فجأة حسيت بخنقه رهيبه او مش فجأة هي تقريبا بقت حالتي الطبيعيه كل يوم اي الجديد يعني... بقيت شخص فاقد الامل فكل حاجه شخص عايش حياته التقليدية كل يوم مفيش اي جديد مفيش اي حد يخلي الشخص دا يرجع ثقته بنفسه يرجعه امله ف الحيااه
فضلت عايشه علي هذا الحاال مستحمله نصيبي كدا مقدرش اعترض... اصل هعترض علي اي؟!! علي حكمه ربنا لا طبعا عايشه وبحمد ربنا علي كل شئ...
"(انا ندي 21 سنه ف اخر سنه ليا ف كليه تربيه رياضيه عايشه مع امي وابوياا وحيده بس الحمدلله عندي اصحابي ربنا عوضني بوجودهم جمبي وفضهري ومع بعض دايما علي الحلوه والمره "نادين" و "حنين")
انا ونادين اصحاب من واحناا اطفال ودايما سواا مهما بيحصل خلافات عمرها ما قصرت علي علاقتنا ببعض وفي فتره الاعدادي نادين اتعرفت علي حنين وبعدها عرفتني عليها من يومها واحنا اصحاب ف اي مكان سوا ف خروجات وكل حاجه …
_ماما انا نازله
=استني مش هتفطري عشاان تاخدي علاجك الاول
_لا لا مش جعانه وبعدين اتاخرت وحنين ونادين مستنين تحت هبقي افطر ف الكليه اي حاجه خفيفه
=طيب يحبيبتي خلي بالك من نفسك
_ماشي يحبيبتي.. بقولك انا هتأخر النهارده شويه هننزل بعد الكليه نشتري شويه حاجات انتي عارفه قرأيه فاتحه نادين بكراا
=ماشي يقلبي ابقي طمنيني عليكي وسلميلي عليها كتيير
_ماشي يحبيبتي سلاام
_________________________________
_اي يرجاله صباحكو زفتت ان شاءالله
حنين: نفسي ولو مره تصبحي علينا زي بقيت البني ادمين
_عيب يصحبي اللي بتقوله دا والله كداا غلط وبعدين يلا اليوم لسه طويل ومش عاوزين نتعب من اولها
و وصلنا الكليه كان عندنا محاضره حضرنها واول ما خلصنا خرجنا علي الكافيه
نادين: وحياه امكو يبناات اكلوني مش قادره جعانه
حنين: واناا والنبي همووت يجدعان
_والنبي هو انتو امته مبتبقوش جعانين
جابو اكل وقعدو ياكلو وخلصو..
نادين: يسطا انتي مكلتيش حاجه
_لا متشكرين يصحبي مش جعانه
نادين: طب اجبلك اي حاجه خفيفه بس عشان تاخدي العلاج اسمعي الكلام عشان خاطري
_صدقيني مش عاوزه والله لو هتجيبو بس حاجه تشربوها هاتولي قهوه
حنين: حاضر.. هو احنا عندنا محاضره التانيه امته
_كمان نص ساعه كدا وبعدين نمشي بقي
حنين: اشطا حلوو
جابت القهوه فضلت قاعده بشرب فيها ومبتكلمش او بمعني اصح مش قادره اتكلم اصلا فضلنا قاعدين لحد معاد المحاضره ولما جه الوقت قومنا حضرنا وخلاص خارجين
حنين: نادين احنا ننزل نجيب الطقم بقي الاول من المكان اللي قولتلك عليه وبعدين نروح نجيب الميكب وباقي الحاجات
نادين: تمام اي حاجه مش فارقه اي الاول كله هيتجاب
وفضلوا يتكلموا ويخططو وانا ماشيه معاهم مبفتحش بوقي وصلنا المحل كل واحده فينا فضلت تدور وتقيس وخلاص اشترينا الهدوم واحنا خارجين من المحل حسيت بدوخه فجأه مش قادره اقف ولا اتكلم فضلت ماسكه فيهم لحد ما فجأة محسيتش بنفسي غير وانا بقع منهم علي الارض فضلو يفوقوا فياا
نادين: ندي فوقي ..(بعياط) ندي قومي عشاان خاطري ... حد يجيب مايه
حنين: اهي فاقت خلاص اهدي هتقوم هتبقي كويسه
_بصوت طالع مني بالعافيه: متقلقوش انا تمم انا كويسه نادين متعيطيش انا كويسه يحبيبتي والله
قومت وفضلو مصممين يوادوني للدكتور ...
_يبنتي والله بقيت كويسه خلاص بقي
حنين: مفيش حاجه اسمها خلاص هنروح
مشيت معاهم لحد ما وصلنا للدكتور و دخلوا معايا
الدكتور: ندي انتي بتاخدي العلاج
_اها يدكتور
نادين: لا يدكتور لو بتاخده مره ف اليوم بقيت اليوم مبتاخدش والنهارده من الصبح بنتحايل عليها تاكل وتاخده مش راضيه
الدكتور: اللي انتي بتعمليه دا غلط كيماوي ومش راضيه علاج وبتاخديه بالعافيه انا اساسا مش عارف هماا ازاي اهلك وافقوكي علي كداا يبنتي اللي انتي بتعمليه دا غلط مينفعش كدا
_ دكتور صدقني مش فارقه بقي غلط او صحح المهم اني عارفه اني ف الحالتين ميته مش اول ولا اخر واحده ارجوكوا محدش يجبرني علي حاجه
ولما ببصلهم لقيتهم عينهم بدأت تتدمع حتي الدكتور ومعدش حد لاقي كلام يقولهولي "(اهاا انا مريضه كانسر وعايشه عادي الحمدلله وراضيه بقضاء ربناا ومن ساعه ما عرفت مرضي و رافضه اي حد يعرف حاجه مش عشاان حاجه بس مش هقبل اشوف نظره شفقه ف عيون حد النظره دي هتوجعني اكتر من وجع تعبي نفسه)"
الدكتور: ندي ممكن قبل ما تمشي طلب ... عشاان خاطر اهلك واصحابك دول فكري تاني وتالت واول ما تخرجي دلوقتي تاكلي وتاخدي علاجك تمم
_حاضر يدكتور
خرجنا من عند الدكتور ودخلنا مطعم اكلوني طبعا بالعافيه وخدت العلاج وطلبت قهوه
نادين: ندي قهوه تااني
_اها ينادين قهوه تااني
حنين: ندي يحبيبتي والنبي بلاش توجعي .....
قطعت كلامها _قولتلكو كذا مره مش عايزه اتكلم فحاجه وانا كويسه ومرتاحه كدا
نادين: بس احنا مش كويسين واحنا شايفينك كدا
_مالي كداا انا زي الفل اهوو تمم نقفل بقي الموضوع دا وخلينا ف فرحتناا هشرب القهوه وننزل نكمل بقيت الحاجه
حنين: حاجه اي انتي هتروحي دلوقتي ومعدش غير حاجات بسيطه هنجبها احنا
_بقولك اي انتي وهي كلام كتيير مش عاوزه مش هروح انا خلاص اسكتو بقي
نادين: طيب يندي خلاص يحبيبتي
وخلصت القهوه ومشينا فضلنا نكمل لف ونجيب اللي نقصنا كله كنت احسن من الاول بكتيير منكرش اني ببقي احسن لما باخد العلاج ب انتظام بس مبحبش احس اني انسانه مريضه وماشيه بعلاج مبحبش اشوف نفسي ضعيفه .... خلاص كنا خلصنا كل حاجه و وصلنا عند البيت بيتنا جمب بعض واتفقنا نبقي نروح نقعد بليل عند نادين وطلعت لسه بفتح باب الشقه سمعت صوت امي بتعيط واول ما دخلت جرت عليا وحضنتني عرفت ان الدكتور اللي كلمها حاولت اهدي فيها علي قد ما اقدر
=يبنتي يبنتي عشاان خاطرنا متوجعيش قلبنا عليكي اكترر من كداا احنا مش عايزين حاجه غير مصلحتك مش عايزين غير انك تبقي وسطينا ملناش غيرك عشاان خاطر امك اسمعي كلام الدكتور و نروح ناخد الكيماوي
_يحبيبتي عشاان خاطري انا بطلي تعيطي ومتقلقيش عليا انا والله كويسه اهو خلاص بقي هدخل انام بقي شويه
=ماشي يقلبي
دخلت فضلت قاعده افكر ف شكلها وانا شايفها كل يوم كدا نفسي اقولها مفيش حاجه ي امي هتمنع دا ... دي الحقيقه واكيد هتحصل .... ونمت فعلا والساعه بقت حوالي 8 والفون عمال يرن وماما سمعته من براا
=ندي قومي يحبيبتي نادين عماله ترن عليكي من زمان ... يندي ندي قومي مبترديش عليا ليه ندي ردي عليا ندي قومي
فضلت قاعده جمبي علي كدا وبتعط لحد ما بابا سمع صوت عيطها ودخل شافها كدا اتخض فضل يحاول يصحي فياا وفجأه امي بصويت محمددددد الحق
؟؟؟!
#البارت_الاول
#الاوزعه🖤
أنت تقرأ
بدايه أمل (الاوزعه)
General Fictionاول شرودي كان اشعه وتحاليل مين ابتدى دكتور بيسال كلمتين واصحاب ولمه اهل وهما موجوعين ودموع كتير بتجرى وهما حيرانين وكانى تايهه بين عيون الموجودين فقدت الامل فى علاج كيماوى وحقنتين كرهت عيشتى وكنت موصر اعيش وحيد ابعد صحابى ولمه حلوه فى الوريد مش بفك...
