بدايه أمل (الاوزعه)

Part 3

_اي يسولم مالي يعم انت وهي ما انا زي الفل اهو
وتلقائيا لقيت نفسي ببص علي احمد واتفاجأت بيه بيبص عليا هو كمان فضلنا علي كدا شويه لحد ما بدأت الاحظ الكل بيبص علينا وخدو بالهم من نظرتنا فوتوا كذا مره وببص لقيهم مركزين عليا وعلي احمد قوي (نادين و اسلام و حنين و محمد و كريم و ميرنا و جودي)
اسلام: ايوا وبعدين يعني اخرتها اي
احمد: اي يعريس ف اي
اسلام: لا يخوياا ولا حاجه لينا بيت نتفاهم فيه مع بعض يحبيبي
___________________________________________
(محمد و كريم و ميرنا و جودي) من شلتنا ف الكليه
اول ما دخلنا الكليه مكناش نعرف حد كنت انا ونادين وحنين بس بنروح ونيجي مع بعض ومع الايام اتعرفنا علي ميرنا و جودي هما الاتنين زينا اصحاب من زمان و دخلوا الكليه ميعرفوش حد بدأنا نقرب منهم وبقينا اصحاب جدا وكانت دايما جودي بتقف مع محمد في الكليه واحيانا بيروحوا سوا لانهم ولاد عم ومخطوبين وعرفتنا عليه وبقي يتكلم معانا وكانوا كريم واسلام البيست بتوعه ومع الايام اتعرفنا عليهم وبقينا بنقعد كلنا مع بعض دايما وبنحضر المحاضرات سواا انا واسلام اندمجنا جدا مع بعض كان نفس دماغي كان هو اقرب لينا من كريم ومحمد .... من قبل ما نتعرف عليهم كان اسلام دايما بيشوف نادين حبها ولما قرب مننا وبقينا اصحاب حاول كتيير يلمح ليها بس كانت بتتجاهل كلامه رغم انها فاهمه هو يقصد اي فضل علي كدا كتيير اوي ف كل مره بنقعد في الكافيه وفي كل مره بنخرج فيها وكان اتكلم معايا وحكالي بس طلب مني مجبلهاش سيره مكنش عاوزها تحبه عشان انا كلمتها عنه ولحد ما جاله احباط بقي من الموضوع دا وخلاص فقد الامل لما نادين لاحظت سألتني ف مره مش ملاحظه ان اسلام معدش بيتكلم ولا بيلمح لاي حاجه زي الاول وسألتها بفضول وانتي فعلا يهمك انه يتكلم او لا وساعتها وجهتني و وجهت نفسها ب الحقيقه اللي كانت مش عايزه توضحها وهي بتتكلم اسلام كان جاي علينا من وراها غمزتله انه ميتكلمش من غير هي متاخد بالها وسمع كل اللي قالته و واجها واتكلموا كل دا حصل علي مدار اولي وتانيه والحمد لله حاليا بفرح بيهم فرحتي ب اخواتي
___________________________________________
وفضلنا قاعدين نضحك ونهزر والدنيا كانت حلوه بشكل ميتوصفش وقالوا الخطوبه بعد اسبوعين
جودي: حلو اووي اسبوعين والاسبوع التالت فرحي الشله بتفرح يولاد
_حبايب قلبي فرحتكو كلكو ورا بعض يلا عقبال بقيتكم بقي خليني اخلص منكو كلكو
اسلام: اي يسطا وعقبالك انتي كمان عاوزين نفرح بيكي بردو
_لا يسولم ملكش دعوه بياا انا كدا زي الفل
محمد: يلا يجودي هنروح انا وانتي وكريم وميرنا سواا

وسلموا علينا ومشيوا
_كرميلااا
=قلب كرميلا
_اكليني هفتانه وعلي لحم باطني من الصبح
=عينا يحبيبتي حالا روحي اقعدي معاهم انتي وهجبلك اللي عاوزاه
نادين: حنون ملاحظتيش حاجه كدا حصلت واحنا قاعدين....
بتتكلم وبتبصلي وبعدها غمزت لحنين
حنين: اهاا طبعا خدت بالي ف حد مننا مخدش باله
_بتت انتي وهي بلاش جو التلقيح داا قولوا اللي عاوزينه ف وشي
نادين: طب قوليلنا حصل اي مع احمد مخليكوا كل شويه تبصوا لبعض كدا
_اولا كداا الدماغ اللي عاوزه الولعه بتاعتكو دي تبطلوا تفكروا بيها وثانيا محصلش حاجه لما حسيت بهبوط شويه طلع..
نادين قطعت كلامي: لا ثانيه واحده حسيتي بهبوط  وتعبتي وخرجتي من غير ما تقولي حاجه
_اها ي نادين وياريت تقعدي وتهدي كدا ربنا يهديكي يحبيبتي حسيت بشويه هبوط حنين جابتلي العلاج خدته وبقيت كويسه..نرجع بقي لسؤالكم اول ما خرجت برا كان احمد واقف وشافني بالشكل اللي كنتي فيه هو او اي حد مكانه كان هيسأل انتي كويسه محتاجه حاجه كدا وكان كل شويه يبص عشان قولتله ميجبش سيره ليكو ودا اللي حصل بس مش اكترر!! وياريت تقفلوا ع المواضيع دي احسن تمم
كرميلاا جابتلي اكل_ حبيبتي يكرميلا يخليكي ليا وتسلم ايدك ع الاكل القمرر دا
=حبيبت قلبي الف هنا يروحي
حنين: شايفاكي مشاء الله بتاكلي ونفسك مفتوحه دا احنا كنا بنتحايل عليكي تاكلي
_استغفر الله العظيم انتو لا عجبكو كدا ولا عجبكو كدا
نادين: لا يحبيبتي كلي زي ما انتي عاوزه عجبنا طبعا
_ايوا ايوا مهو واضح
كلت وفضلنا قاعدين مع بعض شويه وبعدين نزلنا انا وحنين كل واحده راحت علي بيتها دخلت البيت
=حبيبتي احطلك تاكلي
_لا يحبيبتي الف هنا كلت وانا فوق
=ماشي خشي بقي غيري ونامي
وبالفعل نمت محستش بنفسي غير والفون نازل رن رن لقيت نادين اللي بترن كنسلت عليها وقومت لقيتها رنت تاني فرديت
_اي يبنتي صحيت خلاص وربنا
نادين: طيب يستي براحه علينا بتأكد بس وعشان اقولك تنجزي اسلام هيجي يخدنا بعربيه اخوه
_لا بقولك اي اسلام عاوز يجي ياخدنا ميسربعناش براحتي بقي لحد ما اخلص
نادين: طيب يختي يلا بس فوقي كدا وياريت متناميش تاني
_حاضر يستي
قومت وفوقت ولبست وخلصت ونزلت لقيت حنين واقفه لواحدها
_اي يسطا امال فين نادين
حنين: صباحك فل يصحبي..نادين نازله اهي نسيت حاجه وطلعت تجبها
واحنا واقفين فجأة لاقينا عربيه وقفت قدمنا شوفت اسلام فيها وخلاص عادي بكلمه واناا ببص ف العربيه لقيت احمد اخوه معاه استغربت جدا احمد دا عمرنا ما شوفنا من يوم ما عرفنا اسلام كنا نسمع عنه من كلام اسلام غربيه انه جاي معاه المهم نزلت نادين وركبنا فضلنا نتكلم شويه لحد ما وصلنا الكليه نزلنا واحمد مشي و روحنا قعدنا ف الكافيه وطلبنا اكل نفطر وكدا واحنا قاعدين مستنين الاكل
نادين: خير يعني ي اسلام احمد اخوك اول مره يعني يظهر دا انت من كتر ما بتتكلم عنه كنا عاوزين نشوفه بس كان دايما مشغول ومبعرفش يوصلك وكدا خيرر
اسلام: والله يحبيبتي انا كمان مستغرب بس الظاهر كدا علي حسب ما فهمت من اسأله بليل ان في حد واكل عقله شويه
حنين: طب والحد دا اي علاقته بيناا
نادين: لو تشغلي مخك دا مره واحده بس هتعرفي مين الحد دا
حنين: اهااااا صح تصدقي عرفت
اسلام: يندي اي يبت انتي فين مش معانا ليه
_لا معاكوا بس سيباكوا لحد ما تجيبوا قراره وتبطلوا نم ع اخوك والحد اللي واكل عقله
اسلام: لا مهو احنا مش محتاجين نجيب قراره لاننا نعرفه كويس اووي
نادين: سيبك منها وقولي اسأله اي اللي سألك عليها
اسلام: والله قعد يجر كلام ويسألني علي الشله وعرفنا بعض كلنا ازاي وكدا وبعدها الكلام كلو بقي عن ندي و...
_نعم!!!! ندي مين؟؟؟ وليه عني يعني؟؟!
اسلام: ندي انتي هيكون احنا نعرف ندي غيرك
نادين: طب احكي احكي اللي حصل كلو بظبط
اسلام: فضل يسأل عنك عادي وعن شخصيتك وعرفتك ازاي بردو سأل عن حاجات كتيير وفجأة لقيته سألني هي تعبانه ولا اي وحكالي الموقف اللي حصل لما حضرتك تعبتي وخرجتي برا ساعتها معرفش ارد عليه وقولتله لا هي كويسه تلاقيها هبطت بس شويه من وقفتها مع نادين طول اليوم وبس يعني دا اللي حصل بس
قضينا اليوم وخلصنا محاضرتنا ومروحين فضلنا واقفين كلنا مع بعض شويه وبعدين اسلام فونه رن فضل يتكلم وبعد ما خلص
قالنا: دا احمد اخويا بيقولي اكلم اهل نادين واطلب منهم نخرج كلنا سواا النهارده نغير جو ومنها نحتفل وكدا
نادين: غريبه يعني اخوك مكنش له في جو الخروج دا علي حسب كلامك
‏اسلام: هو دا اللي مستغربله بس تمم اشطا يعني مفيش مشكله نرن عليهم ونستأذن منهم ونخرج

رن عليهم وفضل يقنع فيهم شويه وفي الاخر وافقوا وكلنا كلمنا اهلنا وعرفناهم بردو... وصلنا المكان اللي وصفه احمد واللي كان بتاع صاحبه وكان موجود هناك قاعدنا وبندأنا نتكلم ونهزر كعادتنا لما بنتجمع مع بعض وفضلنا علي كدا طول الوقت اليوم كان حلو جدا حلو لدرجه مكناش عاوزين نمشي....كل واحد روح علي بيته وصلت البيت فضلت قاعده فتره طويله مش عارفه انام عملت القهوه ودخلت قعدت في البلكونه وانا باصه وبتأمل ف السما القعده المفضله لياا

عدت الايام كالعاده بنروح الكليه ونروح ويومنا زي ما هو بس اللي كنت مسغربه له وجود احمد بينا طول الوقت غريبه عمرنا ما كنا بنشوفه رغم ان اسلام كان بيطلب منه كتيير انه يخرج معانا وكدا وكان بيرفض عدا الاسبوعين وجه يوم الخطوبه اليوم اللي كنا مستنينه كلنا.... كنا بنجهز الايام الاخيره للفساتين وتحضيرات اليوم كله مكانتش متعبه لان الخطوبه كانت عائليه بينا لان نادين مردتش تعمل خطوبه كبيره وكدا وقالت تبقي بينا كدا وبعدين نخرج وبالفعل اليوم كان بسيط وحلو جداا بدأنا نجهز اللي ورانا ونساعدهم في البيت ف كل حاجه وجه العريس واهله وقاعدوا ولبسوا الشبكه وفرحنا وهيصناا كلنا قعدنا شويه وخرجنا فضلنا نلف ب العربيات شويه وروحنا عملنا سيشن كلنا وبعدين قعدنا في المكان اللي خرجنا و روحنا فيه قبل كدا
احمد: مبروك يعريس اخيراا فرحنا
اسلام: الله يبارك فيك يحبيبي عقبال فرحتي بيك يعم
_نادين الف مبروك يروحي ربنا يخليكوا لبعض وعقبال الفرحه الكبيره بقي ان شاءالله... واد ي اسلام خلي بالك منها يسطا هزعلك لو جت يوم ولقيتها زعلانه
اسلام: دي ف عنيا وبعدين يبشاا احنا مش قد زعلك انا اقدر بردو.... وبعدين قومي كدا نقف برا عاوزك في كلمتين
_خير يارب عايز اي... سولم انت مبجيش من وراك غير المصايب فبلاش
اسلام: قومي يبت احنا هنهزر
_خلاص يعم طيب(خرجنا وقفنا برا كنت حاسه ان كلامه جد شويه).. اهو خرجنا خيرر
اسلام: قبل اي حاجه تسمعيني للاخر ومتقطعيش كلامي
_طيب يبني متقلقنيش اتكلم
اسلام: ندي احمد حبك من اول مره شافك فيها ولما اتكلم معايا وسالني عنك مقولتلكيش كل حاجه واتكلم معايا كتير عشاان يكلمك انا اللي كنت بمنعه كنت برفض اخليه يفتح الموضوع عشان عارف ردك بس صديقني بيحبك وعاوز يجي يخطبك مش هقولك كلام وكدا لان هو مش من طبعه كدا اول نا قالي انه عاوزك قال انه هيجي ويتقدم ع طول بس قبل ما يجي يكون واثق انك هتوافقي في كل مره كنت بمنعه كان بيسألني ليه لا؟؟ واي السبب؟ مكنتش بعرف ارد عليه بس عاوزك تدي لنفسك فرصه تعيشي حياتك....

_خلصت؟؟! ... اسلام انت عارف اني قافله الموضوع دا واحمد علي دماغي واي واحده تتمناه بس انا لا...اسلام انت عارف اللي فيها وبعدين يعني اي ادي لنفسي فرصه اعيش حياتي... حياتي انا عيشها اهو وعارفه نهيتها يبقي ليه اوافق واقبل شخص وانا عارفه حياتي مكملها ازاي...ادخل حد فحياتي واعيشه ف الحياه اللي بين المستشفيات والعيادات والادويه ليه وعشان اي.... ممكن الموضوع دا يتقفل عشاان خاطري بلاش نتكلم فيه تاني تمم
؟؟؟؟

#البارت_الثالث
#الاوزعه🖤