معشوقتي ميرا

الفصل الرابع و العشرون

 وصل وصل وصل وحشتوني كتير كتير من هنا لفلسطين احنا انهارده هنكمل الروايه و الاحداث نار يالا بقي مش خساره فيكم  عشان انتوا استنتوني كتير 😂😂🌷حبيت ابدأ من اول الاسبوع السبت 🌷🌷

               الفصل الرابع و العشرون

وقفنا اخر مره عند لما ادم قال لميرا انه هيسافر معها الهند
ميرا بصدمه: بجد طب ازاي
ادم ببتسامه: اه بجد احنا هنسافر معاكم و ازاي انا كلمت واحد صاحبي هيقوم بكل حاجه
ميرا: انتوا مين
ادم: انا و زياد و مازن
ميرا : اشمعنا يعني
ادم: عشان متفضلوش لوحدكم و كمان منها سياحه و  نشوف البلد هناك
ميرا بفرحه: اكيد هتبقي رحله زي الفل و عنب كمان
ادم: فل و عنب نو كومنت
ميرا:اه هو كده بس قولي هتعمل ايه في شغلك ده انت حتي مش بتعرف تتكلم هندي و هتعمل ايه في مازن
ادم: انا بجهز ورق عشان اقدمه انا و زياد هناك الفتره اللي هنقعد فيها و نشتغل هناك و مازن سحبت الورق بتاعه عشان اقدمله هناك و لو علي الكلام غمزلها بعينه هبقي اخليكي المترجمه بتاعتي هناك
ميرا بزهول: انت عملت الحاجات ديه كلها امته ازاي اصلا قدرت ده انا لحد دلوقتي بجهز لسفر و انت عملت ده كله في يومين ده انت مكملتش اليومين ده انا لسه قايله و انا في المستشفي هاه و بعدين مين ديه اللي هتبقي المترجمه بتاعتك هو انا هبقي فاضيه يا عم
ادم: ايه اهدي اهدي ده كله كلام افصلي شويه و بعدين عملت ده كله ازاي فده سر المهنه يا ماما انا كلمت صاحبي و هو بيعمل كل حاجه و كمان انتي تطولي تبقي المترجمه بتاعت ادم العمري يا بت و خلاص يا حجه مش عاوز منك حاجه هبقي اشوف مترجم او اترجم انا الكلام علي الفون
ميرا: ماما و بت و حجه ما تحسن مالفظك يا اخ مينفعش كده
ادم  : اه منا واحد بالي من اسلوبك الهاي كلاس ده
ميرا : بتتريق حضرتك ماشي الايام بينا كتير يالا خالينا تشوف الباقي عشان نعرف نكمل الخطه و نبعد الزفت ده عن العيله لانه واكل بعقل البت حلاوه و انا مضطره انزل القاهره عشان فاضل اسبوع علي السفر
ادم: يالا بينا نجهز الحاجه
ميرا: يالا بينا
💕💕💕💕💕💕💕💕💕💕💕💕
عند انس في البيت و قفنا عند الشخص اللي قال
الشخص: وافقي يا كوكو بقي عشان خاطر ابنك
كريمه: حتي انت يا عز و انا اللي قولت انك هتعقلوا و تخاليه يرجع عن قراره و كمان هو ده مش صاحبك الانتيم المفروض تبقي مش عاوزه يمشي و لا انت ايه رأيك ها
عز في نفسه بكره: كان الانتيم بتاعي قبل ما يحب حبيبتي لا و كمان هو يبقي قاعد معاها طول الوقت و انا مبقاش عارف اشوفها
عز بخبث : يا طنط هو هيبقي احسن هناك و هيقدر يبدأ هناك احسن من هنا و كمان انا علي عنيا اني اخليه يسافر بس نعمل ايه الظروف اكبر مننا بقي و انا و الله يا طنط انا بعمل كده عشان مصلحته و انا خايف عليه و لو حضرتك مش واثقه فيا متوفقيش تروحي و سيبي ابنك كده مستقبله يضيع
انس:  صح انت معاك حق يا عز يا ماما انا مستقبلي هيبقي احسن هناك و خلاف كده  المكان هناك يجنن و هنزور اماكن تحفه عشان خاطري وافقي انا ماليش غيرك و مقدرش اسافر من غيرك
كريمه: ماشي يا انس عشان خاطرك بس انا هنسافر امته
انس و هو ينط عليها و يحضنها: الاسبوع الجاي يا ماما هنسافر
كريمه: ماشي يا بني هطلع انام انا بقي باي يا عز
عز: باي يا طنط
عز بخبث: بقولك ايه يا جدع ما تيجي نخرج و نصيع الاسبوع ده علي ما تسافر
انس: اشطا يا معلم يالا هطلع اغير و اجي البيت بيتك بقي
طلع انس و عز مبتسم بخبث و هو يقول
و الله هتوحشني يا صاحبي ههههههه  و اكمل بهمس شرير يالا بقي بيقولك عشان توصل للي انت عاوزه لازم تضحي و تأذي اشخاص حتي لو الاشخاص ديه ابرياء و انت كان اول الناس ديه يا انس و لسه في ناس كتيير هتتأذي اهم حاجه اوصل اللي انا عاوزه حتي لو علي حساب حياه اي شخص هيقف في طريقي
قطع كلامه نزول انس و هو يقول: يالا يا عم سرحت في ايه
عز بنتباه: هاه لا ابدا مفيش حاجه يالا نمشي
انس: يالا
ماشيوا الاتنين وذهبوا يقضوا وقت مع بعض
💕💕💕💕💕💕💕💕💕💕💕
عند ميرا بيجهزوا للحاجه عشان ينهوا موضوع امير
ميرا : ها يا محمد عرفت تجيب اللي اتفاقنا عليه
محمد: كله تمام يا باشا
ميرا: و انت يا ادم
ادم:  كله تمام
ميرا:  وانت
قاطعها زياد: قبل ما تكملي كله تمام متقلقيش جبت اللي مطلوب بس دلوقتي دوركم انتوا هتخرجوا العيله ازاي و في مشاكل ما بينكم
ميرا: ديه عليا انا متقلقوش بس ريتا تروح تتأكد ان امير مش في البيت و سلمي متخليش رنا تكلم امير في اي وقت لحد ما نخلص اللي الخطه
سلمي و رتيل: تمام ماشي هنعمل كده
ادم: ماشي ده كله و حلناه يا نصحه بس نسينا اهم حاجه و هي ازاي هنخلي امير يرجع البيت بعد لما العيله تمشي
ميرا ضحكت بخبث و قالت: هقولكم ******
الكل بصدمه: ايه انتي اتجننتي
ميرا بخبث: لا متجننتش بس ده الحل الوحيد و مقدمناش غيروا و هو كده كده مش هيلحق يعمل حاجه من اللي مستنيه
ادم بحده: بس يا ميرا كده مينفعش و
قاطعته ميرا: لا يا ادم ينفع و يالا بقي ننفذ الخطه
في الداخل كل العيله قاعده مع بعض و بيتكلموا دخلت ميرا عليهم و قالت: السلام عليكم
الكل: و عليكم السلام
ميرا ببتسامه: ممكن اقعد اتكلم معاكوا شويه
الكل استغرب بس قالوا: اقعدي
ميرا قاعده و قالت بصدق: ممكن تقولولي انتوا بقي بتكرهوني ليه يعني ده انا اول مره اشوفكم فيها لما جيت يعني انا اتوقعت منكم انوا هتحضنوني و هحس معاكم انا و اختي بحنان العيله اللي مفتقدينه من زمان قولت هيبقي ليا عيله حتي لو في مشاكل بينا مهما حصل هفضل بنتهم و اكيد بيحبوني اكملت بدموع في عينيها تعرفوا وقت لما اتضربت بالنار كان نفسي احس بحد خايف عليا  خلاف رتيل و ادم كان نفسي بابا و ماما يكونوا موجودين جنبي و قت كتير كنت بحس بالواحده لاني معنديش ام احكيلها علي اللي بيحصلي عارفين يعني ايه بنت تبقي شايله مسؤليه بباها و اخوها  و اختها  اللي لسه مولوده و تبقي البنت ديه نفسها في الحنان و مش لقياه مهما حاول الاب و الاخ انهم يعوضها عن حنان الام لكن مبيعروفش و اختي اللي حتي مشفيتش ماما و انا كنت مش عاوزه احسسها انها فاقده الاحساس بحنان الام مش كفايه محرومه من الكلمه ديه و عمرها مقالتها كان نفسي عيلتي تبقي موجوده جنبي عارفين شعوري كان ايه يوم موت بابا كان اليوم الوحيد اللي اتكسرت فيه رغم وجود اخويا جنبي في اليوم ده بس هو كمان سافر بره مصر و مكنش موجود غير اسبوعين بس بعد العزا و مكنش ينفع اعيط و لا اضعف عشان اختي من حقها تعيش في جو مرح و كله ضحك كنت بفضل اخبي في مشاعري علي رغم ان رتيل مكنتش بتسبني بس انا كنت اكملت بدموع وجع كنت عاوزكم عاوزه عيلتي الكبيره بس مش موجوده عيلتي الكبيره اللي بتكرهني تعرفوا اني قعدت ادور كتير علي جدو قعدت سنين بدور عليه بس تعرفوا انا عرفت انتوا بتكرهوني ليه مفكرني اني جايه عاوزه حاجه من فلوسكم لا بلعكس اتا و لا جايه عاوزه حاجه مت فلوسكم ده انا كنت جايه هتنازل عن نصيبي في في حق بابا و كنت عاوزاكم انتوا كنت بفكر اني اخليكوا تيجوا تعيشوا معايا في القاهره بعد اما اجي من السفر انا معايا فلوس متخلنيش عاوزه حاجه من حد و كمان جدو عمر ما حب بابا و اونكل احمد اكتر منكم بالعكس بابا كان بيقولي ان مفيش اب بيحب عيل من عياله اكتر من الباقي لما يحب يحبهم كله و بذات جدك سالم ده بيحبنا كلنا زي بعض كان بيقولي كده و انا صغيره لما كنت بسألوا هو جدو مش بيجي عندنا ليه هو مش بيحبنا
هنا ميرا كانت بتقول كل حاجه من قلبها و بصدق و وجع اللي حاسه فيه طالعته خلاص و هنا مكنتش بتمثل ولا حاجه
الكل قاعد و ملامح الصدمه علي وجههم هي عانت كده قدرت تعيش في الوجع و القهر ده و لا و بتضحك واللي يشوفها يقول انها مش شايله هم و لا اي حاجه لتلك الدرجه كانوا ظالمنها هنا الكل دموعهم نزلت عليها و علي اللي عاشته قرب منها فوزي و عليم و قالوا
فوزي و عليم  بندم و دموع  : انا اسف يا بنتي انا الجشع و الطمع عموا عيونا و مشفناش الحقيقه و كان كل اللي بنفكر فيه هو ان بابا بيحب علي و احمد اكتر مننا و عشان كده مكناش بنحبكم بس اللي كان منعرفوش ان بابا بيحبنا كلنا زي بعض سامحينا يا بنتي
فوزيه و نجاه و نجلاء بندم: و احنا كمان يا بنتي اسفين علي اللي عمالناه سامحينا
ميرا و هي بتمسح دموعها و بتحضنهم: انا مسمحاكم و اي انسان بيغلط احنا مش ملايكه
هبه و نوره و رنا بمرح: اذا كان كده ف هاتي حضن بقي و خلينا اخوات
ميرا بمرح و هي تحضنهم: تعالي يا اوختشي انتي و هي و هي هههههه ايه رأيكم بقي بعد النكد ده نطلع كلنا نخرج و نشم هو و ناكل بره
الكل:  ماشي يالا هنطلع نغير
ميرا : و انا هنادي علي الباقي
في الخارج كان الكل واقف و استمع لحديث ميرا مع العيله و الكل اتصدم من اللي حصل
زياد بصدمه: ده فعلا صدق اللي قال عليها افضل ممثله ايه ده ازاي قدرت تقول كل ده انا بجد مصدوم من اللي حصل
رتيل ببتسامه حزينه علي صديقتها: ميرا كل كلمه قالتها مش تمثيل كل اللي ميرا قالتوا ده عاشتوا و كل الوجع اللي كانت بتتكلم عليه ده فيها هي ميرا من النوع اللي بيكتم في نفسوا و مش بيتكلم مع حد
ادم بحزن علي حبيبته: فعلا باين اوي انها كانت بتتكلم بجد
محمد بدموع: يااااه اختي كانت محتاجه الحنان و الحنيه لكن انا عملت ايه سبتها و مشيت بكل برود انا مش مصدق اني عملت كده في بينتي مش مصدق
سلمي بحزن: اهدي يا حبيبي انت مكنتش تعرف اللي بيحصل معاها لو كنت تعرف كنت رجعت علي طول
قطعت كلامهم ميرا و هي تقول يالا الكل يطلع يلبس عشان نخلص بقي
الكل: ماشي
الكل لبس و مشيوا و الكل كان مبسوط و عرفوا انهم ظلموا ميرا و اخواتهم و قرروا انهم يبدؤا من جديد و ميرا عملت زي ما خططت بالظبط و رجعوا البيت
الكل:  بجد يا ميرا الوقت ده كان تحفه
ميرا ببتسامه:  مرسي اهم حاجه تكونوا انبسطوا و يالا بقي انا هطلع استريح عشان تعبانه و الجرح تعابني
ادم: تعالي يا ميرا اغيرلك علي الجرح عشان انتي اتحركتي كتير
ميرا بخجل: لا انا كويسه
ادم بصرامه: يالا مفيش نقاش
ميرا:  اووف يالا
طلعت ميرا و ادم معاها و رتيل طلعت معاهم و دخلت نيمت مادلي اللي كانت نايمه و كل واحد طلع علي اوضته يغير و يستريح
رنا دخلت اوضتها اول ما شافت المنظر صرخت بأعلي صوتها: اه اه اه اه اه اه
الكل جيه علي صوتها جري  و انصدم لما شاف المنظر ده
💕💕💕💕💕💕💕💕💕💕💕
رايكم في البارت انا طولت فيه علي قد ماقدر  يالا مش خساره فيكم و انتم متبخلوش عليا  الفوت  و الكومنت
يا تري ايه اللي شافوه
💕💕💕💕💕💕💕💕💕💕💕
بجد انا عاوزه تفاعل عشان انا رجعت اكتب تاني و عاوزه تشجيع ليا بجد بحبكم اووي 😍😍 و اسفه علي التأخير بس عندي ظروف 😢😢