالا: لالا مافي حد غير يهينو فينا من بكري 😔😔
يزن: تمام برو لي السيارة توا انجو
سامي: هيا انا نمشي معاكم
ربى تالا جنى: به به
ومشو لي السيارة وهما متين ضحك ع المشرفه والمدير ياناري ههه
روحو لي الحوش وعمهم وايمن خالو المدير والمشرفه يندمو ع الكدب ع البنات.
البنات روحوا طول جري لي الكوجينة جعنات 😂😂
ربى: انا خلاص بمنموت من الجوع شن هوا الغداء
مرت عمها علي) نعيمة: رز حبيبتي
تالا: وووك رز ليش ازح
نعيمة: ترا بري اقلبي عليا وجهك ناقصنا دلع بايرات
تالا: شن قلنا احنى ماقلنا شي قلنا ليش رز مش كسكسي بالبصلة
جميلة(مرت عمها اشرف):بري سلم بنتي انتي ويها ادلعوا بعيد علينا
ربى: به به ماقلنا شي النم
جيداء (مرت عمها جمال): برو بدلو وتعالوا باش اتغدوا
البنات: به به ماروحوش اميرة وحياة والاولد من الكلية
نعيمة: لا قريب يصلوا
البنات مشو طلعوا بدلو و نزلو خشت ربى لي الكوجينة
ربى: عميمه نعيمة ماتبيش مساعدة
نعيمة: لالا بنيتي غر بري نادي عمامك وجدك واولاد عمامك والبنات لي الغداء
ربى: طلعت تجري به به توا انديهم
ربى: وقفت في نص الحوش وقعدت تعيط جدو عمامي اولاد عمامي بنات عمامي الرجاء منكم الاجتماع في الصالون الغداء جااااهزززررزززز.
وسيم: نزل تي باهي سمغطي ودانا
ربى: ههههه جعانه معاش نقدر نصبر
محمد: شن هدا تقول ولعين منضومه في الحوش
ربى: اممم خمسة وخمسه توا اتطقني بعين
محمد: ع شن بنطقكك عين  على الصوتك يلي زي المنضومة الفاسدة 😂😂😂😂
ربى: خزيه عليك برا انبح
محمد: شن قلتي 😡😡
ربى: شي سلامتك 😒😒
جدها: خيركم شن في
هيثم: شي غير ربى جعانة قريب تاكلنا 😅😅
الجد: ههه عندها الحق اليوم قاعدة من غير فطور
حياة: حتى انا جعانه بنموت
سامر: انتم ديما جعانت قريب تولو زي البقر
جنى: هاهاها وانتم زي الفيلا
محمد: مش غير
جو الكل وتغدو وبعدين الجد قال: غدوا عندنا عزومه خوي واولاده الكل
غادة: بابا هما هلبا مستحيل انلحقو
الجد (بوها): اي هلبا توا انجيب وقفات معاكم لي غسل الماعين ويساعدوكم
نعيمة: لا التطيب عادي ياعمي غير غسل الماعين والحوسة بس
الجد: اي خلااص توا انكلم حدا ايجيبهم وانتم طيبوا
ربى: جدو ع الغداء ولا العشااا
الجد:  على الغداء والعشااا بي باتوا هني
ربى: وعلاش ماعندهمش حوش
الجد: لا ماعندهمش لان مايسكنوش في طرابلس
تالا: قصدك بيقعوا هني
سامر: لا بيقعدو غادي مانا شن كان يخرف جدي يا غبية
تالا: انا ماقلت شي وانت زي الشوكة في الحلق 😒😒
سامر: ضربها ع راسها اسكتي
تالا: اييي جدي كلما ضربني
الجد: خلاص انت ويها بلاش لعب صغار
ربى: جدي نبي انقوللك جدي وحناي بيمشو لي غريان عطلت 15 يوم نبي نمشي معاهم
الجد: لا يابنتي المكان بعيد وانا منقدرش انخليك
ربى: بس يا جدو هما مش ح انطولو هلبا 4 ايام ونجو
عمها علي: خلاص ربى معاش اتنقاشي مش ح تمشي
ربى: ليش ديما اي شي نبيه مرفوض اوففف
الجد: احنى مش رافضين لكن تمشي برا الحوش وفي بلاد تانية بروحك وتقعدي 4 ايام هدي لا
ربى: انا مش بروحي معاي جدي وحناي و قطع علها محمد يلي قال: خلاص بلا دوى زايدة مافيش مشي
ربى: وهيا معصبه وتبكي في نفس الوقت انا نبي نمشي وانت ماليكش دخل
محمد: وهوا معصب من طريقة كلامها احنى قلنا لا
ربى كيف جت بتمشي وقفها جدها: ربى ولي لي مكانك وكملي غداك
ربى: وهيا تشهق تبكي معااش نبي 😭😭
الجد: انا قلت كملي غداك احسن لك
ربى ولت وهيا تمسح في دموعها: به
تغدو بعدين ناضو الكل لي الصالون قعمازو
الجد: ربى كلمني خالك وقالك جاي يبي يشبحك
وبى: بي فرحاا حقا من خالي
الجد: خالك جهاد جاي
ربى: واخيرا روح
وشويه وطق الباب وخش خالها طلعت ربى تجري لي خاله وحضنتا
ربى: استحشتك هلبااا
خالها ضحك: حتى انا استحشتك وباسها ع راسها
امجد (ولد خالها عثمان) : وانا ماستحشتنيش
ربى: مشت سلمت عليه اكيد حتى انت ههه
امجد: تعرفي بنموت من العطش جيبيلي ميه
ربى: به خشو قعمزو
خالها وامجد: به
وخشو وربى مشت لي الكوجينة وكيف بتعبي اميه جاا محمد: شدها من ايدها وقال كيف اتسلمي على ولد خالك هكي 😡😡
ربى: وهيا وقلبها ايدق بسرعة انا..انا س سلمت عليه عادي يعني هوا ولد خالي في الاخير
محمد: وهوا معصب كيف عادي سلام وبي الوجه هدا مانقص وبلا ويشاح
ربى: انا مش متعودة نلبس الوشاح بحدا ولاد خوالي
محمد:😡😡 لا تلبسي بعد اليوم وتوا اقلبي وجهك البسي وشاااح
ربى: مش ح نلبس حول
محمد: شد ايدها بلقوة تلبسي ولا تعرفي شن اندير
ربى: خافت به توا نلبس حول ايدك توجع فياا
محمد: انتبه ان شاد ايدها بلقوة تركها وقال لها توجع فيك
ربى: لالا شوي بس
محمد: به اسف ماتحملتش ولد خالك شاد ايدك ويسلم عليك هكي
ربى: تحشمت ولو خدودها حمر به خلي نرفع الميه
محمد: توا انا نرفعها انتي بري البسي وشاحك
ربى: به
ومشت وقلبها قريب يطلع من مكانه ....
تم االبارت اسفة لو الاملاء طالعه زردة 😂😂 لان نكتب بسرعة 😄 باي

للكاتبة Reham AK