مصطفي:اي ده فين يسرا...يسرااا.يسراا
(يترا البت المجنونه دي راحت فين هي متعرفش حاجه هنا ياااربي)
مصطفي قعد يكلم نفسه وهو على اعصابه ومتوتر وهيموت من الخوف عليها ياربي انا السبب انا اللى زعلتها مني يترا هتكون راحت فين وهي متعرفش حد هنا انا بحبها والله مكنتش عارف اني بموت فيها كده ومقدرش اعيش من غيرها)
مصطفي فاق لنفسه وقرر انه ينزل يدور عليها
(لف في كل الأماكن اللى جنب الفندق وسال الناس اللى شغاله في الفندق وبيرن عليها كل شويه وتليفونها مقفول مصطفي تعب وهو بيدور عليها ومصمم انه ميروحش الفندق غير لما يلاقيها )
قعد اكتر من تلات ساعات يلف ويدور عليها وبيبكي علشانها ويلوم نفسه على اللى حصل وقرر انه يرجع الفندق يشوفها رجعت ولا لا
مصطفي راح الفندق واكتشف انها لسه مجاتش قعد في الغرفه على الكرسي وماسك راسه بايده الاتنين من كتر الصداع اللى فيها وقال انه هيقعد ربع ساعه هنا يمكن تيجي وهو موجود احسن ما تيجي وهو بره)
___________________________
امام الشاطى بجانب الفندق:
يسرا: وهي ماشيه امام الشاطىء بالساعات رايحه جايه وتفكر في مستقبلها ومستقبل مصطفي وقاعده تفكر وهي بتبكي على كل حاجه حصلت منه
يسرا:اي ده الساعه كام يالهوي انا بقالى اربع ساعات واتاخرت.. هه تلاقيه لسه نايم ولا هامه ولا حتى فكر فيا اصلا اروح عنده اعمل اي يعني..
_____________
مصطفي في الفندق في الغرفه:
(لاااا كده كتير اوووي اقسم بالله لما تيجي يبقى ليها حساب تاني معايا ..بيتكلم وهو بيبكي..لا خلاص ياربي مش هزعل منها بس خليها ترجعلى بجد هموت من الخوف عليها
(مصطفي كان خايف عليها وحاسس ان جزء من قلبه راح)
________________________
يسرا وهي لسه واقفه عند الشاطئ:
يااارب بقى انا تعبت اوووي انا بحبه بس هو مبيحبنيش لي انا فيا حاجه ناقصه يعني هو اه قالى امبارح انه بيحبني بس وقتها كان متعصب وقالها بطريقه عفويه اكيد مكانش يقصد يقولها انا لازم اخليه يندم على اللى قالهولي ويتمني انه يخليني زوجة ليه مش بس مجرد اخت انا اي بس اللى خلاني اقوله اني بحبه يخربيت لساني اما ارجع الفندق احسن عشان اتاخرت
____________________________
روحت الغرفه بتاعتنا اللى في الفندق وبفتح الباب لسه لقيت مصطفي جري يشوف مين زي ما يكون كان مستنيني
يسرا:اي ده في اي بتجري لي
(مردش عليا واكتفى انه شدني عليه وبيحضني جامد وانا مش عارفه اتحرك لانه ماسكني جامد وقاعد يبكي )
يسرا:اي ده انت بتعيط لي فهمني
مصطفي بعد شويه عنها وهو بيمسح دموعه زي الطفل بالظبط
