حوش الجد واحفاده 😍😍

البارت 3

#حوش الجد واحفادة

#البارت3

شريف:والله انا نبي بنتك غادة لي ولدي وليد
الجد:والله ياخوي مابنلقا خير من ولدك لكن شور والراي لي البنت وهيا الحق تبي تكمل الدكتورا وتوا انشوف ونرد عليك
شريف:انشاء الله خير شوف البنت ورد علينا
الجد: تم انشاء الله
ومشت ربى والبنات يجرو لي غادة
البنات: غادة غادة غادة غاااااااااادة
غادة: بسم الله خيركم فجعتوني
البنات: هههههه
غادة:شن في ياكلبة انتي ويها
ربى: عمك شريف خطبك لي ولدة
غادة:بصدمة 😳 شنوووو
تالا:ههههه اي خطبك والعرس الاسبوع الجاي
غادة: شن تخرفي انتي انا خطوبة واما عرس
جنى:خطوبتك وعرسك 😜😜
غادة:بلاش كدب انتي ويها شن في
ربى: هدا ياحنه عمك يبيك لي ولدة وجدي قاله نسال البنت وردلك خبر
غادة:باهي اطلعي انتي ويها
حياة:خزي عليك تلزي فيناا
غادة:هيا فزي انتي ويها وصكرت عليهم الباب
ربى: خزي صكرت علينا الباب
ليان: فوتها خلي ننزلو لوطاا
نزلو وقعمزو بحدهم
شريف: انتي كم تقري
حياة: اناا
شريف: اي انتي
حياة: ثالتة كلية عمي
شريف:قولي جدي
حياة:به 😒😒
شريف: وانتي
ربى:اناشنو
شريف: كم تقري ياطشة
ربى: اولا انا مش طشة تانيا نقرا تانية ثانوي 😏😏
الجد:ربى بدون طولة السان 🤨
ربى: انا ماقلت شي هوا قال طشة
شريف: هوا حقا انتي طشة 😅😅
ربى: اوووف انا مش طشة
الجد: هههههه خلاص طشتي😂😂
ربى:😠😠😠
محمد:ههههه وهمس لي ربى شنو جو طشتي 😂😂
ربى: صكفمك احسن لك محمد 😡😡
محمد: خلاص اوكي سكتت طشتي 😜😜
وليد: ربى اما ثانوية تقري
ربى: ليش
وليد:لا غير هكي عندي بنت خالي تقرا في الثانويه
ربى: ثانوية ال..........
وليد: اي غادي بنت خالي تقرا تعرفها
ربى:لا والله مش فاتحة سجل مدني باش نعرفها
وليد: هههه اسمها حنين ابراهيم ......
ربى: اهاااا قصدك المزيته حنين
وليد: كيف
ربى: لا شي نعررفها 😁😁
وليد: تقرا معاك نفس الفصل
ربى: ليش تسأل علها
وليد: لاغير هيا قالتلي عليك تقري معها
ربى: اصلان مانخلطش فها هلباا باش تحكي علياا
وليد:عارف ماهو صاحبي سألني عليك وانا قلتلا مانعرفكش وقلتلا توا نسأل بنت خالي تشوفها لان كيف روحنا لي ليبيا عرفتي
ربى: ليش يسأل عليا هوا ؟؟؟🤔🤔
وليد: الحق شافك ماشيا لي الثانوية وعجبتيه قالو انك بنت عيت خالد ال........... وبحكم اني من العيلة جي يسأل فيك عليا
محمد: وهوا شن يبي فها ليش يسأل 😠😠
وليد: يبي يخطب
محمد جااا كيف بيرد لكن شده فارس
فارس:بهمس خلاص اهدا يارجل بتفضح روحك
محمد: شن يدوي هدا والله مانقص غير يخطبو ربى😡
فارس: تي يارجل مش هوا صاحبه خيرك
محمد:😡😡
مشت ربى لي الكوجينة لحقه محمد وهوا ومعصب
محمد: شد يد ربى بي القوة شن الكلام هدا اه
ربى: خافت ع على شن تحكي
محمد: تعرفي على شن ندوي 😡😡 من يلي عجبتيه تكلمي
ربى: وانا وين نعرف زيني زيك محمد خلاص حول ايدي توجع فيا راه
محمد: زاد شد ايدها بلقوة قلت قولي من
ربى: بدت تبكي والله مانعرف الله محمد ايدي 😭😭
محمد: تمام توا نعرف من انا ومشي
ربى: محمد
محمد: وقف شن تبي
ربى: ليش تعامل فيا هكي انا والله مانعرفه
محمد: ولااا وقعد يمسح في دموعهاا تمام خلاص ماعش تبكي اشششش تمام اسف
ربى: انت ديما تهزب فيا
محمد: اسف والله ماقصدي خلاص بطلي دموع
ربى: يعني خلاص معاش تعصب عليا
محمد: هههه خلاص معاش معصب
ربى: تمام
محمد: دريلي قهوة بالله عليك
ربى: عينك دير بروحك وهربت
محمد: ههه باهي توا اتشوفي
ربى: برا برا
محمد:اه والله بتهبليني اخخخ
وشو تغدو الكل وجت العشية والكل راقدين والبنات في الكوجينة
حياة:شن رايكم نمشوا لي المول
ربى:ياريت من بيرفعنا ياهمي
جنى: انقولوا لي فارس ولا هيثم
ليان:شن رايكم انكلموا جدي يكلمهم
ربى:والناس يلي بحدانا شن بن ديروا فيهم
تالا:شن داخلنا فيهم نمشوا وخلاص
نغم:جدي مستحيل يخلينا نمشوا وهما موجودين
ربى:خلي انجربو نسألوه وخلاص
اميرة:هيا نمشوا نسألوه
ربى:لالا توا راقد 😴😴 في سابع حلمه
اميرة:شن رايكم نمشو انوضو اولاد
ربى:اي خلي نرفعوا معنا ميه باش ينوضو😈😈
جنى:هياااااا
ومشوا البنات لي الاولاد خشوا
ربى:محمد محمد هيااا نوضضضضضض
محمد:اقلبي وجهك وخليني يا فرخة
ربى:هيثممممممممم
هيثم:ناض ها شن في من مات
جنى:ههههه مامات حد
هيثم:ينعشكلك ياكلبة
حياة:ايممممممممممممن نوض
ايمن:😴😴
حياة:شكلا ايمن في سابع نوما
ليان:في العشرة وانتي الصادقه
نغم:اسمعوا جدي قال يلي ماينوضش خلي يغسل كل السيارات
الاولاد:وقفو خلاص بري قوليلهم ناضو
ربى:مامربيكم غير جدي كلاب
فارس:حدف علها الشبشب ما في حد غيركم كلاب
محمد:فارس احترم نفسك 🤨🤨
فارس: الحب وما أدراك ما الحب
الشباب:😂😂😂 والله طحت وما حد سمع عليك
محمد:خلاص بلا جو درررر
طلعوا البنات ومشو خشو الداخل لقوا خديجة وبناتها كيف ناضوو
خديجة:بنيتي جيبيلي ميه
جنى:به عميمه
خش الجد :السلام عليكم
الكل:وعليكم السلام
ناضت سارة (بنت شريف خوى الجد )حضنت الجد
ألجد: اهلين بنتي كيف الحال
سارة بدلع:الحمد الله عمي
ربى: ليش جو الاحضان به الزح
جنى:باردة الحمد لله عمي (تقلد في صوت سارة )
تالا:حقيرة وهف
اميرة:والله خاطري نقتلها
ربى جت قربت على جدها وبعدت سارة وحضنت جدها
سارة:خيرك العفو
ربى:مافيش داعي جو الدحنسة الزايدة 😏😏
يزن:اعتقد اني اشم رائحة غيرة أليس كذلك؟؟؟
كنان:وانا كذلك 😂😂
الشباب: اجل اجل ونحن كذلك
ربى:خلاص انت ويها مافيش حاجة اتضحك
الجد:ربى عيب هادي بنت خوي
ربى:جدي هي ليش تحضن فيك به
الجد:عادي عمها انا
ربى:لا انا وبنات عمي بس نحضنوك
سارة:لاياحلوة هدا عمي
ربى:عمك عينك يامزيته
الجد:ربى شنو الكلام هدا
ربى:انا ما قلت شي هيا لي بدت
جنى:ايه جدي هيا بدت
الجد:خلاص انتي ويها
العم شريف:ربى مافيش داعي للغيرة حتا هوا عمها كيف ما هوا جدك
ربى:عمها ماقلنا شي لكن مافيش داعي للاحضان
سارة:عمي ومن حقي يا ماما
الجد:ياسر سكت شوي شنو رايكم اليوم انديرو شواء
ايمن:الله لينا هلبا ع الشوا
البنات: موافقين
الجد:خلاص برا يا ايمن انت وفارس وهيثم و وسامر ووسام جيبو اللحام ومحمد و وسيم و سامي جيبو الفحم وعلي جيب اختك سميرة وتعالى وجمال جيب المشروب وأشرف جيب الخضراء والفواكه
الكل: تمام
ربى:الله بيجو سهى وغيداء
البنات:بنديرو جو من الاخير الله
جي الليل ووتو البنات الحاجات متاع الشواء
طق طق طق
هيثم:فارس افتح الباب اكيد عمتي سميرة
فارس:وخيرك انت ماتفتحه
الجد:نوضو واحد منكم يفتح الباب
ناض فارس فتح الباب اووووو عمتي شجو
سميرة:اهلين فاروسه كيف الحال
فارس:ميه ميه
كريم (ولد عمته سميرة): شن ماتبيش ادخلنا
فارس:اووو حبيبي كريم اهلين خش خش
غيداء:شجو فاروسة
فارس:كنت بخير قبل ما تجي
غيداء:تفوو حيوان
فارس: انبصر شجوك انتي
غيداء:ميه ميه
فارس:سهى خيرك ع صامت شجوك
سهى:ميه ميه
سميرة:وين باقي العيلة
فارس: هوينا في الجنان التالي
مشو لي الجنان التالي سميرة:السلام عليكم
الكل:وعليكم السلام
ربى:عميمة سميرة استاحشتك حضنتها
سمير:اهلين حبيبتي والله حتى انا
البنات جو يجرو وحضنو عمتهم
غيداء:حتى احنا موجودين راه 😒😒
حياة:هههه انتي اهنا ياقردة
غيداء:لالا غادي
ربى:اهلين حبيبتي استاحشتك حتى انتي
سهى: ياهوو حتى انا موجودة
تالا:اهلين حبيبتي انتي عرفينك موجودة
كريم:احم احم
ربى:اووو كرومه شجو
كريم:عال العال ستجوك انتي ياطشه
ربى:عطيني من طولك
حياة:خشو جدي توا ايجي
سميرة:وينه بوي
جنى:في داره يصلي
سميرة:وين يزن وكنان وباقي الاولاد وغادة
نغم:في المربوعة معهم ولد خوى جدي وخوه اشرف
سميرة:قصدك عمي أشرف اهنا
جنى:اي
سميرة:خلي نمشي انسلم عليهم
جنى:كريموو وين خالد
كريم:قال انجي غدوا عنده عمل
غيداء:كلباات حقا سمعتوا
ربى:خيرك شن في ديما فاجعتيناا
غيداء:مرام المزيته اتجوزت
البنات:كدب
غيداء:اقسم بالله
سهى:هيا بلاش قرمة انتي ويها انا جعانه
ربى:باهي وانتي ديما مفجوعة
جو الشباب وبدو في الشواء والجد واعمامهم يهدرزو
سميرة:وين كنان
الجد:الله كان انشده ها الصايع لما نقتله
كريم:ليش خير
الجد:ديما هوا ينسرف ما يروح لي الحوش إلا في الليل
يزن:ربى جيبيلي الملح ترا
ربى:خديمت بوك مانا
يزن:هيااا جيبي ياطشه 😜😜
ربى:مش انا طشة ماني جيبته هي
يزن:جنوو حبيبتي جيبيلي الملح
جنى:بالك غالط انا مش دنيا
يزن:بلا طولت اللسان جيبي الملح
كريم:من دنيا
محمد:الكبيدة
يزن:صكر فمك توا يسمعك بوي النم
كريم:صار امكبد من ورانا
يزن: شن بتكبدوا معي 😒😒
فارس:اي عادي انكبدوا معك
يزن:اقلب وجهك احسنلك
ربى:جدي وين نقالك
الجد:ليش
ربى:بنكلم جدي
الجد:وين نقالك
ربى:ماعنديش راصيد
الجد:بعدين كلميه
ربى:😪😪به
فارس:هيا تعالوا كولو الشواء
محمد:دير لي البنات بروحهم
واسيم:ليش ياكلو اهناا
محمد:هما مايبوش خير امك
واسيم:ماخيرها شي
تعشو وكملو والبنات يضمو في الجنان ويسقوا فيها وربى هيا كيف بتجي اطيح اتنوش سطل اميه ساخن ويطيح السطل على سارة على رجلها
سارة:اااااااااي رجلي 😭😭
ربى:😨😨
الجد والكل جو يجرو الجد:خير شن في
سارة:اااأاه رجلي رجلي ياعمي 😭😭
شريف:خيرها رجلك شن صار
جنى:ه ها هادي رجلها محروقة تبززعت علها اميه ساخنة
خديجة:حي يا بنيتي شن صار معاك
سارة:هادي ربى بزعتا علياا 😢😢
شريف:ماتوقعتكش اديري هكي يا ربى
ربى:انا...انا بدون قصد و
الجد:خلاص ربى صكري فمك وخشي الداخل بسرعة
ربى:انا والله ما قصدي انزلقت رجلي وطحت
وليد:كيف انتي ماقصدك وحرقتي البنت
سامر:قتلك هيا بدون قصد
وليد:واضح هيا من الصبح اتناشب فها
محمد:ربى مستحيل أدير هكي
وليد:وليش مستحيل وهيا حرقتها
يزن:وانت شن تتهم فها يعني
وليد:اي لان هيا حرقتها
يزن:ربى ماعمرها ضرت حد بيقصد
وليد:هه واضح بكل
ايمن:شكلك انت تبي طريحة باش تفهم
وليد:احترم نفسك انا اكبر منك
ايمن:كبير عينك يا عيل تفوو
الجد:ايمن احترم نفسك خلاص
شريف:وليد خلاص
وليد:شن خلاص ماتشوفش في حالة البنت محروقة
يزن:ربى انزلقت وصار يلي صار
وليد:بالله شن صار هادي الكلبه حرقتها
حياة:ربى ماحرقتهاش
محمد&ايمن&يزن:انت شن تسحاب روحك وجو بيهجمو على وليد
الجد:خلاص كل واحد يمشي لي داره
ربى:جدو انا مش قصدي والله انا😭😭
الجد:ربى انااااا قلت اقلبي وجهك الداخل
محمد:جدي مش ضروري اتعصب على ربى هيا بدون قصد
الجد:خلاص قلت انا
خشت ربى تجري لي الدار وتبكي من تصرف جدهااا
البنات هما والاولاد مقعمزين في الكوجينة
اميرة:حقاا حتى ربى انحرقت من يدها
محمد:كيف ماشفتوهاش
جنى:انا مشيتلها مابتش تفتح باب
وسيم:كيف صار هوا
حياة:هيا ربى كيف جايا من الكوجينة تنزلق واطيح وجت ايداها ع السطل وانحرقت والباقي تبزع على سارة
سامر:يعني ربى بدون قصد
نغم:اي بدون قصد
مشت جنى تشوف في ربى
جنى:ربى ربى ربى نوضي خيرك 😨
جنى:هادي خيرها ساخنة ربى نوضي خيرك تسمعي فيا 😱😱
جنى:جدييييي
الجد:جي يجري خيرك
جنى:ربى ............
الجد:😳😳 وينها ....يتبع