بدايه أمل (الاوزعه)

Part 2

فضلت قاعده جمبي علي كدا وبتعط لحد ما بابا سمع صوت عيطها ودخل شافها كدا اتخض فضل يحاول يصحي فياا وفجأه امي بصويت محمددددد الحق
بص لقي نزيف ودم كتيير نازل ومغرق وشي والمخده ومن غير تفكير شالني وخادوني المستشفى للدكتور "عمر"
دخل الدكتور و وقف النزيف وعلق محلول وخرج
=اي يبني هي كويسه اي اللي حصل دا
عمر: اهداا يعمي متقلقش هي هبقي كويسه دلوقتي علقتلها محلول دلوقتي وسبوها تهدي واللي حصل دا طبيعي ندي عندها كانسر ف الدم طبيعي دا يحصل انا بتمني تقنعوها توافق تاخد الكيماوي صدقوني هيفرق كتيير معاها حالتها مش متأخره وكل ما نبقي اسرع يبقي احسن بقالنا كام شهر اهو ع كدا هنستني لحد ما حالتها تسوء
=هنعمل اي بس يبني والله انا تعبت ومعتش عارفه اعمل حاجه ولا عاد ب ايدي حاجه
عمر: هنحاول معاها تاني يطنط مره واتنين وعشره لحد ما توافق ندي مش مجرد مريضتي او كدا انتو عارفين كويس انها اختي اللي كبيرنا واتربينا سواا وانا زي زيكو مش هقدر اشوف فيها حاجه
_____________________________________
ف نفس الوقت نادين فضلت ترن كتيير ومحدش بيرد نهائي اخر ما زهقت وكانت قلقانه جداا راحتلها هي وحنين  فضلت تخبط محدش بيفتح خوفها وقلقها زااد رنت علي ابو ندي
نادين: الوو اي يعموو انتو فين انا عماله بخبط محدش بيفتح
=احنا يبنتي ف المستشفى ندي تعبت فجأة
نادين: بعيااط شديد مره واحده ... مستشفى!!!  ندي كويسه يعمو رد عليا هي كويسه والنبي طب انتو فين انا جايلكو
قالها المكان وف خلال ربع ساعه كانوا عندهم وقفو من بعيد شافوا امي ب الشكل اللي كانت فيه خافت وعياطها زااد مكنتش قادره تتحرك حنين فضلت تمشيها بالعافيه وتهدي فيها رغم عياطها هي كمان واول ما نادين راحتلها حضنتها جامد وفضلت تعيط
نادين: طنط والنبي قوليلي انها كويسه قوليلي ان محصلهاش حاجه ندي فين انا عاوزه اشوفها
=متقلقيش الدكتور قال كويسه متقلقيش ندي عارفه اننا بنحبها عمرها ما هتسبناا كدا مش هتخينا نزعل عليها هي بس بتتدلع علينا انا عارفه
وفضلت حضنها وبيعيطوا وبعدها دخلت الاوضه هي وحنين
حنين: ندي حبيبتي قومي عشاان خاطري متسبيناش كدا متوجعيش قلبنا وقلب امك عليكي ندي احنا ملناش غيرك يندي انتي عارفه انتي اي بالنسبالنا وحياه غلوتنا عندك لتقومي متسبيناش قلبنا مكسور عليكي قومي عشاان نكمل فرحتنا سواا يلا احنا كنا مستنين اليوم اللي نفرح ب نادين فيه والنبي قومي متسبينااش كدااا
نادين من ساعه ما دخلت متكلمتش فضلت ماسكه ف ايدي وعياطهم كلهم بدأت احس بيه واحده واحده بدأت افتح عيني  ....  فتحت علي وجودهم جمبي وعياطهم فضلت ببص ليهم مش قادره اتكلم الضحكه كانت ف وشهم اول ما شافوني فوقت فضلوا يتكلمواا مش حاسه بحاجه مش عارفه اي اللي حصل انا كنت نايمه ف سريري صحيت ف مستشفى وصوت عياطهم فضلت وقت لحد ما فوقت قدرت اتكلم وبدأو يحكولي اي اللي حصل ولقيت عمر داخل
عمر: اي يبتت انتي بقي كل شويه تخضينا كدا
_معلش بقي يعم تعبينك معانا بكرا تستريح مني
عمر: بس يهبله انتي بعد الشر عليكي ... انتي اختي وبعدين بقي مين هيقرفني ويطلع عيني غيرك يعني
بضحكه _والله انت اللي بتجيبه لنفسك استحمل بقي
عمر: مسك ايدي يحبيبتي انا اقدر استحمل اي حاجه الا اني اشوف فيكي حاجه وانا واقف عاجز مش قادر اعمل اي حاجه
_طيب طيب كفايه عليك بقي يلا يلا شوف وراك اي
عمر: طيب يستي حاضر  ... لو عوزتوا حاجه يعمي ابعتلي الممرضه بعد اذنكم
نادين: روحي يطنط انتي انا هبات معاها وتعالي حضرتك الصبح ومعاكي هدوم ليها عشاان عمر قال هتخرج...
=.....
نادين: لا لا من غير ما تتكلمي روحي انتي بس
=طيب يبنتي خلي بالكو منها
____________________________________
تاني يوم الصبح صحيت لقيت كل واحده نايمه ع كرسي جمبي صعبو عليا والله واول ما حاسو اني صحيت فاقوا
_اي يشباب صباحكو خرا ع دماغكو
فضلوا يضحكوا نادين: يبنتي حتي وانتي نايمه ف المستشفى ارحمينا بقي... بس مش مهم طول ما انتي كداا انا مطمنه انك كويسه
_ايوا يبتت كويسه طبعا  ... يلاا بقي طلعوني من هنا عاوزين نروح نفرفش ونجهز بقي انتي ناسيه ان حضرتك عروسه ولا اي
نادين: لا عروسه اي وانتي تعبانه انا كلمت "اسلام" وقولتلو انك تعبانه ونأجل قرأيه الفاتحه
_تأجلي اي يعنيااا مين اللي قالك اني تعبانه بتت بتت هاتي الفون دا كدا … الوو اي يبشاا
اسلام: ندي عامله اي انتي كويسه
_عامله محشي يسولم انت اتهبلت يسطا عشاان تسمع كلامها انتو علي اتفاقتوا وقرأيه الفاتحه انهارده ومفيش تأجيل مفهوم
اسلام: يبنتي انتي تعبانه مفيش مشكله نأجلها
_انا قولت اللي عندي مفيش تأجيل هنستناك انت واهلك فمعادك يلا يلا سلام
حنين: ايوا كداا جدعه عشاان قولتلها ندي مش هتوافق علي اللي انتي بتعمليه دا مسمعتش كلامي
نادين: يندي اسمعي كلامي بس مفيش مشكله لو اتاجل ل يوم تاني مش هيحصل حاجه
_نادين مسمعش كلام تاني ف الموضوع دا خلاص
عمر: الاستاذه اللي تعبانا معاها
_عمور حبيبي يسطا تعال
عمر: عامله ايه يحبيبتي
_الحمد لله زي الفل اهوو
عمر: ماشي يستي انا بعت الممرضه تجبلك اكل وخدي العلاج
_طيب حاضر وهنخلص وهخرج مش هقعد هنا تاني اليوم لسه طويل اشطا
عمر: طيب ماشي بس من غير مجهود وكدا
_حاضر يعم طيب المهم اخرج
مشي وجت الممرضه جابت الاكل وفطرت وخدت العلاج وخلصت كانت امي جت وجابتلي هدوم معاها...