احمد: ممكن انتي تسمعيني للاخر لاول مره اقف قصاد واحده واقولها بحبك لاول مره احس ب الاحساس اللي حسيته نحيتك شدتيني ليكي بطريقتك وبضحكتك وب كل حاجه رغم طريقتك الدبش واسلوبك ف الكلام معايا الا بردو فضلت بحبك ومتمسك بوجودك... اول ما شوفتك بعد ما روحنا فضلت اسأل اسلام عليكي كل شويه كنت بسأله عليكي كل يوم كنت بجي الكليه عشانك ولما بعرف انكوا بتخططو تخرجوا كنت بخرج معاكوا رغم اني مليش ف الخروج قد كدا بس عملت كل حاجه عشانك اخر مره خرجنا فيها يوم الخطوبه اتكلمت مع اسلام قولتله يتكلم معاكي واتفقت معاه لو وافقتي هنرجع سواا لاهلك واطلب ايدك منهم اتصدمت لما لقيته بيقولي انك موافقتيش اول مره احس بكسر القلب واول مره احس بوجعه كان نفسي افهم ليه...ليه رافضتي اسلام مكنش راضي يتكلم كل كلامه مش مقنع رغم كدا ميأستش وقولت هحاول تاني... مفيش ساعتين وعرفنا انك ف المستشفى جريت وانا مش عارف ومش فاهم حاجه جريت وانا قلبي بيتقطع من خوفي عليكي لما وصلت وفهمت عرفت لي انتي عملتي كدا فهمت من كلام نادين اللي انتي قولتيه وبعد ماخرجتي فضلت مستني اشوفك عاوز اتكلم معاكي كل يوم كنت بجي وبسأل عليكي يقولولي مجتش حاولت اكلمك لقيتك قافله الفون مصدقت اني شوفتك انهارده....مش عايز اشوف دموعك دي صدقيني انا فعلا بحبك... بحبك ومستعد اعمل اي حاجه عشاان تبقي معايا تبقي ليا انا وبس
_احمد بالله عليك بلاش الكلام دا كله ملوش لازمه صدقني انا مش هقدر.. مش هقدر اكمل فحاجه انا عارفه نهايتها لو بتحبني فعلا افهمني محدش عارف يفهمني ابدا بلاش انت تبقي زيهم.. انت اي حد غيري يتمناك انا مينفعش..(بعياط) مينفعش اوافق علي كلامك واظلمك معايا.. انت لو اتكلمت مع اسلام فعلا وسالته علي اي حاجه تخصني هتلاقي رده نفس كلامي هتلاقيه بيقولك اني رافضه كل حاجه فحياتي هيقولك اني ببعد اصحابي عني بحاول اكرهم فيا... عاوزه افضل لوحدي مش عاوزه حد جمبي بالله عليكم مش عاوزه حد جمبي مش عاوزه يجي اليوم اللي يحصلي فيه حاجه وحد منكم جمبي عشان مكسرش قلب حد بعدي كفايه اهلي.. احمد انساني اعتبر نفسك مشوفتنيش
احمد: مقدرش اعمل حاجه من اللي بتقوليها دي وانتي مش هيحصلك حاجه انتي هتفضلي جمبي وهنعيش سواا ونفرح زينا زي اي حد
(بزعيق وعياط)_احنااا مش زي اي حددد بالله عليك كفايه.. كفايه وجع قلب اكتر من كدا صدقني مش هتسحمل اي حاجه تاني كفايه متضغطش عليا اكتر من كدا.. بالله عليك مش هقدر استحمل اي وجع تاني ابعد عني وانساني سبني لوحدي مش عايزه حد جمبي سبووووني بقي
سبته واقف وطلعت اجري وانا بعيط خبط ف حنين محستش بنفسي غير وانا بحضنها ومستمره ف العياط خدتني و قعدنا ف جمب وبدأت اهدي شويه فضلت تتكلم وتسألني في اي وانا مش معاها مش قادره اتكلم معاها فضلت ساكته وف الاخر قولتلها اني همشي
حنين: تمشي اي يحبيبتي طب استني شويه وهنقوم اساسا كلنا
_مش هستني شويه انا همشي انا سبيني عاوزه اتمشي لوحدي شويه
حنين: ندي اسمع...
_حنين سبيني عشان خاطري
أنت تقرأ
بدايه أمل (الاوزعه)
General Fictionاول شرودي كان اشعه وتحاليل مين ابتدى دكتور بيسال كلمتين واصحاب ولمه اهل وهما موجوعين ودموع كتير بتجرى وهما حيرانين وكانى تايهه بين عيون الموجودين فقدت الامل فى علاج كيماوى وحقنتين كرهت عيشتى وكنت موصر اعيش وحيد ابعد صحابى ولمه حلوه فى الوريد مش بفك...
