#قصر_شياطين6
مريم:طلعت للجنان بتنفض الفرشات حست بي حد حط ايده على فمها
امينة:اني عايدة هالايام مش عاجبتني
صالح:خيرها ؟؟
امينة:طول النهار في دارها متطلعش بكل
صالح:توا نركب نشوفها وصكر الكتاب يلي كان يقرا فيه وركب
مريم:فتحت عيونها لقت امير...شن تبي ؟؟
امير:شن نبي صار
مريم:امير اخطاني ساد يلي درتهولي
امير:شن درتلك يا مريم اني باش تقولي ساد
مريم:خلصني وقولي شن تبي
امير:لالا شي ويشوف لي عيونها
مريم:دفاته...نكرهك امير
امير:مسك ايدها...عندك علم الشعور متبادل ❤️
مريم:خشت للمطبخ
سيرين:وين كنتي
مريم:نفض في الفرشات
سيرين:اي تعالي قوليلي وتوا شن نصب
عايدة:مقعمزة في دارها زي العادة تفكر كيف بتشوف الشخص يلي حول حياتها لي جحيم
صالح:طق على الباب وفتحه...نخش
عايدة:خش
صالح:صكر الباب وقعمز جنب عايدة...خيرها بنتي من مزعلها
عايدة:حد بس نفكر في القراية
صالح:متحاوليش تكدبي عليا احكيلي خيرك ورح نلقو حل مع بعض
عايدة:قتلك من القراية بس ورقدت وغطت وجهها ودموعها بدو بنزلو لا اراديا
صالح:طبطب علاها وطلع
عايدة:يا بابا مش قادرة نحكيلك تبيني نقولك بنتك بطحيلك راسك يا بابا 💔
يزن:ارين
ارين:نعم
يزن:لما قعمزتو في الليل انتي والبنات مقالتش مريم حاجة
ارين:هالمتكبره متقولش تخدم خدامة محقرها
يزن:خيرها
ارين:شايفة روحها
مريم:ساعدت سيرين في تحضير العشي
سيرين:شن بضيفي اهل امين ولا شن اسمه هو
مريم:ما عارفة مفكرتش الحق
سيرين:شن رايك نديرولهم عصير وبكلاوة ونسكافي وكيكة
مريم:اي شي عادي متفرقش
امينة:يعطيك الصحة يا سيرين زي العسل
سيرين:الحق الفضل لي مريم ساعدتني
امير:شاف لي مريم بعدين نزل عيونه
امينة:خيره مالك ومرته منزلوش وخيره عايدة مجتش تعشن
صالح:عايدة خلاها على راحتها
امينة:باهي
مريم:ناضت...صحة شبعت خشت للمطبخ قامت صحت وركباته لي عايدة طقت على الباب وخشت
عايدة:ارفعيه منبيش
مريم:بلا جو واحكيلي
عايدة:شن منحكيلك مريم
مريم:شن مخليك هكي مضايقة ؟؟
عايدة:فوتيني مريم
مريم:والله ماني فايتاتك احكيلي شنو مضايقك
عايدة:غطت وجها وغمضت عيونها
مريم:على راحتك وقت تبي تحكيلي اني موجودة ومافيش شي يخليك تخسري صحتك على خاطره اهو الاكل كولي وطلعت وخلتها
امير:واقف قدام الدار..خاشة تواسي في اختي انتي بروحك تبي من يواسيك 😂
مريم:مبردك يابارد
امير:غر قوليلي سلم مريم شن صار كلمك خطيبك
مريم:اي 🙂
امير:شن قالك
مريم:خصوصية ومشت وسيباته
امير:تعفلق...صار خصوصيا توا نوريك يا مريم باهي
مريم:خشت غرفتها...خطيب القهرة يلي كلمني
تاني يوم ⛅️⛅️
عايدة:ناضت الصبح لبست عباية ووشاح وطلعت قالت لي امير ارفعني للكلية
امير:وصل عايدة للكلية
عايدة:خلت امير امشي وطلعت من الكلية اتصلت بي الرقم رد علاها...سيارة جايتك اركبي فاها
سيرين:فتحت عيونها على مكالمة ردت
حسام:حبيبي
سيرين:بصوت ناعس...عيونها
حسام:صباح الخير
سيرين:صباح نوم ❤️
حسام:نوضي صحصحي
سيرين:منرقد
حسام:مافيش نوم نبيك في موضوع
سيرين:باهي وصكرت عليه رجعت رقدت
عايدة:جتها سيارة ركبت فيها وهي خايفة مقدرتش تتلفت وتشوف حتى من يسوق نزلها في مكان مش مفهوم كأنه حوش مهجور نزلت لقت قدامها يزن تشوفله مصدومة
يزن:خيرك مصدومة يا حلوة
عايدة:يزن ؟؟
يرن:اي يزن
عايدة:شن ادير انت اهني
يزن:اني سبب وجودك اهني اصلا
عايدة:شن تقول انت تبصر ؟؟
يزن:لا من امتى فاتح معاك بصارة اني توا يا حلوة يا تخلي سيرين تنحي فكرة الانتقام منا وتخلي سيرين تحبني ولا صورك يوصلو لي امير ومالك وطلع وسيبها
عايدة:طاحت على الارض مش فاهمة يلي صار الشخص يلي يهدد فاها كان يزن والولد يلي حبانه كان كدبه 💔
مريم:غدوا بيجي الراجل يلي معمريش توقعت روحي نكون معاه اني ناخد واحد نديد بوي بس مضطرة نوافق لان مصلحتي في هالزواج
ميرال:صباح الحب يا عمري
مالك:باسها على راسها...واحلى صيح
ميرال:نحبك
مالك:حتى اني نوضي البسي
ميرال:وين
مالك:منفطرو برا
ميرال:تمام وناضت
عايدة:وصلت للكلية اتصلت بي امير وهي مكسوره تستنا في روحها تروح
امير:طلع من مكتبه مشي لي عايدة
عايدة:ركبت في السيارة...امير استعجل
امير:خيرك 🙂
عايدة:امير بالله عليك متسألنيش والله ما قادرة نحكي
امير:براحتك
مريم:سيرين نوضي سادك
سيرين:خليني
مريم:حسام اهني
سيرين:ناضت تجري...وينه علاش جي امتى جي
مريم:نتسهوك عليك نبيك تساعديني 😂
سيرين:في شنو
مريم:شن تلبس غدوا
سيرين:مستعدة للخطوبة اكتر من اللزوم
مريم:اي امالا شنو كيف عاد خليني نفرح بي روحي
حازم:شن صار وافقو عليك ولا كل شي تمام صح
يتبع
