سيف سلم على يسرا وقعدوا يهزروا مع بعض هما كمان ومصطفي واقف وحاسس بالغيرة وماسك نفسه
مصطفي:اي مش هندخل بقى وفين ماما ي سيف
سيف:جوه بتعمل الاكل ي اخويا
(دخلوا جوه البيت ويسرا ومصطفي سلموا على والدة مصطفي ودخلوا شنط السفر وقعدوا شويه مع سيف ومامته)
___________________
وهما قاعدين على السفره:
والدة مصطفي:انهارده احلى يوم في حيااتي تعرفوا لي
مصطفي:ربنا يجعل ايامك كلها سعاده يارب ي احلى أم في الدنيا.بس لي برضو انهارده احلى يوم 😂
والدة مصطفي: عشان ولادى اتجمعوا تاني وقعدنا مع بعض واتجمعنا زي اي عيله
سيف : متخافيش يماما مش هسافر تاني وهشتغل هنا في مصر وهفضل على قلبكم ومش هسيبكم
(سيف ده اخو مصطغي عنده 21سنه اصغر من مصطفي بست سنين واصغر من يسرا بسنه كان مسافر برا مصر وبيشتغل عشان يكون نفسه )
يسرا: خالتو هي ماما وبابا عاملين اي
والدة مصطفي:كويسين يحبيبتي بكره ان شاء الله ابقى روحي شوفيهم انتي ومصطفي
سيف:احم.وانا كمان جاي معاكم ههههه
مصطفي:انت طول عمرك هتفضل كده عاوز تخرج في اي مكان وخلاص
يسرا:طب واي المشكله ده سيف ده الانتيم بتاعي
فاكر يسيف لما كنا بنعمل مقالب في خالتو وماما ههههه ولما يكون فيه حاجه مضايقانا نقولها لبعض بجد الايام دي وحشاني اووي
سيف:متخافيش كل الايام الحلوه دي هتتعاد تاني
مصطفي:اي بقى مش هتبطلوا كلام شويه صدعتوني
والدة مصطفي:اتبسطي في شرم يحبيبتي
يسرا وهي بتبص لمصطفي :احم اها انبسط جدا يخالتو
مصطفي:ده من كتر ما كانت مبسوطه مش كانت عاوزه تيجي ههههه
يسرا:يكدااااب انا مش كنت عاوزه اجي
سيف:اي اي خلاص انتوا هتتعاركوا مع بعض ههههه
مصطفي:احنا حتى جيناا على ماما ومروحناش البيت على طول عشان يسرا كانت عاوزه تشوفك الاول عشان وحشاها
والدة مصطفي:يحبيبت قلبي انتي .انا اصلا كنت عارفه انكم جايين على البيت هنا عشان كده عملتلكم الاكل اللى بتحبوه
سيف:ده انا لما جيت من السفر مدلعتنيش زي ما دلعتكم كده هههههه
مصطفي:متقلقش ي اخويا بكره تدلعك وتنسانا احنا هههه
يسرا: انا كلت الحمد لله هقوم اغسل ايدي واظبط نفسي على ما تخلص اكل يمصطفي عشان نروح البيت
