روايه بنات ارض القمر ( بقلم سماح سمير شبل) فنتازيا

الفصل الثالث

الفصل الثالث
بنات ارض القمر
بقلمى؛ سماح سمير شبل

مرت الايام في روتين يومي حتي مرض جمر المفاجئ
وكانت وردحزينه وف اليوم الخامس وبعد ان اعطت لجمر الدواء
ورد بابتسامه رقيقه
نامي دلوقتي ياجمر.
جمر وهي تحضن كف ورد وبصوت واهن
لازم نتكلم.
ورد وهي تقبل يد جمر
ارتاحي وبعدين نتكلم.
جمر بتصميم وهي تعتدل
لا مافيش وقت انا خلاص ماعنديش وقت.
ورد بانهيار وبكاء
وحياتي عندك ياجمر بلاش الكلام ده انا ماليش غيرك
جمر وهي تربت علي ضهر ورد وتحضنها وتخرج تنهيده طوليه وهي ترفع وجه ورد من حضنها وتقول لها
ورد من صغرك وانا بقول انك قويه وعاوزه لما اموت تبقي اقوي.
قاطعتها ورد بنحيب عالي
جمر وهي تحاول تهدئه ورد
عندي سر ولازم اقوله ليكي.
ورد وانتبهت لكلام جمر وف وسط دموعها
سر ايه ؟
جمر بابتسامه لأنها نجحت فى جذب انتباه ورد
اسمعيني من غير ماتقطعيني ياورد .(هزت ورد رأسها بلموافقه)
جمر وهي تحضن كف ورد الصغير
احنا لينا اهل ياورد.
واكملت تحت نظرات دهشه ورد
بس مش ف العالم ده ف ارض القمر واكملت انا مش بخرف ياورد.
ورد بتوتر لسوء حاله جدتها
لا ياقلبي انتي زي الفل وانا بسمعك يالا كملي.
جمر بنظرات شارده
كنت صغيره وعايشه مع ابويا وامي واختين اكبر مني وكان ابويا ملك ارض القمر وف يوم كنت تقريبا عندي 25سنه وكان عيد ميلاد امي وخرجت انا و وهج اختي الاكبر مني بسنه واحده للغابه علشان ندرب علي الرمايه
فلاش باك
وهج بصوت عالي وهي تجري ف الغابه
اين انتي ياجمر؟ (واتصدمت عندما رأت جمر تحمل دب رضيع وهي تبكي) ماهذا ولماذا تبكين؟
جمر ببكاء
امه ماتت ف وسط الاشجار وكان يبكي؟
وهج بريبه
و؟؟
جمرببكاء
سوف اكون له ام لن اتركه في هذه الغابه الموحشه؟
أومأت لها وهج وقالت
لنعد للقلعه.
وامتطو الاحصنه للعوده
ولكن قبل وصولهم الحدود كانت شقيقتهم الاكبر قمر تجري في اتجاههم وهي تصرخ
عودو لقد انهارت القلعه.
كانو في حاله من التخبط والتردد وصرخت قمر
هيا .
اسرعو الي الغابه مره اخري وعندما ابتعدو بقدر كافي هبطت الثلاث فتيات للراحه وحكت قمر لهم عن خيانه الوزير للملك وقتل الملك والملكه وكيف هربت منهم باعجوبه
انهارت الفتيات وكانت قمر اكثرهم ثبات
باك
جمر وهي تتنفس بصعوبه
ورد بخوف
خلاص ياجمر انتي تعبتي ارتاحي علشان خاطري
جمر بتصميم أكملت
بعدها مشينا ف الغابه اكتر من اسبوع علشان نوصل للسرداب وكانت الدبه معانا ولما قربنا نوصل كانت قمر بتموت من اصابه سهم ربطت علي الجرح وكانت مش عاوزه تعرفنا علشان مانفكرش نقف وماتت وانهرت انا ووهج حتي الدبه حزنت عليها دفناها مكانها ومشينا وبعدها تهنا وكانت وهج قررت انها تعيش ف الغابه وبنينا كوخ صغير وكل يوم كنت بحاول اوصل للسرداب اللي فيه نجاتي انا واختي وعدت السنين وكبرت الدبه معانا وبقينا عيلتها الصغيره وانا مبطلتش اني ادور علي السرداب وبعد عشر سنين وصلت للسرداب ومشيت علي الخريطه اللي كانت مع قمر ووصلت هنا وكان بيت قديم جدا صاحبه شاب ف سني طبعا اتصدم من وجودي واتعرفنا علي بعض وحبيته جدااا واتفقنا علي الجواز بس وقتها قولت له اني هرجع اجيب وهج والدبه ومع ان فكره الدبه بلنسبه ليه مش طبيعيه وافق ورجعت لوهج وفرحت ليا جدا بس رفضت تسيب الغابه وبعتت معايا كل الجواهر اللي كانت قمر واخدهم وهي بتهرب من القلعه ورجعت لجدك وبعنا جذء منها وبنينا البيت ده وجذء امن حياتنا بيه وخلفت ابوكي وبعد ما كبر واتجوز قعد معايا هنا هو وامك وف يوم صحيت مالقتهمش ف البيت والبدروم بابه مفتوح جريت علي اوضتك بعد ماسمعت صريخك وجمبك ورقه مكتوب عليها
امي العزيزه اكتشفت سرك الصغير وانا وحببتي هنعيش مغامره صغيره وواعدك هرجع واسيبك تعملي فينا اللي انتي عاوزاه بحبك اه انا سبت ورد علشان عقابنا ميزدش
ورد بصدمه
يعني هما عايشين
جمر بوهن
استنتهم سنين ونزلت السرداب ودورت عليهم كتير ف ارض القمر وخصوصا ان وهج والدبه رجعو المدينه بعد موت الوزير الخاين وهي كمان معرفتش توصل ليهم ولما كبرتي فهمتك انهم ماتو علشان ماتعمليش زيهم وتدخلي السرداب من غير خريطه لاني اكتشفت ان السرداب كل طريق ليه بيوصل لارض تانيه واللبس اللي انتي بتقولي عليه لبس ساحره ده لبس راحاله الاراضي ويمكن تحتاجيه
ورد بدموع
ليه ماقولتليش من بدري كنت دورت انا وانتي عليهم
جمر بدموع
علشان مش عاوزه اخسرك زي ماخسرتهم وبقولك دلوقتي علشان خايفه من فضولك وكتبت مذكراتي ليكي علشان ماضليش الطريق ودلوقتي ياورد عاوزاكي تسامحيني
ورد بدموع وصوت متحشرج
مسمحاكي ياجمر والللهي بس قومي بجد مش هقدر اعيش من غيرك جمر جمر انتي نمتي صح
كانت جمر توفتها المنيه وهي ف احضان ورد
ورد وهي بتهزها برفق وتبكي بحرقه
جمر قومي قومي ومش هزعلك قومي علشان خاطر ربنا ماتسبنيش لوحدي
وصرخت ورد صرخه شقت سكون البيت