قصر شياطين

البارت الثاني عشر

#قصر_شياطين12 والاخيرة

مريم:خشت سلمت على امينة ونساوين عمامها يلي بايتين ووسصلت في سيرين مدتلها ايدها بتسلم بس سيرين مقدرتش تسلم ناضت لي دارها تجري ودموعها ينزلو بروحهم
ميرال:مسكت مريم...اكيده مضايقة
مريم:ابتسمت...اي اكيدة
امينة:ناضت اتصب في الغدي هي وسلفتها
مريم:مشيت لي ييرين لي غرفتها

سيريم:تعبانه يا مريم سامحيني مقدرتش نمد حتى ايدي 💔
مريم:حضنتها...عادي يا عمري قوليلي خيرك بس
سيرين:حسام تلفونه مقفل خايفه والله
مريم:متخافيش انشالله خير يارب
سيرين:انشالله
مريم:حاولي تكلمي حد من صحابه
سيرين:معنديش رقم حد منهم
مريم:قعدت تهدي في مريم وحطو الغدي تغدو وقعدت تهدرز معاهم للمغرب وبعدين استاذنت وركبت لي شقتها

امير:حتى هو ركب
مريم:لبست قفطان قصير متع حوش وقعدت ادير في العشي
امير:مقعمز في غرفة النوم ماسك تلفونه سمع رن تلفون مريم قامه لقاه رقم رد
يزن:وينك يا بنت
امير:شن تبي انت
يزن:صكر طول وضحك...خطتك بتنجح يا يزن وبعت رسالة لي زقم مريم...اتصلت بيك رد راجلك لما تبدي بروحك كلميني
امير:قري الرسالة...يلي كنت شاك فيه طلع صح يا كلاب

سيرين:واخيرا رديت 💔
حسام:اهلين سيرين نبي نقولك اني اخطبت وفاتحتي الاسبوع الجاي ربي يهنيك وصكر
سيرين:مستوعبتش يلي نقال !!
عايدة:تشوف لي سيرين يلي وجهها اصفر...خيرك سيرين وتهر فاها
سيرين:قالي خظبت !!
عايدة:كيف
سيرين:تبكي بشكل هستيري...قالي خطبت يا عايدة خطب 💔
عايدة:تحضن فاها...اهدي ياسيرين

صالح:خليتي صغارك يكرهوك
امينة:اني نبي نجوز ولادي على كيفي 💔
صالح:عيب عليك انتي معندكش ضمير ؟؟
امينة:خلاص اسكت صالح ارجوك اسكت
صالح:اهو سكتت ضميرك موعاكش ؟؟
امينة:حطت ايداها على ودانها تتجاهل في كلام صالح

مالك:حاط ايده على بطن ميرال...امتى بنتي بتجي بس
ميرال:من قالك بنت
مالك:احساس الاب ميخيبش
ميرال:والله
مالك:حضنها...اي

مريم:كانت تجاهز في العشي حطاته على الطاولة وصبت عصير وخشت لي امير في غرفته قتله تعالى تعشا قاللها منبيش...فاتو الايام وليا شهرين متجوزة بس الغريب انه من هداكا اليوم امير معش قرب مني ومتجاهلني كأني مش مرته لا يكلم فيا لا شي 💔

سيرين:في هالشهرين حاولت ننسا حسام ونجحت في هالشي وجو خطبوني ناس وافقت ❤️

ميرال:بطنها بدت تكبر ومالك فرحان

امينة:مع كلام صالح قعدا تحاول اطيج البيبي لاكن منجحتش وتحاول تخرب زواج امير ومريم ومع هدا منجحتش

ارين:معش شافت مريم تتقابل مره مره مع سيرين

مريم:تجهز في روحها على المرايا...عادي ترفعني للشركة ولا حتى توا نكلم عمي ؟؟
امير:نستنا فيك في السيارة
مريم:لبست كندرتها ولحقاته للسيارة
امير:ولع السيارة وامشي بدون ولا كلمة
مريم:امير نطلب منك طلب
امير:تفضلي ؟؟
مريم:شن تفضلي هادي اني مرتك
امير:باهي اطلبي شن تبي
مريم:تساعدني نعطل كميرات الشركة لو يلي اسمه بوي مش غادي
امير:وبعدين !!
مريم:نبي نشوف مكتبه لو نلقا دليل ضده
امير:كلمي خوك يساعدك
مريم:شن تقول انت !!
امير:كلامي واضح مافيش داعي نوضح اكثر ودرس قدام الشركة
مريم:نزلت وهي مش فاهمة شي