#حوش-الجد -وأحفاده
___________________________🔥
محمد:حتكون بخير
الدكتور:ان شاء الله بس شوية أعراض زي الدوخه والترجيع ووجع الراس
محمد:بارك الله فيك
الدكتور :هدا واجبي
مشي الدكتور ووصلو الجد والباقي
الجد:ربى ناضت
محمد:اي بس الدكتور اعطاها مهدى ورقدة
الجد:حالها باهي
محمد:بتعب .اي الحمد لله
فارس:محمد روح ارتاح
محمد:لالا هكي كويس
الجد:فارس مع حق برا ارتاح شوي بعدين تعال
محمد:انا هكي مرتاح
الجد:كيف تبي اقعد
جنى:جدو خلاص نبو انشوفوا ربى
محمد:شوي وخشولها خلي تنوض
الجد:وين خالد ولد عمتك
محمد:مانعرفش بعد العملية معاد شفته
شويه وخشو لي ربى لقوها نايضه
ربى:جدو 🥺🥺
الجد:حبيبت جدوو وحضنهااا
ربى:😭😭😭
الجد:ليش الدموع خلاص توا انتي كويسه
ربى:راسي يوجع فياااا
جنى:ربى 🥺
ربى:جنوو استاحشتك وحضنو بعض
فارس:خلاص ساد دموع خلي انسلمو على طشتنا
ربى:طشه في عينك 🤨
فارس:ههه حتى قريب تموتي لسانك اطول منك
حياة&غيداء&غادة&تالا:حضنو ربى ولايخلا الأمر من الدموع 😅
ربى:خلاص حولو خنقتوني
حياة:خزي تفوو من يوم يومك كلبه
ربى:طالعتك 😜😜
جنى:خسارة الدموع يلي نزلناهم عليك
ربى:قصدكم خفتو عليا
الجد:اكيد خاصة محمد يلي المستشفى مافرقها 😏)الجد يلقح على محمد زبطوه 😅)
محمد:في خاطره ماتفوت عليك فايته
#تسريع الاحدات
سمعوا باقي العيله ربى ناضت جو الكل المستشفى تعبت بي الاقارب خوال ربى واقارب العيله
فات أسبوع وتحسنت ربى وجاا اليوم يلي بتروح فيه
دار الجد عزومه للكل خوال ربى وخوال صغار عمها التانين وخوت الجد المهم الكل جا .الحوش تقول عرس اول ماخشت ربى للحوش الكل بدي يأخذ فيها بي الاحضان نسوان عمها وبنات عمها وعممها والاولاد عممها وخالاتها وخوالها وجدها وحنها وجيران والاصحاب المهم الكل يحمد ع السلامة
ربى:خلاص خنقتوني تقول كنت مسافره
وسيم:اي كنت مسافره في الاحلام
ربى:انت مستحيل تسكت
وسيم:اي😜
الجد:خلاص خلوها ترتاح
ربى:'نبي اندوش خلاص
هيثم:اي دوشي ريحتك طالعه دوختينا 🤪🤪🤢
ربى:معاش تكذب ريحتي عسلل
هيثم:ريحتك بصل مش عسل
ربى:جدو كلم الدراه هيثم
الجد:هيثم خلي بنت عمك في حالها
هيثم:توا اتشوفي ياطشه
ربى:نننن اعطيني من طولك يا جنى.. طبعا بهمس
هيثم:صكري فمك توا يسمعوك
ربى:😒😒
رقت ربى لي دارها دوشت وساوت روحها لبست جامسوت اخضر جيشي ودارت شعرها ديل حصان
نزلت لي صالون يلي فيه النسوان خشت هيا وبنات عمها طبعا البنات الكل لابسين جامسوت بس الالون تختلف جنى ابيض فيه الأسود وحياة اسود مطرز بي الفضي واميرة نفس حياة وتالا وليان ازرق كيبو وشعورهم الكل ديل حصان اول ماخشو العيون الكل عليهم
فاطمه(جارتهم)مشاء الله تبارك الرحمن هادم بناتكم
نعيمه:اي ربى و حياة وجنى ليان وتالا بنات سلفي وحياة ونغم بناتي
فاطمه:هادي يلي طاحت صح تأشر ع ربى
نعيمه:اي هيا
فاطمه:الحمد لله على السلامة
ربى:الله يسلمك
خيريه اخت (فاطمه):الحمد لله ع السلامة
ربى:الله يسلمك
صبريه:(اخت نعيمه) الحمد لله ع السلامة
ربى:الله يسلمك خالتي
صبريه:شن تحسي توا
ربى:الحمد لله احسن
رغد:(بنت صبريه) محمد ولد خالتي طيحك
ربى:لالا انا طحت بروحي
وداد:اخت رغد لكن قالو محمد طيحك
ربى:محمد ماطيحنيش انا طحت بروحي
رغد&وداد:اهاا😒
ربى:اي😏😏
ناضو البنات لي الكوجينه
ربى:ليش بنات خالتك هكي لصقه
حياة:مش غير فوتيهم
نغم:ديما هكي
جنى:ريتي المكياج تقول عرس وهف
ربى:مزيتات
خش محمد
محمد:اووو بنات شن اديرو
جنى:نلعبوا شن تشبح فيا اديرو يعني
محمد:'انتي مستحيل تردي ع قد السؤال
جنى:مستحيلل
جو بنات خالت اميرة ونغم
رغد:هاي
ربى&جنى:وعليكم السلام
وداد:اوو محمد كيف الحال وسلمت عليه بالوجه
كذلك رغد
وربى قريب تموت 🤬
محمد:الحمد لله كيف حالك انتي وخالتي والاولاد ورجل خالتي
وداد:تمام الحمد لله
محمد:مزال تسأل كان علي بنقلا المحل يلي جنب حوشهم
رغد:وانتي شن واجعك في الموضوع
ربى:وانتي شن دخلك ولد عمي وحرة
رغد:حتى انا ولد خالتي
ربى:وكان ولد خالتك. انا اقرب منك وعايشين كلنا مع بعض
وداد:حتى كان انتي عايشه معهم على خاطر امك وبوك ميتين
محمد:وداد تحشمي على وجهك
ربى:وجعتها لكن مابتش تبين اي صح لكن ربي عوضني بي جدي واعمامي ونسوين اعمامي والاولاد وبنات عمامي يعني انا عندي احلا عيله
وداد:في الاخير يتيمه😈
ربى:💔💔ساكته
محمد:اسمعي كويس كان ماتعتذري منها حتشوفي شي مش حيعجبك 🤬🤬🤬
وداد:مش حنعتذر منها 😏
جنى:ضربتها كف ✋✋
رغد:هي انتي شن تسحابي روحك وجت كيف بتضربها تشدها اميرة
اميرة:تحشمي انتي واختك مش كان سكتنا خلاص
وداد:تطلعي مع بنات عمك على بنات خالتك
نغم:لأنكم على غلط ومستحيل اتجي في ضفر بنات عمي
رغد:هكي صار وانت يامحمد طالع مع بنات عمك
محمد:بنات عمي خط أحمر
رغد:هههه تطلعوا مع بنت يتيمه مش متربيه مرات حتى بنت حر...يقطعها كف من محمد نين طاحت ع الارض
محمد:جربي افتحي فمكككككك مرة ثانيه وشوفيييي شن انديررررررر فيككككك انتي بنت حررررررام يافاسدددددة بعياط 🤬🤬🤬🤬
ربى:تشد في محمد من ايده محمد خلاص بالله عليك توا يسمعونا فكنا مشاكل
محمد:لا خلي يسمعو وربي لما انوريها وحندير مشكله كان تعتذر توا
ربى:انا مانبيهاش تعتذر خلاص خلها و اصلن اي كلمه قالته مش مدورتها فوتها
جو النسوان بعد ما سمعو العيااااط
نعيمة:خيركم شن في
صبريه:حي بنتي خيرك
محمد:بنتك مش متربيه وربيه خير مانقتلها 😡😡
صبريه:علاش خيرها
اميرة:بنتك.......وحكتلها
صبريه:معقوله يامحمد تضرب بنت خالتك على خاطر بنت عمك
محمد:وانتي قلتيه بنت عمي يعني مستحيل نسمح لي حد يغلط فها
صبريه:انا انكلم بوها يتفهم معاك
نعيمه:مافيش دعي الدوى توصل لي الرجاله
صبريه:ماشفتيش ولدك كيف ضربها
نعيمه:محمد ما يتحمل شي في بنات عمه حتى لو كان حاجه بسيطه وبنتك غلطة في ربى
وداد:هيا وحدة وقطع علها محمد
محمد:جربي كملي هيا
وداد:سكتت
نعيمه:خلاص هيا كل واحد يلها في روحه
محمد:اميرة تعالي انتي والبنات وراء الجنان
اميرة:به
يتبع.....
للكاتبه Reham Ebraheem 🔥🔥
أنت تقرأ
حوش الجد واحفاده 😍😍
Casualeروايه تتكلم عن حوش الجد وتحكي عن بنت يتيمة 😓وتربت في حوش جدها مع عممها مع اولاد عممها وبنات عممها 😘
