Unicode
ဒါက မင်းရဲ့ပုံပြင်ပါ။
ဒီဇာတ်လမ်းတိုထဲက ဇာတ်ကောင်ဟာ မင်းကိုယ်တိုင်ပဲမို့ တစ်ကြောင်းချင်းစီကို ပုံဖော်ကြည့်ပြီး ခပ်ဖြေးဖြေးဖတ်သွားဖို့ ပြောပါရစေ။
ဒါဆို စလိုက်ကြရအောင်!
.
.
တစ်ည။
မင်းက မင်းရဲ့အခင်ရဆုံးသူငယ်ချင်းတစ်ယောက်အိမ်မှာ ညအိပ်အလည်သွားဖြစ်ခဲ့တယ်။
အဲဒီညက မီးပျက်တယ်။ တစ်ညလုံးပဲ။ မင်းတို့နှစ်ယောက် ခေါင်းအုံးပေါ် ခေါင်းချမိတဲ့အချိန်က ၁၀နာရီခွဲဝန်းကျင်လောက်။
ခုတင်က ကျယ်တယ်။ မင်းတို့နှစ်ယောက်အတွက် လွတ်လွတ်လပ်လပ်အိပ်ဖို့ရာ လုံလောက်တယ်။
တစ်နေကုန်အပြင်ထွက်လည်ထားကြတော့ အိပ်ရာပေါ် ကျောချလိုက်ကတည်းက လူကမလှုပ်ချင်တော့ဘူး။ ဒီလိုနဲ့ နာရီဝက်နီးပါးလောက်ကြာတဲ့အချိန်အတောအတွင်းမှာ မင်းတို့နှစ်ယောက်လုံး လုံးဝအိပ်မောကျသွားကြတယ်ပေါ့။
ချက် ချက် ချက်...
အဲဒါ အခန်းအပြင်က တိုင်ကပ်နာရီသံ။
တိတ်ဆိတ်နေတဲ့ညဥ့်ယံကြီးက ပိန်းပိတ်နေတဲ့အမှောင်ထုနဲ့ သိပ်ကိုလိုက်ဖက်တယ်။ ဒါပေမဲ့လို့ အဲဒီလိုအချိန်မျိုးမှာတော့ ဘယ်သူကမှ အိပ်ရာကနေထပြီး လက်လျားလက်လျားလျှောက်သွားချင်ကြမယ်မထင်ဘူး။
ကံဆိုးချင်တော့...အဲဒီလိုအချိန်မျိုးမှာ မင်းကရုတ်တရက်နိုးလာတယ်။ မျက်လုံးဖွင့်လိုက်တော့ အခန်းတစ်ခုလုံးက မှောင်နေဆဲပဲ။ ဘေးဘက်ကနေ မင်းသူငယ်ချင်းရဲ့ အသက်ရှူသံမှန်မှန်ကို မင်းကြားနေရတယ်။
မင်းက မျက်လုံးကိုမှိတ်ပြီး ပြန်အိပ်ပျော်နိုင်ဖို့ကြိုးစားပေမဲ့ အလုပ်မဖြစ်ဘူး။ မအိပ်ခင် ရေအများကြီးသောက်လိုက်မိတဲ့အတွက် မင်းနောင်တတွေရလာတယ်။
မင်းရဲ့ဆီးအိမ်က အရမ်းတင်းနေပြီ။ လှုပ်လိုက်ရင်တောင် နေရခက်လာပြီ။ ဒါပေမဲ့ မင်းက အိပ်ရာပေါ်ကနေမထချင်ဘူး။ ဘာလို့မှန်းမသိ စိတ်ထဲမသိုးမသန့်ဖြစ်နေတယ်။ ဖြစ်ချင်တော့ ပြီးခဲ့တဲ့လက မင်းသူငယ်ချင်းရဲ့အိမ်မှာ နာရေးတစ်ခုဖြစ်ထားသေးတယ်။ ဆုံးသွားတာက မင်းသူငယ်ချင်းရဲ့အဒေါ်ပေါ့။ မင်းနဲ့သူမက နည်းနည်းတော့ ရင်းနှီးတယ်လေ။
ESTÁS LEYENDO
𝐇𝐨𝐫𝐫𝐨𝐫 𝐂𝐨𝐥𝐥𝐞𝐜𝐭𝐢𝐨𝐧𝐬 (𝐔𝐍/𝐙𝐆)
Terrorသည်းထိတ်ရင်ဖို တစ်ခန်းရပ်ဇာတ်လမ်းတို စုစည်းမှု (UN/ZG)
