مشي محمد عطهم الميه وربى مشت لبست الوشاح ونزلت لي خالها
خالها: انا ياعمي( على جد ربى) نبي نرفع ربى لي حوشنا الكل استحاشوها خواتي وامي وبوي وبنات خوالها واولاد خوالها
الجد: والله ياولدي كان تبوها تمشي عادي لكن تقعد غادي لا سامحني مانقدرش
خالها: علاش احنى خوالها في الاخير شن فها
يزن: يلي يبيها يجي يشوفها اهني
خالها: كيف هيا بنت اختي واحنى نبوها تجي معنا
عمها علي: هيا تكون بنت خوي الله يرحمه واحنى عيلتها
خالها: 😤😤 وحتى هيا بنت اختي الله يرحمها واحنى نبوها تمشي معنا
الجد: وانا قلتلك تبي تعال شوفها اهني
خالهاا: شنو يعني حتي من حوش جدها بتمنعوها
الجد: انا ماقلتش ماتمشيش لكن قلت تمشي لكن بدون انها تبات غادي
خالها: شن فها كان قعدت بحدانا يوم ولا يومين
عمها اشرف: احنى مانبوهاش تقعد غادي خلاص
ولد خالها: 😡😡 ماليكموش حق تحرمونا من بنت عمتنا
محمد: احترم نفسك وانت تكلم في جدي وايه احنى بنحرموكم منها شن بدير هي
ولد خالها: انت ماليشكش علاقة خليك برا الموضوع
محمد جي بيضربه لكن وسام شدة
محمد: من بين سنونه حول ياوسام اطلقني
ولد خالها : شن بتضربني
يزن: خلاص احترمو انفسكم محمد اطلع برا انت واولاد عمامك
محمد والاولد: مش طالعين احنا
عمهم جمال : خلاص اطلعوا
الاولاد جو بيناقشوا لكن جدهم قال اطلعوا طلعو الكل قعد كان الجد وعمهم جمال و اشرف وعلي ويزن بس وخال ربى وحتى ولد خالها طلع معهم
ربى: خيركم شن في
سامر: مافي شي بري خشي
جنى: لا فيكم شي خيركم معصبين
وسام : جنى مش وقتك اقلبي وجهك الداخل انتي ويها
اميرة: خيرك العفو ماقلنا شي احنى
محمد: خشو الداخل خيرلكم 🤬🤬
البنات خافوا: به به
خشو البنات الداخل ربى: خيرهم الكل
تالا: مش عارفة من لما طلعوا من المربوعة وهما هكي
حباة: حتى ولد خالك البرا معصب
ربى:وين
حياة: قدام الجنان
ربى: خلي نمشيلا ومشت لقتا البرا
ربى: امجد خيرك
امجد : شي
ربى: لافي شي خيرك زي انت زي اولاد عمي مش ع بعضكم
امجد: انا وعمي (يعني خال ربى) جينا ع اساس نرفعوك معنا لي المزرعة في غريان لكن جدك وعمامك واولادهم مابوش
ربى: اااا اي انا كلمت جدي لكن قال لا
امجد: ليش باهي
ربى: جدي مايتحملش انو نطلع نقعد برا الحوش هلبا
امجد: ليش حتى غادي حوش جدك
ربى: نعرف لكن انا تربيت هنا
امجد: نعرف انك تربيتي هنا لكن حنى جدي كان يبي يربيك لكن جدك ماباش
ربى: الله غالب لكن انت ليش مضايق
امجد: تعركنا انا وولد عمك
ربى: من 😳😳
امجد: محمد
ربى: ليش به
امجد: ع خاطر قلنا نبو نرفعوك معنا
ربى جت كيف بتكلم لكن محمد قال: شن اديري اهني
ربى: تلكمست ا انا انا... كنت انكلم في امجد
محمد:خشي الداخل 😡😡
ربى: به
امجد: وانت شن دخلك في البنت
محمد: الزم حدك احسلك ياولد ال......
امجد: شن تسحاب روحك ياعيل وطاحوا فها ضرب وربى خايفة وتبكي 😭😭
الجد: حولو على بعضكم
ربى: مشت تجري لي جدها وحضنتا جدي شوف كيف يضربوا في بعض
الجد: تمام خشي الداخل وسام تعال ارفع بنت عمك الداخل
وسام: تمام
يزن&خالها: يحزوا فيهم حول انت ويها
محمد: هوا مش محترم نفسه فرخ الكلب
بوه: محمد خلاص ياسر قلة ادب
امجد: والله لما انوريك ياكلب (حاشكم)
محمد:تي برا اقلب وجهك 😠😠
ااجد: خلاص انت ويها محمد خش الداخل وانت ياجهاد خود ولد خوك وبرو
جهاد(خال ربى): تمام هيا امجد
مشو روحو وربى قاعدة في دارها مابتش تطلع بكل والجد قعد يعارك في محمد
الجد: ليش ضربة الولد
محمد: هوا يلي بدي وبعدين ليش يبو يخدو ربى معهم
علي(بوها): هوا مايبيش ياخدها بكل هما يبوا يرفععوها معهم لي المزرعة في غريان وجدك قال لا خلاص ليش الدوا الزايدة
مشي محمد مضايق وخلاهم
عند الشباب يلي يلعبوا في البلاستيشن
وسام: محمد تي خيرك معلق ع اولاد خوالها انت
محمد: انت ماتشبحش كيف امجد الكلب يحبها
ايمن: اي صح
سامر: به شن بدير هما اولاد خالها في الاخير
محمد: انا مش ح انخلها تمشي إلا كان معها حد من بنات عمي او خواتي باش معاش يقدر يخش لما يكون حدا من البنات معها
هيثم:شن بتقعد تبعت معها في البنات ديما
محمد: اي 😒😒
هيثم: هيا عمي يزن العب دورك
يزن: ماخطريش
هيثم: ليش حبيبتك مزعلاتك
يزن:ضربه بي المخدة صكر فمك
محمد: تي بالله خليه العاشق الولهان🤣🤣
يزن: شوف من يتكلم 😏😏
وسام : هههه حقااا
محمد: خلاص بلا صماطه انت ويها 🤨🤨
سامر; هههه تم كشفك
الشباب: ههههه
عند البنات:حياة خلاص ربى خيرك هكي
ربى: هوا يدخل في حياتي هلباا
جنى: انتي تعرفي محمد مايحبش العوج
تالا: ايه خلاص فوتيه حبي
ربى: انا بنمشي انشوف شن العشااا
حياة: خيرك امالا جعانة
ربى: لالا مانبيش ناكل معهم
جنى: ليش
ربى: هكي
ومشت ربى لي الكوجينه لقت اولاد عممها
ايمن: ربروب شن جو
ربى: عال العال
وسام: واضح
ربى: طلما واضح ليش تسئل
ايمن: شي سؤال عادي
ربى: اممم به
يزن: حولوا خلو حبيبت عمها
ربى: عمي شن في تعركت انت وحبيبت القلب
يزن: شن دخل هدا في هدا
ربى: طلما قلت حبيبت عمها اكيد تبيني انكلم حبيبتك
يزن: ضربه ع راسه لالا ياحمارة ماتمشيش معاك الحنيه
ربى: اييي عمي اصلان حنيتك من وراها مصلحة
يزن: بري بري عندك جفاف عاطفي
ربى: ايه طالعتلك
ايمن: ههه قصف
يزن: يلا اقلبي وجهك
نعيمة: ههه خيركم انتم زي ناقر ونقير
كنان: ههه مش غير
طلعوا الشباب مشو ونسوين عمها ربى وتو العشااا وجو ونادوهم ياكلو
الجد: وين ربى
جيداء: قالت مانبيش
علي: ليش خيرها حتى الغداء ماكلت كويس
الجد: تالا بري ناديها
مشت تالا تنادي فيها تالا: ربى قالك جدي تعالي تعشي
ربى: مانبيش
تالا: على راحتك
مشت تالا: جدوو قالت مانبيش
الجد: خلي نمشي انشوفها
محمد: لالا جدي خليك هيا زعلانه من انا خلي انشوفها
الجد: باهي تكلم معها بشوي
محمد: به
مشي محمد طق على الباب
ربى: قلت مانبيش خلاص خيركم الزح
محمد: هدا انا نبي انكلمك
ربى: انا مانبيش فوتني
خش محمد: علاش ماتبيش تاكلي
ربى: حتى في ماكلتي بتدخل
محمد: انا مادخلتش لكن انتي تعرفي نضرة ولاد خوالك ليك وانا منحبهمش يشوفك بطريقه اهيا
ربى: تمام صار يلي صار نوا خليني بروحي
محمد: لا هيا تعالي كولي معنا جدي والكل قاعدين يستنو فيك هيا
ربى: عيونها تعبو دموع انا مانبيش
محمد: تمام بطلي دموع وهيا تعالي
ربى:😥😥 به
محمد: هياا 😉😉 وغمزلها
نزلت ربى هيا ومحمد الجد: اوو حبيبتي زعلانه تعالي بحداي
جنى: انغارو حتى حنى راه
الجد: ههه هدي حبيبتي تعالي ربى
ربى: نكل لكن بشرط
اشرف:هههه بدينا في الدلع
الكل:هههههه
علي: حتى هيا ربى
ايمن: حتى هيا ربروب
الجد: هههه شن شرطك
ربى: نبي نمشي لي الملاهي غدوا
الجد: تمام لكن غدوا عندنا عزوما خلها بعد غدوا
ربى: تم
قعمزو كلو الكل وناضو يغسلو في ايدهم
جنى كيف بتخش لي الكوجينة تجي تخبط في هيثم
جنى: اشبح قدامك النم
هيثم: اوو سوري بيبي
جنى:هاها بايخ
هيثم: 😠😠 شن قلتي
جنى: خافت شي
هيثم: به ماصرلك شي
جنى: لالا مافي شي
هيثم: به اسف 🤤🤤
جنى: لالا عادي 😍
مشي هيثم جنى: بهيم وهف قريب طيحني
أنت تقرأ
حوش الجد واحفاده 😍😍
Randomروايه تتكلم عن حوش الجد وتحكي عن بنت يتيمة 😓وتربت في حوش جدها مع عممها مع اولاد عممها وبنات عممها 😘
