شهوة جسد

#نسرين_والزمن

#نسرين_والزمن

🔞🔞🔞🔞🔞🔞 #شَهْوَة_جَسّد

١______٢

البارت الأول ( 1 )

كلهه اقدار مسطرة ومكتوبه ..مشاكلي بدت تكثر من يوم دخلت الجامعه..اني كلش حلوة ..خدودي متفحه وشعري طويل سرح اسود . وعيوني سودة وكبار..كلهم يكلون عليه هيج..
... وعيت ع الدنيه وامي وابويه .. ما مصافين بيناتهم .. جانت عائلتي مفككه كل واحد عليه بنفسه.. والواحد ماله شغل بالثاني.. والمشاكل دوم بين ابويه وامي... احنه تلث خوات .اني وسمر وسهى الزغيرة.. اني جنت بالمدرسه مو شاطرة هواي بس جنت احاول اقرة واضغط ع روحي وجنت اجبر نفسي ع القرايه..حتى انجح واخذ شهادة واطلع من هذا بيتنه القذر.. احنه ساكنين ابشقه ابغداد..امي جانت عدهه طبع كلش موزين.... جانت اتحب اتمارس علاقات مو شرعيه وي غير رياجيل والمصيبه الاكبر ان ابويه يعرف بكل سوالفهه وساكت مايحجي..وابويه هم نفس الشي ..عندة علاقات مو شرعيه ويه هواي نسوان وبعلم امي طبعاً..
جنت شكد اضوج من اشوف امي ويه رجال غير ابوي.. وخصوصا من اشوفهه بوضع مخزي ...
بس شاسوي ماكو واحد يختار امه وابوه... بعد مادخلت الجامعه بشهر دخلت قسم المحاسبه.. جان اكو استاذ اسمه باسم كلش حلو.. وجان كل الطالبات يحجن ع جماله وعاجبهن هواي بس اني ما ادري ليش جان ميعجبني.. لان رافع خشمه ومغرور بالشكل مالته الجذاب.. مرة اجيت دخلتله محاضرة بس جنت متاخرة شويه.. دكيت الباب.. ودخلت وسلمت.. وهوة الضاهر جان ميقبل واحد يدخل بعد المحاضرة متبدي...باوع عليه وكالي ..كومي.. منو كالج ادخلي.. كتله.. بس اني دكيت الباب ..ودخلت.. كالي اي بس اني كلتلج ادخلي.. المهم..سكتت وما جادلتهه ..حتى لايلح وياي..كالي انطيني اسمج الكامل.. ورة المحاضرة تجين للمكتب.. اني كمت اخاف كلت بس لا يكوم يحقق وياي او يخصم من الدرجات ماتي..خلصت المحاضرة.. ومشيت.. رحتله للمكتب.. دخلت وسلمت عليه.. واعتذرت منه.. كالي ماكو مشكله ..اني تفاجئت من طريقه تعامله وياي جانت لهجته ونبرة صوته تختلف كليا عن الصف... حسيته هواي حباب ...كلت معقوله هذا استاذ باسم... هذا اللي قبل شويه رزلني جدام الطلاب... كالي تعاي اكعدي ..اشتشربين... كتله تسلم استاذ انته كتلي تعاي للمكتب واني جيت استاذ.. ولان عندي محاضرة ثانيه حتى اروح والحك عليهه...كالي صراحه انتي عجبتيني وخليتيني انجذب الج.. كتله شنو هل حجي استاذ .. عفته وشلت كتبي وردت طلعت .. بس بيني وبينكم بداخلي جنت كلش فرحانه.. الطالبات كلهن يركضن وراه يدورن كلمه منه او ابتسامه..واني من بين كل هل طالبات هوة بنفسه يكول عجبتيني... وكفني كبل ما اطلع وكالي... نسرين اريد رقمج.. اني ترددت وضليت حايرة.. من شافني بحيرة..كالي بكيفج ماكو داعي اذا بيه احراج... كلتله لا ماكو احراج انطيته رقمي وحفضه بالموبايل مالته.. ودك عليه.. وكالي هذا رقمي احفضيه يمج...اني طلعت فرحانه من يمه وكيفت لان نطيته رقمي... هذا اللي جنت اضوج منه واتعقد من اشوفه..هسه صار مثل الحمل الوديع ...عجبني كله..عجبني برفعة خشمه وعجبني بتكبرة..وبغرورة.. مشيت جان الكه شله صديقاتي التعبانه.. ينتضرون... باوعو عليه حسبالك طالعه من امتحان رشا..وسميه.. وشيماء.. كالولي ها بشري اشصار.. خما رزلج لو كطع من درجاتج... كتلهم تعالو خل احجيلكم الصار... وحجيتلهم السالفه من طأطأ لسلام عليكم.. ما صدكو وكالولي دا اجذبين علينه... لان الكل مفتهم انو اني جايه للجامعه حتى اقرة وانجح وبس وما عندي علاقات ثانيه تلهيني عن الدراسه...الايام مشت واني متواصله ويه استاذ باسم كمت احبه هواي وميمر يوم اذا ما تحاجينه اذا بالتلفون او الماسنجر كمنه نطلع سوة يوميه.. حبيته من كل كلبي وهوة هم حبني.. جان مدللني ع الاخير شاريد يجيبه الي حتى بالدروس جان يساعدني هواي وخصوصا بدرسه.. خلصت السنه ونجحت من المرحله الاولى للثانيه.. سمعت حجي من طلاب بغير قسم ان الاستاذ باسم مزوج.. مصدكت رحتله للمكتب مالته وسألته كتله باسم انته مزوج...كالي لا هاي مجرد اشاعه.. اني صدكته بساع بدون اي شك.. امي من شافتني مرتاحه سالتني كالتلي ..نسرين هل ايام اشوفج مرتاحه ومتونسه ..صاير شي اني ما اعرفه.. كتلهه اي ماما تعاي احجيلج كل السالفه... كالتلي اي بنتي حبيه هذا اكيد استاذ معدل وحرامات اتفوتيه من ايدج..بالرغم من ان امي اتحب الرياجيل.. ومو خوش مرة بس جانت ويانه حنينه.. جنه اني وخواتي نحجيلهه ع كلشي بدون خجل او استحياء... حتى علاقتي بيهه صارت كلش قويه لان كمت احجيلهه كل التفاصيل .. اكلنا وشربنا وتونسنا.. وكل اللي يسويه استاذ باسم وياي...نوبات اصفن ويه روحي واكول شلون لو يطلع استاذ باسم مزوج...يبوووو...كمت افكر بهل موظوع هواي..
اجه عيد ميلادي.. كلت اي هاي خوش فرصه.حتى اخليه يجي للشقه مالتنه وحتى اعرف اهلي بيه...رتبنه الشقه وعلكنه النفاخات والنشرات وشعلنه الشموع وحضرنه كيكه.. اني وامي وخواتي.. ابويه جان بالجيش ملتحق.. وكل فترة ناقلينه لمكان وحتى من يجي اجازة ..يطلع يسافر لغير محافظه.خ
.يكضي الاجازة ويلتحق...كلت الامي تقبلين اعزم الاستاذ باسم..كالت اي بنتي اعزميه خل يجي يشرفنه.. خابرته وعزمته..كالي ماشي ان شاء الله اجي بالموعد..اني لبست احله لبس موجود بكنتوري.. ورحت للكوافير اللي موجود قريب من شقتنه ورتبت شعري ومكياجي.. ورجعت للبيت اتاني المغرب حتى اشوف استاذ باسم...اجه المغرب وبدينه الحفله واستاذ باسم ما موجود..وره نص ساعه اندكت الباب ..كلبي رجف .. وفرفح بنفس الوكت رحت اركض فتحت الباب جان اشوفه..لابس بدله كحليه وقميص ابيض ..ورباط كحلي بي نقشه بيضه..كلش لايكله القاط طالع مثل هذوله الممثلين الاتراك... شعرة الاشكر فاركه من صفحة وشامرة شمر ولحيته وشواربه ماخذة هواي من حلاوة وجهه..الكل كام يباوع ..عليه منو هذا الشخص...هوة خطيه حسيته خجل من النظرات القاتله الي تركزت عليه..صاحباتي اللي بالجامعه يعرفونه سلمن عليه.. وردلهن السلام ..جان شايل جيس مليان هدايا.. بايدة.. من وصل يمي ..كابي كام يدك ع السريع ..وحسيته يريد يطلع من مكانه ..كالي كل سنه وانتي حبيبتي.. وام اولادي..اني خجلت ورديتله بحب..وانته طيب... جتي امي ..وكطعت حبل الرومانسيه بيناتنه.. وكالتلي ..نسرين .. منو هذا الشخص.. استاذ باسم كالي نسرين هاي منو... وكبل ما اجاوبه.. جاوبت امي وكلتلهه..هذا الاستاذ باسم.. سلمت امي عليه وبقو يتعارفون.. على بعضهم.. امي ارتاحت حيل لباسم... اني عفتهم سوة ورحت على صديقاتي.. جان ماخذني الفضول حتى اشوف الهدايا اللي جايبهن اليه...انطيت الهدايا لسهى وكتله روحي لغرفتنه شوفي شجايب اليه..ورجعت عليهم لكيتهم يسولفون ويتمضحكون سوة ..صحتلهم وكتلهم ياله راح تبدي الحفله حتى نكطع الكيكه... كعدت وشعلنه الشموع ..وكامو يغنون.."هبي بيرث دي تو يو"اني عيوني ما نزلت من استاذ باسم..جنت احب لو اشاقه وياه واشيل الكيكه واشمرهه بوجهه مثل ميسوون بالمسلسلات التركيه..بس استحي.. منه...ومن اللي جايين للحفله..
خلصت الحفله.. وجان احلى يوم عشته.. اذكرت الهدايا ورحت اركض حتى اشوف استاذ باسم اشجايبلي هديه..كمت افلفس بالهدايا..لحد ما لكيت الجيس اللي مخلي بيه هديته..فتحته ولكيت علبه..فتحته ولكيت علبه ثانيه بنصهه فتحتهه وجان الكه كلادة ذهب اتخبل مكتوب اسمي بالعربي ..وحرف بي بالانكليزي..كلش حلوة وعجبتني..
شوفتهه الماما..كالت معقوله هاي ذهب..فحصتهه وكالت اي ذهب نسرين هذا خوش رجال ومريش جلبي بيه ولاتفوتيه من ايدج...
مرت الايام ..واني بقمه السعادة وعايشه لحبي من باسم..
صاحبتي بسليمانيه.. عزمتني على حفل زواجهه.. كلت الامي كالتلي ميخالف روحو للعرس بس ديري بالج على خواتج.. كتلهه احتمال نبقه تلث تيام اربعه..كالت ميخالف.. استاذ باسم اصر يوصلنه بسيارته.. حضرنه غراضنه ورحنه لسليمانيه.. حتى نحضر حفله العرس.. من وصلنه .. استاذ باسم رجع وحدة بعد ما شكرناه ..بدت حفله العرس وضحكنه وركصنه..بقينه يومين والعرسان جانو رايحين شهر العسل..ابغداد..كلنه نرجع وياهم مدام السيارة بيهه مجال..وهم نسوي مفاجئه لماما..لان اشتاقينه الهه..وصلنا بغداد جانت الساعة ب ١٢بالليل العرسان راحو للفندق واحنه اخذنه تكسي رجعتنه للشقه..اني عندي نسخه من مفتاح الشقه مخليتهه بجنطتي..فتحت الباب بس مخليت احد يحس.. سمعنه صوت.. كلت لخواتي اسكتن لان ماما كاعدة خل انسويلهه مفاجئه.. كلتلهن اوكفن انتن هنا واني راح ادخللهه لغرفه نومهه...لزمت يدة الباب وفتحته شويه شويه.. باوعت.. انصدمت من المنضر.. معقوله... اني اعرف كل سوالف امي ويه الرياجيل بس هذا الرجال...لا..لا..ممعقوله.. مصدكت فتحت الباب على طوله حتى اتاكد..امي واستاذ باسم.. وبوضع مخزي وبدون هدوم.. ويمارسون العيب .. ياربي شنو هذا حلم ..كابوس.. وكعت اباب الغرفه واغمى عليه .....