𝐇𝐨𝐫𝐫𝐨𝐫 𝐂𝐨𝐥𝐥𝐞𝐜𝐭𝐢𝐨𝐧𝐬 (𝐔𝐍/𝐙𝐆)

Find me(The Beginning)

Unicode

ဆူညံပွတ်လောရိုက်နေတဲ့လူအုပ်ကြား
Rachel (ရေချယ်)ပါလာလိမ့်မလားဟု
ဆူဇန်တစ်ယောက် ရှာဖွေနေမိသည်။

သို့ပေမဲ့ သူမကိုယ်တိုင် ရေချယ်ဝင်ပုန်း
နေမှန်း သိသိရက်နဲ့ lockerတံခါးကို အပြင်ကနေ လော့ခတ်ခဲ့သည်မဟုတ်ပါ
လား။

သူမ တွေးထားတာက ရေချယ်သာ အော်ဟစ်အကူအညီတောင်းခဲ့လျှင် တစ်စုံတစ်ယောက်ကကြားပြီး ရေချယ့်ကို ကူညီပေးလိမ့်မည်ဟုပင်။

သို့သော် မီးလောင်နေတဲ့ ကျောင်းကြီးက နောက်ဆုံး မီးသတ်ကားတွေရဲ့အကူအညီကြောင့် မီးညွှန့်တွေသေလို့
ခပ်မည်းမည်း အပျက်အစီးများအဖြစ်သာ ကျန်ရစ်သည်အထိ ရေချယ်သည် ဆူဇန့်မျက်စိရှေ့ ရောက်မလာပေ။

လွန်ခဲ့တဲ့ တစ်နာရီခန့်ကို ပြန်သွားရလျှင်.....

ဒီကျောင်းကြီးက မိန်းကလေးသီးသန့်
အထက်တန်းကျောင်းတစ်ခု။

အပတ်စဥ်နေ့လည် နှစ်နာရီက ပန်းချီချိန်ဖြစ်သည်မို့ အားလုံးနီးပါးက ပန်းချီခန်းဆီ ဦးတည်နေကြသည်။

ပန်းချီခန်းထဲတွင် ဆေးနှင့် စုတ်တံ၊ခဲတံ
စသည်ကိရိယာ အစုံရှိသော်ငြား စာ
ရွက်နှင့် canvasများကိုတော့ ကျောင်း
သူတွေ ကိုယ်တိုင် ယူလာရမည်ဖြစ်
သည်။

ရေချယ်နဲ့ ဆူဇန်ကလဲ toiletကအပြန်တွင် ပန်းချီချိန်အတွက် လိုအပ်တဲ့
canvasများကို ဝင်ယူရန် စာသင်ခန်းဆီ ဦးတည်လို့လာနေသည်။

အစအနောက်လဲ သန်ပြီး ကစားမက်တဲ့
ရေချယ်က ဆူဇန့်ဆီ စကားဆို၏။

"ဆူဇန်..ငါ အရင်အတန်းထဲဝင်လိုက်
မယ်..ပန်းချီချိန် ဆရာမ မလာခင် နင်ငါ့
ကို တွေ့အောင်ရှာနိုင်ရင် ညနေအပြန်ကျ ငါ မုန့်ဝယ်ကျွေးမယ် နင်မရှာနိုင်ရင် နင်ငါ့ကို ဝယ်ကျွေးပေါ့..ဘယ်လိုလဲ"

ဆူဇန်က ပြုံးကာ ခေါင်းငြိမ့်လက်ခံခဲ့သည်။

.
.
.

"သမီး ဆူဇန်..ရေချယ်ရော? ရေချယ့်ကိုတွေ့မိသေးလား"

အခြေအနေတွေငြိမ်သက်စပြုလာတော့
မှ လူစစ်နေတဲ့ ဆရာမတွေက ရေချယ့်ကိုမတွေ့မိတာမို့ သူမနဲ့ အမြဲတတွဲတွဲနေလေ့ရှိတဲ့ ဆူဇန့်ဆီ အမေးဆိုလာကြသည်။