حوش الجد واحفاده 😍😍

المقدمة

اولا نتعرفوا ع الشخصيات اولا (ربى )بنت يتيمة ماتت  امها وبوها في حادث لما كان عمرها 3 سنوات هيا مواليد2003 اسم امها داليا ،بوها حسام؟
👨‍👨‍👦👨‍👨‍👦
و جدهم خالد وجداهم عيشة (عائشة) عندهم 5 اولاد و زوز بنات سميرة و غادة
👨‍👨‍👧👨‍👨‍👦
وعندها عمها الكبير علي عمره 60 ومرتا نعيمة 40 عندهم زوز بنات اميرة مواليد 2001 واختها نغم مواليد 2006 وتلات اولاد محمد مواليد 95 وسامي م 96 و وسيم م 2000
👨‍👨‍👦👨‍👨‍👧
وعمها التاني اشرف عمره 51 ومرتا جميلة  42 عندهم بنت وحدة اسمها حياة م 2000 وزوز ولاد هيثم م 95 وسامر م 99
👨‍👨‍👧👨‍👨‍👦
وعمها الثالت جمال عمرها 55 ومرتا جيداء عمرها 49 وعندهم تلات بنات جنى م 2003 وتالا م 2005 وليان م 20007 وزوز اولاد ايمن م 99 وفارس م 97
👨‍👨‍👧👨‍👨‍👦
وطبعا عندها عممها الاخيرين الصغار يزن م 90 و كنان م 93 مش متزوجين وهادم جوهم فري 😜😜 وعمتها غادة م 95 حتى هيا مش متزوجه وجوها يهبل قاعدة تبي تكمل قراية الدكتورا

اما عمتها سميرة متزوجه وعندها زوز بنات سها م 2001 وغيداء م 2003 وزوز اولاد كريم م 97 وخالد م 98 👇👇
ربى : هاي جدو
جدها: اهلين حبيبت جدو
ربى: جدو ممكن نطلب منك طلب 😊
جدها: شنو تبي قولي
ربى: نبي نمشو انا وبنات عمي لي مدينة الملاهي بليزز جدو
جدها: تمام قولي لي عمك يزن ولا عمك كنان يرفعوكم ولا اولاد عمك
ربى: لالا قوللهم انت كان هدا مايبوش يرفعوني نعرفهم انا
قطعهم عمها يزن يلي قال: شن وين تبوني نرفعها انشاء الدلوعها جدها
ربى:نبيك ترفعنا انا وبنات عمي لي الملاهي بالله عليك
يزن:اممم بس بي شرط
ربى شن شرطك اصلن انت مستحيل اتوافق بدون شرط 🙄
يزن: نبيك اديديلي كيكة و شوية جو انا وصحابي اليوم في الليل
ربى: شنو شنو والله هدا مانقص غير اندير كيكة وجو لي صحابك المجانين برا بالله معاش نبي منك ترفعنا 🥴🥴
يزن: امالا اقعدي ياطويلة اللسان ماني رافع
ربى:  مانا برا ملح توا انكلم عمي كنان حبيبي يرفعنا اصلان انت مصلحجي اقعد فيها
جدها: ارفعهم خاطرهم في الملاهي حرام عليك
يزن: والله يابوي ع طولة لسانها ماني رفعهم
ربى: اصلان معاش نبي منك رفع سلام 👋😡
يزن: بري ملحي يانعجدك
جدها: جدها بحداك 🤨🤨
يزن:ااا يابوي والله مش قصدي، ومشي هرب قبل مايجيه ✋يخليه يعرف جدها كويسس 😅
مشت عمتك ربى اطنفر لي الكوجينة لقت بنات عمها يراجو فيها باش يمشو لي مدينة الملاهي
اميرة:شن صاار
ربى:جدي ماقال شي لكن عمي التيس قال نفرفعكم لكن بي شرط اديرولي كيكة وجوا ليا انا وصحابي
نغم:باهي قلتيلا عادي
ربى: بالله صكري فمك خير ما نحشي هاالخبزة كلها في كشختك
نغم: شن قلت انا
ربى: لا ماقلتي شي ياحمارة تعرفيه غر انقولو باهي تبدا مش غير كيكة بس تبدا فها حتى العصيدة فهمتي ياسطل
نغم: ااااها
ربى: فهمتي توا
حياة: قصدك توا مش ح نمشو يعني
ربى: لا بنمشو غير انا نكدب عليك مانا ياغبية شن كنت انقول
حياة: بالله اسكتي تقول احنى قولنالك اقعدي فجرتي علينا قريب كليتينا
جنى: باهي توا شن انديرو
تالا: خلي نمشو انكسدو مع الاولاد احسن من خلقتكم السودة وهف ومشت
ربى: امشي ينعفيتك وهف قاتلك
وهيا كيف بتطلع يجها شبشب ع وجها نين طاحت 😅😅 شافت لقت عمتها غادة تشبح فيها بتقتلها وبنات عمها ميتين ضحك ع طربت الشبشب يلي جتها من حيت لاتدري من عمتها غادة
غادة: ياكلبة شن لمسك في زماطوي (طلاء الاضافر) لقيته في دارك
تالا: بخوف، والله ماني انا هادي ليان خداتا بكري
ليان: بلاش كدب مش انا هادي جنى
جنى: هي هي بلاش تبلعيط مش انا هادي تالا امبكري لما كنتي انتي مش موجودة خشت وخداتا
غادة: مشت شدت ودن تالا وقالتلها بلاش لف ودورانا وين الزماطو تالا بعدت علها وقالت: اي انا خديتا ودرت بيه شن بديري هيا هدا من فلوس جدي
غادة: توا انوريك فلوس جدك شن يديرو قربت منها وشدت شبشبها وطاحت فها قتل لين عرفت فلوس جدها صح 😂😂 وبنات ميتين ضحك علها
تالا: توا اتشوفي لما انكلم جدي فيك
غادة: بري يابنت الكلب كلميه وشوفي شن اندير فيك
تالا مشت وهيا تبكي وتمتم
بعدين مشت عمتك غادة وجي محمد خاش
محمد: بالله خيركم ميتين من الضحك
ربى: هههه هادي عمتي غادة وتالا وحكتلا الموضوع
محمد: تستاهل من قاللها تمس حاجة عمتي هيا تعرف ان عمتي ماتحبش من يلمس حاجاتها
جنى: اي من قاللها تستاهل
ربى: هيا بلاش دوى زايدا خلي انديرو لفا ع الحوش
البنات: هيا هيا
وهما كيف طالعين يسمعو في عيطه طلعوا يجروا 😨😨
ربى:خيركم شن في
لقو ياحنا عمتك غادة طايحا من الدروج وتعيط على تالا يلي لبدا ورا جدها وتبكي
فارس: عمتي خيرك
غادة: ايدي معاش انحس بها انحس فها انكسرت
بوها: جي قرب منها هيا خلي نمشو انشوفها في المستشفى بالك انكسرت
يزن: هيا توا انا انوتي السيارة
خالد (بوهم وجد ربى والباقي) هيا
رفعو غادة لي المستشفى وطلع عندها كسر في ايدها اليسار وبعدين جبرو الكسر وروحوا خشو الحوش لقو بنات يجو يحمدو ع السلامة لي عمتهم جت تالا
تالا: عمتي غادة حبيبتي انا اسفة سامحيني ماعاش انعودها
غادة: شبحتلها وبعدين ضحكت وقالتلها تعالي اهنا حضنتها وقالتلها: انا مش زعلانه منك انتي حبيبتي
ربى: اوو حتى احنا بدينا انغاروا
ضحكت عمتهم وقالتلهم تعالوا جو حضنها
غادة: هيا خلاص خنقتوني بعدي انتي ويها ايدي
ضحكوا وبعدوا علها
خش كنان:  اوو شن في دموع وجوا شن فات عليا
بوه: وين كنت انت تنسرف يا صايع
كنان: خيرك ياحويج كنت مع صحابي
غادة: صحاب القهرة والعزا
كنان: انتي صكري فمك وشبح لي ايدها خير ايدك
ربى: طاحت من الدروج
كنان: تستهالي هدا يلي يحشي خشمه في امور لاتعنيه
جنى: لالا تعاركت هيا وتالا
كنان: مسكينه تالا اكيد كلت منها طريحه
غادة: بدل اتقول الحمد الله ع سلامة وانت تعزر فيا
كنان: ااا الحمد الله ع السلامة
غادة: الله لا يسلمك 🙄🙄
كنان: امشي يابنت الك.... كيف بيكمل يجيه كانشو من بوه قريب نطره ع الحيط 😂😂
بوه: انا كلب صار ياولد الكلب
كنان: قاعد طايح ع الوطا انت قلتها مش انا
بوه: صار هكي امالا توا تشبح من قرش
كنان: والله ماقصدي يابوي
البنات يضحكوا هما ويزن ومحمد وفارس
فارس: ههههه عرفت كيف تجيبا لي الطريق ياجدي
كنان: صكر فمك ينعفيتك
فارس: باهي ياعم مقبولة منك ع كبر سنك
كنان: باهي توا اتشوف
مشوا بعدين كلهم تعشو ورقدو وطبعا البنات يتعاركوا من بترقد بحدا جدها (طبعا عائشة جدهم ميته)
ربى: بري انت ويها انا بنرقد بحدا جدو
اميرة: بري ملحي انا بنرقد انتي ديما ترقدي بحده
جنى: لا انتي ولا هيا انا بنرقد
ربى: بروا انتي ويها ملحوا انا برقد
جدهم: مافي حد يرقد بحداي بنرقد بروحي مانبيش نقاش
ربى: وهيا تبكي😭😭 ارتحتي انتي ويها اقعدوا فها وطلعت تبكي تلقت هيا ومحمد
محمد: خيرك
ربى: ماخيرني شي
محمد: تكلمي خيرك تبكي😭😭
ربى: جدي مايبيش يخليني نرقد بحداه
محمد: ليش
ربى وهيا تبكي😭😭: هادوم الكلاب قالوا نبو نرقدو (طبعا ربى متعودا ترقد ديما بحدا جدها لان في الليل تنوض ديما مخلوعة من حادث امها وبوها)
محمد: توا انكلما انا
ربى: لا لا اصلان خلاص قال معاش نبي نقاش😓😓
محمد: خلاص امسحي ادموعك توا
ربى: به ومشت تبكي لي دارها(طبعا ربى بحكم يتيمه فا هيا دلوعة العيلة وهما يحبوها كلهم حتى بنات عمها)
محمد خش لي جده وهوا متكنطي: جدي خيرك مع ربى خليتها تبكي
جده:اتنهد اتعاركوا هيا وبنات عمها ع نومه بحداي نتيت عليهم وقلت مانبي حدا يرقد بحداي
محمد: عارف انا ربى ماترقدش الا لما تكون انت بحداها جده: توا خلي ترقد بعدين نمشيلها
محمد ناض: به كويس تصبح على خير
وطلع ......
تمت نتلقوا في البارت الجاي وحيكون حلو وفيه احدات حلوا 😘😘نتمنى منكم انكن تدعموني لان اول مرة نكتب روايه خاص فيني ونقبل منكم اي نقد  برحاب صدر 😘😘

للكاتبة Reham AK