#قصر_الشياطين2
نمارق محمد
سيرين:اي لاكن خايفة اني
عايدة:متخافيش
امير:خش للقصر
مريم:تمسح في الارض
امير:وين العيلة 🙂
مريم:الساعة 12 كلهم خشو لي غرفهم
امير:تم وخش لي غرفته
مريم:خشت قعمزت على كرسي المطبخ...معقولة يا مريم تفضلي حوش عمك وتخدمي خدامة عندهم ومخليا حوش بوك وعزه لاكن بوك فلوسه حرام على الاقل اهني ناكل بي عرق جبيني بس لي امتى منقعد هكي
ميرال:مقعمزة على كرسي الزيانة وتشبح لي روحها ع المرايا
مالك:خيرك اليوم كله تتأملي في روحك في حد كادب عليك ومقيلك محلوة ؟؟
ميرال:اخطاني لو سمحت
مالك:ناضلها وقف جنبها ومسك ايدها...خيرها مرتي الحلوة من مزعلها
ميرال:عمتي امينة
مالك:امي شن دارتلك هالمرة
ميرال:نزلو دموعها...اقسم بالله ماعاد نتحمل
مالك:تعرفي الغلط منك لانك في كل مرة تجي تشكيلي ومتقوليليش شن دارتلك
ميرال:تبكي...منقدرش نقولك ونفسد علاقتك انت وامك
مالك:مسكها من وجهها...احكيلي هالمرة بس
ميرال:لما نكون مستعدة نحكيلك
مالك:نحبك ❤️
ميرال:حضناته
يزن:يشوف في ايميل سيرين على الفيس ويفكر هل يبعتلها ولالا بس لو بعتله شن بيصير مستقبلا وهما عيلتين اعدا
تاني يوم ⛅️⛅️
سيرين:نضت زي اي بوم لبست وخديت شيتاتي نراجع في يلي قريته وخشيت للمطبخ
مريم:صباح الخير ❤️
سيرين:صباح النور امير طلع ؟؟
مريم:اي من بكري
سيرين:وتوا اني من بيرفعني للكلية
مريم:شوفي مالك ولا عمي
سيرين:مريم نقترح عليك اقتراح
مريم:والي هو اخر مرة اقترحتي عليا اقتراح ودرتينا في ستين داهية
سيرين:وصليني للكلية وبعدين وين ما بتمشي بري عندك وقت لي نكمل امتحاني
مريم:بي شن بنوصلك انشالله ؟؟
سيرين:مسكتها من ايدها...انتي البسي بس والباقي مدخلكش فيه
مريم:على مسؤليتك راه مدخنيش وخشت تلبس في عبايتها
سيرين:تم تم وشربت طاسة العصير بي طريقة سريعة
مريم:هي بسيارة من بنرفعك
سيرين:مدتلها المفتاح...بي سيارة عمك
مريم:والله لما ينتفنا
سيرين:اسكتي غر هي
مريم:طلعتو ولعو السيارة هي وسيرين وحطتها في الكلية وهي مشت للكافي يلي قريب على الكلية طلبت قهوة
امير:اني منطلع شوية ونجي
مالك:وين
امير:عندي موضوع
مالك:تم
امير:ولع سيارته وفتح تلفونه خش على برنامج وماشي
يزن:يشوف لي مريم من بعيد...واخيرا حصلتك بروحك وقرب منها
مريم:حدت القهوة وكيف بتطلع وقفها يزن
يزن:نبيك في موضوع
مريم:لا موضوع لا مواضيع
يزن:خوك اني
مريم:قطعتها صلة الرحم يلي تربطني فيكم للاسف
يزن:قعمزها على الكرسي وهو قعمز على كرسي مقابلها...عاجبك تفضلي حوش عمي على عيلتك ؟؟
مريم:لقيت فيهم الخير يلي ملقيتاش فيكم
يزن:خير شن وانتي تخدمي خدامة عندهم
مريم:نخدم خدامة في حوش عمي ويعشو فيا في فلوس وفلوسي حلال ولا نقعد خدامة لي مرت بوي المقرفة وفلوسهم فلوس حرام
يزن:انتي عايشة مع شياطين
مريم:على اساس انتم البشر يعني
عايدة:تشوف للمرايا...خلاص كل شي انتهى خسرت كل شي لو اهلي عرفو بي يلي صاير رح ننتهي 💔
امير:خش للكافي بس وهو خاش لمح مريم
يتبع
تفاعلو وعلقو وقولولي توقعاتكم
