#قصر_شياطين 3
عايدة:تشوف للمرايا...خلاص كل شي انتهى خسرت كل شي لو اهلي عرفو بي يلي صاير رح ننتهي 💔
امير:خش للكافي بس وهو خاش لمح مريم...وصار يلي كنت شاك فيه فتح تلفونه خدي كم لقطة وطلع
مريم:ناضت وسيباته ركبت السيارة وهي تفكر في وقاحة يزن
امير:خش للحوش
امينة:غريبة مروح بكري
امير:وين مريم ؟؟
امينة:رفعت سيرين لي الكلية
امير:هي خدامة مش سواقة ؟؟
امينة:هادي اختك سيرين ربي يهداها ناض بوك لقي سيارته مهناش كلماته سيرين قتله رفعتني فاها مريم للكلية
امير:خش لي داره وهو عيونه شرار
مريم:طلعت سيرين من الامتحان كلمتها وروحت باها وخشت للمطبخ
امير:نزل للمطبخ يشوف لي مريم من بعيد...ضروري ندير يلي في بالي كان هدا بنضيعو
يزن:والله يا بوي تلاقينا في كافي وكلمتها وقتلي زي ماقتلك
حازم:والحل ؟؟
يزن:مافيش حل وهي كم سهم ليها في الشركة
حازم:نص الشركة لاها ياولدي نص الشركة توا شن منديرو ؟؟
ارين:بوي وين عقلك لما عطيتها نص الشركة
حازم:يابنتي انتي صغيرة متعرفيش مش بي ايدي هادي الشركة بي النص اني ومرت بوك ام مريم الوسخة قبل ماتموت طلعت كاتبة اسهمها كلهم لي مريم بعد وصلت 18 المحامي جي قالي
ارين:اها بس في سؤال خاطري نعرفه
حازم:شن هو
ارين:كيف توفت مرت بوي
حازم:تغيرت ملامح وجها
كريمة:نوضي شدي قرايتك بلا قصقصة زايدة
ارين:باهي وناضت
مريم:تحط في الغدي
امير:خش قعمز...مريم
مريم:نعم
امير:العشية جهزي روحك منرفعك للسوبر ماركت خودي حاجات للحوش
مريم:معانا عايدة ولا سيرين ؟؟
امير:اني وانتي بس
مريم:اسفه الناس يدو يبدو
امير:مش هامني كلام حد
مريم:تمام براحتك لاكن اني مش مضطرة نطلع معاك ويدو علايا دواوي ملياش فيهم
امير:قرب علاها وهمسلها في ودنها...على اساس ميتكلموش عليك توا تخدمي في حوش عمك وانتي نص شركة بوك ليك
مريم:لفتتله وتصكرله في بطمة سوريته الفوقية...تعرف علاش لان منبيش نشوف وجهه المقرف يلي اسمه بوي ولا نبي نشوف ولده يلي على اساس خوي فهمت علاش
امير:حط ايده على خسرها وقربها ليه...على اساس خوك ؟؟
مريم:كان قريب عليا لي درجة انفاسنا تلخبطو معش قدرت حسيت روحي مندوخ وقلبي يدق بسرعة نزلتله ايده وبعدت واني خلاص معش قادرة ❤️
امير:طلع من المطبخ وهو كاره حاجة اسمها مريم اتجاها حقد مش طبيعي
ميرال:خشت للمطبخ...صباح الخير
مريم:صباح القايلة تجيك مرت عمي توريك القايلة من الصبح 😂
ميرال:اي رسمي فرحانة انها مشافتنيش
مريم:قعمزت على الكرسي...محكيتلكش على مغامرتي اليوم
ميرال:تشرب في النسكفي...احكي
مريم:حكتلها كل شي حتى لما جاها يزن
ميرال:مصح وجهه شن جابه هدا
مريم:هما خايفين
ميرال:من شنو
مريم:ماهو يا حبيبتي نص الشركة ليا خايفين ننتقم والانتقام يكون نفلسهم ونكشف ملاعيبهم
ميرال:صح علاش متنتقميش بي طريقة هادي
مريم:يا ميرال صعب 💔
ميرال:كيف
مريم:اني منقدرش بروحي ضروري راجل يساعدني
ميرال:امير ولا مالك يساعدوك
مريم:تبيني نمشي لي ولد عمي نقوله ساعدني ننتقمو من بوي ؟؟
ميرال:سامحيني لاكن للاسف هدا مش اب
مريم:صح كلامك لاكن الله غالب
امير:قربت يا مريم نهايتك على ايدي انتي وعيلتك يا كلاب 🙂
سيرين:تشوف لي عايدة كيف متغيرة ومش قادرة تسألها على السبب لان زي كل مرة رح تعيط علاها
على سفرة الغدي
صالح:بوي اتصل وقال بما انه غدوا جمعة ضروري كلكم تجو للمزرعة ليكم سنين مجيتوش والتميتو مع بعض
امير:شن خطر عليه جدي توا
مالك:توا منتلاقو مع حازم
امير:قام عيونه طول شاف لي مريم يلي كلنت تاكل ومش مركزة معاهم بكل
صالح:عادي تجاهلوهم خلو الامور تمام ويامريم
مريم:قامت راسها...نعم عمي
صالح:موضوع الشغل يقعد مدفون اهني مافيش ولا مخلوق يسمع انك تشتغلي عندنا ونبيك بعدين في موضوع
مريم:حاضر صحة وناضت للمطبخ
امير:لحقها...مريم
مريم:نعم
امير:جهزي روحك باش نمشو العشية
مريم:ارجوك امير مش قادرة نطلع خلي سيرين تطلع بدلي 💔
امير:تم وطلع وسيبها وهو متنرفز
عايدة:كيف نتصرف ياربي والله يسمع امير ولا مالك نمشي فاها
سيرين:في شنو كيف بتتصرفي
عايدة: نخلعت...ولا شي سيرين
سيرين:امتى ناوية تحكيلي
عايدة:طلعت وسيبتها
امنة:ميرال جيبيلي طاسة قهوة
ميرال:حاضر وناضت خشت للمطبخ
مريم:تعرفي نفكر في غضوا
ميرال:ادير في القهوة...احرف منك حتى اني من بعد ما تجوزت معمريش خشيت هكي زردة العيلة كلها
مريم:تتعودي كنا كل جمعة نتلقطو في حوش جدي لاكن كبرنا وصارو مشاكل بين العائلات تغير كل شي
ميرال:فاتني كتير وضحكت
مريم:تي اي
امير:جدك مش وقته
مالك:تي عادي يا راجل خلي الامور تفوت عادي
امير:متوقع تجي عيني في عين يزن
مالك:تجاهله
امير:منقدرش يا مالك
يزن:فرحان بي قرار جده وحسه فرصة باش يستفز امير وفرصة اكتر باش يقرب من سيرين
تاني يوم ⛅️⛅️
مريم:طول الليل نفكر كيف منقابل بوي وخوي ونفكر في الموضوع يلي كلمني فيه عمي نضت دوشت ولبست توب اسود مصكر وسروال ابيض ووشاح ابيض وسبيدرو ابيض ونزلت تحت
امير:نزل يدور في مريم
مريم:صباح الخير ❤️
امير:بصوت حاد...صباح النور وين عايدة ولا سيرين
مريم:منعرفش كيف نزلت
امير:باهي جهزيلي حاجة ناكلها جعان
مريم:حاضر وتشوفله من تحت كان لابس سروال ازرق مع توب برتقالي وسبيدرو برتقالي في الازرق طالع خيال
امير:قعمز على الكرسي ومسك تلفونه
مريم:حطتله الفطور
امير:قعمزي افطري معاي
مريم:مستغربة كيف امير يلي قايم خشمه والكل ميسترجاش يقول معاه كلمة يطلب منها تفطر معاه...لالا شكرا
امير:براحتك يعني
مريم:امير
امير:مقامش عيونه فيها...نعم
مريم:امس عمي كلمني في موضوع
امير:موضوع شنو
مريم:يلي عطيته يشرف على الشركة بدلي عنده شرط
امير:يلي هو ؟؟
مريم:يتزوجني
امير:وكان موافقتيش شن بيصير
مريم:بيسيبلي الشركة اني ومستحيل نلقا حد يشتغل مع يلي اسمه بوي
امير:نبي نعرف شي واحد بس علاش متشتغليش انتي
مريم:مستحيل 💔
امير:وعلاش
مريم:كل يوم بتجي عيني في عين المجرم
امير:صار هكي يا مريم
مريم:كيف
امير:للاسف مينضحكش على امير
مريم:وضحلي مفهمتش
امير:ناض بدون ما يكملها وهي مش فاهمة شي
يتبع
