_خلصت؟؟! ... اسلام انت عارف اني قافله الموضوع دا واحمد علي دماغي واي واحده تتمناه بس انا لا...اسلام انت عارف اللي فيها وبعدين يعني اي ادي لنفسي فرصه اعيش حياتي... حياتي انا عيشها اهو وعارفه نهيتها يبقي ليه اوافق واقبل شخص وانا عارفه حياتي مكملها ازاي...ادخل شخص فحياتي واعيشه ف الحياه اللي بين المستشفيات والعيادات والادويه ليه وعشان اي.... ممكن الموضوع دا يتقفل عشاان خاطري بلاش نتكلم فيه تاني تمم..
اسلام: تمم يندي اللي انتي عايزاه بس فكري تاني وخرجي نفسك من الوهم اللي انتي عايشه فيه...
_اسلام خلاص بقي ربنا يسهل يلا ندخل
دخلنا وفضلت قاعده سرحانه طول الوقت خدوا بالهم بسألوا بقولهم عادي مفيش حاجه وانا معاكوا اهو وبرجع تاني اسرح وشويه وقاموا نادين واسلام و وقفوا يتكلموا مع بعض بعيد عننا فهمت انه بيحكلها احنا اتكلمنا في اي بعد ما خلصوا بيقيت بتجاهل الكلام معاها مش عايزه اسمع منها كلمه وخصوصا اني عارفه كلامها هيكون اي شويه وقومنا وصلونا عند البيت نزلنا انا وحنين ونادين
نادين: حنين تعالي هنطلع عند ندي شويه وننزل
حنين: هنطلع نعمل اي يبنتي لو في حاجه بكرا نبقي نتكلم
نادين: لا يلا هنطلع دلوقتي
_اطلعوا بس في اي اشمعنا يعني
نادين: نطلع ونقعد كدا وبعدين نتكلم
طلعنا سلموا علي ماما وبابا ودخلوا اوضتي قعدنا
_نادين ياريت لو هتتكلمي ف اللي اتكلم فيه اسلام يبقي بلاش احسن
نادين: طب والله كويس انك عارفه انا عاوزه اتكلم في اي...(بعصبيه) ممكن تقوليلي موافقتيش ليه في اي يبنتي انتي هتفضلي رافضه كل حاجه كدا ليه ولحد امته
غصب عني انفعلت رديت عليها وانا بعيط وبزعق: موافقتش ومش هوافق ينادين...موافقتش عشان عارفه اني كام شهر ومش هبقي موجوده بينكم.... موافقتش عشان مش هقبل ادخل شخص فحياتي واعلقه بيا وابعد ومبقاش موجوده.... مش هوافق اني اظلم حد معايا... انتو اي بقي محدش حاسس بيا ولا حد حاسس بحاجه مش هوافق اعمل حاجه مش عاوزاها انا... ابعدوا عني بقي وسيبوني ابعدوا مش عاوزه اتكلم مع حد...عمركوا ما هتفهموني ولا هتفهموا انا عايشه اي وبحس ب اي ف كل مره بشوف نظره شفقه فعين حد... مش هتفهموا الوجع اللي بحسه وانا شايفه اهلي بيدارو حزنهم عشاني....مش هتفهموا الوجع اللي بحس بيه كل يوم وكل ليله ومش ببين لحد..... هتفهموا اي ولا اي بظبط ابعدوا عني مش معايا مش عايزه حد فحياتي مش عايزه اوجع او اكسر حد بعدي مش عايزه حد قريب مني....كل يوم بحاول اداري ومبتكلمش وانا فنظر الكل تمم وكويسه وانا كل يوم بمووت الف مره من الوجع...
وقفت كلام وحسيت بدوخه وفجأه اغمي عليا
___________________________________________ فضلوا يلفو حوالين نفسهم مش عارفين يعملوا حاجه وطلبوا الاسعاف ونقلوني المستشفى الكل كان جمبي قاعدين بيعيطوا كلهم تقولش مت ولا حاجه
نادين بعياااط:الووو اسلاام
اسلام: في اي مالك وبتعيطي ليه كدا
نادين: ندي ف المستشفى اغمي عليها واحنا بنتكلم بقالنا حوالي ساعتين ومفقتش
اسلام: طب اهدي بس هتفوق وهتبقي كويسه متقلقيش انا جايلك اهو
.......
عمر: متقلقوش يجماعه هتبقي كويسه وهتفوق دلوقتي... طنط يحبيبتي متعيطيش صدقيني ندي هتبقي كويسه انتي عارفه انها اقوي من كدا وقادره تستحمل وتقوملنا تاني ان شاءالله... احنا عملنا التحاليل اللازمه المشكله كلها ان الانيميا واطيه جدا عن اخر مره حللت فيه... اهدي انتي بس كدا ومتعيطيش مفيش حاجه تقلق
=يعمر قولي يبني والنبي هتفوق امته بنتي هتقوم صح قولي الحقيقه يبني متكدبش علياا
عمر: والله يحبيبتي هتقوم اكيد وهتبقي زي الفل الموضوع بسيط وف ايدينا...
وبعد شويه الممرضه ندهت علي عمر دخل وشويه وخرجلهم قالهم: ندي فاقت من شويه متقلقوش يجماعه هي كويسه جدا بس حالياا نايمه
نادين: عمر طب ممكن ندخلها
عمر: اها طبعا تقدروا تخشوا ف اي وقت بس حاولوا يبقي بهدوء
دخلوا ماما وبابا ونادين وحنين وطنط كريمان واسلام واحمد فضلوا حواليا طول الليل صحيت فتحت عيني علي وجودهم كلهم اول ما شافوني صحيت شوفت ضحكه بدموع علي وشهم
=حبيبتي الحمد لله انك بخير يقلبي كدا تخضينا عليكي
نادين:(مسكت ايدي وهي بتعيط )ندي انا اسفه والله ما كنت اقصد اي حاجه من اللي حصل متزعليش مني والنبي المهم انك بخير الف سلامة عليكي يقلبي
_حبيبتي يماما متقلقيش انا كويسه.....انسي اللي حصل ي نادين انسي اللي اتكلمنا فيه مش وقته ومش زعلانه منك يحبيبتي
اسلام: وسعواا كدا وسعوا مصدقناا البت قامت بلاش عياط.... ندوشه سلامتك يسطا
_حبيبي يسولم الله يسلمك... قولهم والنبي يعم ساكتهم انت
احمد: الف سلامة عليكي يندي
_الله يسلمك ي احمد شكراا علي وجودك مكنش له لزوم نتعبك معانا
احمد: تعب اي بس انا غريب ولا اي
_لا طبعا غريب اي انت بقيت من الشله وكلهم اخواتي ف انت طبعا بقيت مكانتك زيهم
عمر: اخيراا يبت انتي فوقتي يغيبوبه انتي هتفضلي كل شويه تقرفينا وتتعبينا معاكي كدا
_معلش بقي يعمور نصيبك كدا وبعدين يااض انت لو مقرفتكش يعني مين هقرفك ويطلع عينك غيري
عمر: اها طبعا يختي مين انا اقدر انسي اللي كنتي بتعمليه فيا واحنا صغيرين تخليني الف الشوارع عليكي وانتي مستخبيه ولما كنتي تعملي مقالب وتخضيني عليكي
_اهاا وكنت بتقعد تعيط... دا انت قلبك قاسي اووي انت لسه فاكر يعم
عمر: انتي هبله يبت انا اقدر انسي كل داا ..... اعملي اللي انتي عاوزاه المهم عندنا اننا نشوفك كويسه ومنشوفش فيكي اي حاجه وحشه لا قدر الله
_متقلقش انا كويسه جدا اهو وبعدين انت مش طول عمرك تقولي انتي قويه ومفتريه انا قويه جدا اهو بس مش مفتريه والله
عمر(بضحكه): ماشي يمفتريه عايزه حاجه مني
_ماشي اي يعم خد هنا انا عايزه اخرج مليش دعوه
عمر: تخرجي اي مفيش خروج الا لما نطمن عليكي الاول وبعدين نقرر امته
_لا والله انت بتهزر
=خلاص يعمر روح يبني انت سيبك منها
_هي بقت كدا يعني طيب شكراا اوي... طب اي انتو مش ناوين تأكلوني كمان حسبي الله يعني لا اكل ولا خروج
اسلام: بت انتي اهدي واقعدي ساكته بلاش زن كتيير احمد نزل يجيب اكل وجاي اهو
أنت تقرأ
بدايه أمل (الاوزعه)
General Fictionاول شرودي كان اشعه وتحاليل مين ابتدى دكتور بيسال كلمتين واصحاب ولمه اهل وهما موجوعين ودموع كتير بتجرى وهما حيرانين وكانى تايهه بين عيون الموجودين فقدت الامل فى علاج كيماوى وحقنتين كرهت عيشتى وكنت موصر اعيش وحيد ابعد صحابى ولمه حلوه فى الوريد مش بفك...
