Unicode
ဝါကျင့်ကျင့်အလင်းရောင်ရှိနေတဲ့
အခန်းငယ်ထဲ ပရိဘောဂအနည်းငယ်
သာ နေရာယူထားသည်။
စားစရာအနည်းငယ်ပြင်ဆင်ထားတဲ့
ထမင်းစားပွဲဝိုင်းပေါ်မှာ ကတ္တီပါလက်
စွပ်ဘူး အဖြူလေးတစ်ဘူးတင်ထား
၏။
ဝဏ္ဏက ကတ္တီပါဘူးအဖြူလေးထဲက
စိန်တစ်ပွင့်ပါတဲ့ လက်စွပ်လေးကို အဓိ
ပ္ပာယ်ပါပါပြုံးရင်း ကြည့်လိုက်သည်။
ခဏနေတော့ လက်စွပ်လေးကို ဘူးထဲကထုတ်လိုက်ပြီး မျက်နှာချင်းဆိုင်က
မ ရဲ့ လက်သွယ်သွယ်လေးပေါ်မှာဆင်
မြန်းပေးလိုက်သည်။
ထင်ထားတဲ့အတိုင်း..လက်စွပ်လေးက
မ နဲ့သိပ်ကို လိုက်ဖက်လွန်းသည်။
တော်သေးသည်က မ က ခါတိုင်းလို
မေးခွန်းပေါင်းစုံမေးမလာ..။
ထိုသို့မေးမလာသည်က ဝဏ္ဏအတွက်
စိတ်အေးရသည်ဟု ဆိုရမည်။
ဝဏ္ဏက ဒုစရိုက်သမား ဝရမ်းပြေးတစ်
ယောက်..။ဒီလက်စွပ်လေးကိုလည်း
မသမာသောနည်းဖြင့် အရယူခဲ့ခြင်းဖြစ်သည်မို့ မ သာအမေးစကားဆိုလာ
လျှင် ဝဏ္ဏမှာဖြေစရာမရှိ..။
ဒုန်း! ဒုန်း! ဒုန်း!
အခန်းတံခါးထုသံကို ကြားလိုက်ရတာမို့ ဝဏ္ဏတံခါးဝဆီ ခပ်တိုးတိုး ချဥ်းကပ်
သွားမိသည်။
တံခါးချပ်ပေါ်ရှိ ချောင်းကြည့်ပေါက်က
နေ ကြည့်ကြည့်လိုက်တော့ တံခါးရှေ့မှာ လူသုံးဦး..။
အတိအကျပြောရလျှင် ရဲဝန်ထမ်းဝတ်စုံပြည့်နှင့် လူသုံးဦး။
ဝဏ္ဏ တစ်ယောက် ပြာယာခတ်သွားရ
သည်။ငါ့ရဲ့နေရာကို ဘယ်လိုခြေရာခံ
မိသွားကြပါလိမ့်။
ထိုသုံးဦးထဲက တစ်ဦးက စကားဆိုလာ
၏။
"ကျွန်တော်တို့ ရဲဝန်ထမ်းတွေပါ..စစ်
ဆေးစရာလေးရှိလို့..တစ်ဆိတ်လောက် တံခါးဖွင့်ပေးပါဗျ"
ဝဏ္ဏတစ်ယောက် အခန်းငယ်ထဲ လှည့်
ပတ်ကြည့်လိုက်ရင်း ထွက်ပြေးလို့ရ
မည့် ထွက်ပေါက်တစ်ခုကို ရှာလိုက်
သည်။
YOU ARE READING
𝐇𝐨𝐫𝐫𝐨𝐫 𝐂𝐨𝐥𝐥𝐞𝐜𝐭𝐢𝐨𝐧𝐬 (𝐔𝐍/𝐙𝐆)
Horrorသည်းထိတ်ရင်ဖို တစ်ခန်းရပ်ဇာတ်လမ်းတို စုစည်းမှု (UN/ZG)
