روايه بنات ارض القمر ( بقلم سماح سمير شبل) فنتازيا

الفصل العشرون ❤

الفصل العشرون
بقلم سماح سمير شبل عطالله

في جزيره الاحلام
حضر الملك نعمان ومعه جيش كامل من الجن في نفس اللحظة التي تقدمت فيها الاميره برجيس لملك الحوريات
نظر لشمس وامن بنظره تهديد تلقاها الاميران بخجل
ملك الحوريات بلغه السريانيه للأميره برجيس
هل تدخلين حدود مملكتي وتتأمرين علي يابرجيس اللعنه عليكي سوف اقتلع قلبك بيدي ياعاه…
لم يكمل كلامه لتفاجأه بتعملق برجيس حتي اصبحت اطول منه بكثير وخرج من كتفيها ازرع كثيره وهي تصرخ في وجهه
اللعنه عليك انت وكل معشر الحوريات
وامسكت رأسه وانزلته في مياه البحر عندها خرج مره اخري وتحول لوحش فأنتفخت عيناه بشده واختفي وجهه الوسيم وتحول فمه لفم قرش ودخل هو وبرجيس في قتال شرس كان الجميع يقف علي شاطئ البحر وهو يترقب تأثر ملك الحوريات بلسم
حضرت مارثا وكانت تراقب بترقب بعد ان اخبرتها وهج بما فعلته برجيس منذ قليل وانهم لم يتدخلو في فض الاشتباك او قتل ملك الحوريات  بأمر الملك نعمان
نظرت لها مارثا بتفهم
وعندما لاحظت رجوع ملك الحوريات لهيئته التي تشبه البشر اقتربت من الملك نعمان
مارثا بسرعه
الان مولاي
نعمان بصوت عالي
احضروه
طار عشره من الجن الطيار وانتشلو ملك الحوريات  الذي ينزف بشده ووضعوه في صندوق عباره عن جزع شجره ضخم مجوف وبه ماء من البحر ثم اغلقوه وسحبو العربه التي يوضع عليها الجزع المجوف وطار اخرون وانتشلو الاميره برجيس  وكانت هي الاخري تنزف من اماكن متفرقه في جسدها لقد اصابتها اسنانه بجروح خطيره وضعوها برفق علي الارض وتقدمت منها مارثا بسرعه واسرعت وهي تخرج قنينه بها سائل لامع ارجواني وبدت تقطر به علي جروح برجيس نظرت لها برجيس بإلم وفقدت الوعي امر الملك نعمان نقل الاميره برجيس لقصره حتي تتمكن مارثا من معالجتها ونظر للجميع بتوعد وغادر وهو يزفر بضيق
نظرو لبعضهم بقلق  بعد ان غادر الجميع تبقي شمس مع امن ينظرون للبحر وجثث الحوريات تطفو علي سطحه حتي طفت حوريه تلبس تاج من المرجان وهي تحتضن صدفه كبيره مغلقه نظر شمس ل أمن نظره تعي الكثير  فضحك الاثنان وتسابقو لاحضار الصدفه وصل لها شمس اولا ثم خرج من البحر وملابسه تقطر مياه وامن يسرع خلفه وهم يضحكون
شمس وهو يمسك الصدفه
مازلت انا الاسرع ياأمن
امن
اجل يا اخي ولكن من العدل ان نقسم مابداخل الصدفه
شمس
لا انها ستكون هديه لزوجتي
امن
هل ستتزوج
شمس
ولما لا
امن
لا اقصد انما انا من سيتزوج اولا لاني اخترت حبيبتي فمن العدل ان تكون لها
شمس
يالك من وغد انا ايضا اخترت حبيبتي
امن
من
شمس
ليس من شأنك والان لنفتح هذه الصدفه ونتقاسم ما فيها حتي تعرف كم انا كريم
امن
حسنا افتحها
اخرج شمس خنجر وفتح الصدفه وما ان اتفتحت حتي علت وجوههم الصدمه
""""""""""""""
بقلم سماح سمير شبل

تزمرت ورد ونفخت بصوت عالي  التفت عليه الجميع
قاسم
مالك ياورد
ورد
انا زهقت  من القعده
لالي
شويه وتيجي سيرينا وسنمار ونعرف فيه جديد ولا لا
ورد
اعااااا انا مليت
قاسم  بنفاذ صبر
اصبري ييجو واخدك امشيكي شويه
ورد
تمشيني شويه هو انا كلبك
نظر لها قاسم بعدم فهم  هو ولالي ولكن فارس الذي يراقب الحديث من اوله دون التدخل ضحك ضحكه رجوليه اذابت قلب ورد وابتسمت لها بغباء
قاسم
لماذا تضحك
فارس
اصل اللي عنده كلب بيربيه لما الكلب بيزهق من الحبسه صاحبه بياخده يمشي
ضحكت لالي وابتسم قاسم
ورد
عجبتك قوي يالالي صح
لالي
ايوه
ورد
حسبي الله
جأت سيرينا وسنمار وهم يضحكون
ورد
اسم النبي حارسك انتي وهو ماشيين بتتسامرو ولا علي بالكم
سنمار
بدأنا
سيرنا
ايه ياورد مش عاوزانا نضحك
ورد
بتضحكو علي خيبتنا احنا تاهيين ياظريفه انتي واخوكي
سنمار
خلاص لقينا البوابه
انتبه الجميع
قاسم
فين
سنمار
ف جزيره داخل البحر الملك الفرعوني كان قاصد الجزيره اللي جوا البحر مش دي
ورد بعصبيه
وماقلش ليه اللي ربنا ياخده ده بقالنا يومين ف المخروبه دي
سنمار
اللي حصل بقي
لالي
البحر قدامنا مالوش اخر ومش شايفه اي معالم لجزيره تانيه
سيرينا
لا ما انا وسنمار طرنا فوق البحر الجزيره قريبه بس مش عارف ليه مش باينه هنا
سنمار
قابلت فهد وقالي علي مكانها
فارس
فهد بيتكلم
سنمار
لا انا فهمت لغته
قاسم وهو يديق عينيه
انت بتفهم لغه الحيوانات
سنمار
اظاهر ان القدرات اللي كسبناها من السرداب بدأت ف الظهور
ورد
انت حصلك تغيير ياقاسم
قاسم
لا
ورد
وانتي ياسيرينا
سيرينا
لسه
ورد
اشمعني  انت ياض يارخم
سنمار بابتسامه سمجه
علشان الاعمال بنيات وانتي ان شاء الله هتبقي اخر واحده تكتشف التغيير ياورد يابارده
ورد وهي تهجم عليه وتقبض علي شعره
انا بقالي كتير مستحمله رزالتك ياض انت ولو مقطعتش شعرك النهارده هتشل
صرخ سنمار وهو يخلص نفسه منها وتدخل قاسم وسيرينا لفض اشتباكهم وتعجب فارس منهم وكان يهم ليفض هذا الاشتباك ولكن لالي اعطته مشروب ساخن واخذت اخر واجلسته بجوارها
فارس
هما كده علي طول
لالي بعدم اهتمام
اغلب الوقت اشرب ده مشروب بيظبط نسبه السكر ف الدم
نظر لها بامتنان فهو من كلامهم علي لالي عرف انها تقرأ في جميع العلوم كما انها حنونه جدا فهي رغم تذمرها الدائم تهتم بهم وتحنو عليهم حتي عندما يخلدون للنوم هي من تدثر من انكشف غطائه بحنيه بالغه ذكرته بحنان امه التي يفتقدها شكرها وابتدي يشرب من الكوب الفخاري التي صنعته لالي
لم تهدأ ورد الا وهي تمسك خصله شعر  في يدها وتنظر لسنمار بتشفي وهي تبعد عنه وهو ينظر لشعره بصدمه ويجز علي اسنانه
سنمار بلاتينيه
فتاه حقوده وغيوره
ورد وهي تبتعد عنه وتجلس
اهو انت
ترجمت لالي لفارس فهي كانت مستمتعه لانهم فعلو ببعضهم البعض ماكانت تريد ان تفعله فلجميع نال من الخبطات والجروح الخفيفه
فارس بتمتمه
ماينوب المخلص غير تقطيع هدومه
نظرت له ورد بطرف عينها ورجعت مره اخري لربط خصله شعر سنمار بتشفي
سيرينا وهي تربط كفها
ربنا ينتقم منكم مافيش مره اخلصكم من بعض غير وانا متخرشمه
سنمار بصدمه
مننا هي من بدأت يامختله
سيرينا
انت من استفزها
قاسم
انا لم اتدخل مره اخري حتي لو قتلتم بعضكم البعض
ورد
انظر الي خصله شعرك الطويله وانا اعلقها في عنقي يافتي حتي لا تغضبني مره اخري
زمجر سنمار وقامت لالي بترجمه الحديث لفارس الذي اقسم بداخله انهم جميعا مجانين واكثرهم جنانا هذه الورده الجميله
جميله! رددها في عقله هل قال انها جميله
نظرت له سيرينا وانفجرت في الضحك والجميع بنظر لها بغباء وهي مستمره في الضحك حتي ان فارس قال في نفسه
ياالله انها هي الاخري مجنونه مجنونه جدااااا
هدأت سيرينا من الضحك ونظرت لفارس
سيرينا
اهو انت اللي مجنون
نظر لها الجميع بصدمه وتسمر فارس في مكانه هل تقرأ افكاري ام تستنتج
سيرينا
لا ما بستنتجش
ورد وهي تلفت رأس سيرينا لها
في ايه يابت
تبسم سنمار وقاسم ولالي
سنمار
اظاهر ان سيرينا اكتشفت ميزتها
ورد
يعني ايه مش فاهمه
قاسم بذهول
ايعقل ان تكوني اكتسبتي ميزه الغباء ياورد
ضحك الجميع بصخب ورمت ورد احدي الاحجار الصغيره في قاسم فأصابته في رأسه فتأوه بغضب
ورد ببرود
قوم من مكانك وانا هنتف شعرك الاشقر ده واحده واحده
جلس مره اخري بعد ان هم للهجوم علي اخته فهي متوحشه وتكره شعر الفتيان
سيرينا بسعاده
انا بسمع الافكار اعاااااا
فارس
بس دي بتبقي حاجه خاصه عيب تسمعيها
سيرينا
لا انا قليله الادب
فارس
افندم
سيرينا
خليك حلو بقي علشان ماقولش وانا متوصاش
نظر الجميع لها والكل يقول في نفسه ميزه مش ف صالحنا الا ورد التي قالت جت ف الجون
نظرت لهم سيرينا بغضب
بقي كده ميزه مش ف صالحكم ماشي
ثم نظرت لورد
انتي بس حببتي الباقي لا
تململت لالي
ممكن تقولو هنروح الجزيره ازاي
سنمار
انا وسيرنا هننقلكم لان لو حتي فيه مركب مش هنوصل لها فيه فاصل غامض بيفصلها عن البحر
أومأ الجميع وجمع كل واحد فيهم حقيبته
حمل سنمار لالي وحملت سيرينا قاسم
فكانت ورد تتباطئ لممكوث مع فارس بعض الدقائق فسمعت سيرينا افكارها وحملت قاسم وطارت خلف سنمار لتترك لها بعض الدقائق التي تتمناها
نظرت لفارس وهو يلملم اشيائه واخيرا انتهي
فارس
هو انتي بتتكلمي لاتيني ازاي
ورد بسعاده
جمر كانت بتعلمني الاتينه والسيريانيه
فارس
جمر!
ورد
اه جدتي
ثم اخرجت هاتفها من الحقيبه واخرجت البور بانك وفتحته وبدأت تريه صور جمر
فارس
دي شكلها صغيره علي انها تبقي جدتك
ورد بتنهيده حزينه
اه ماهي من ارض القمر وهما عاملين زي الجن كده مش بيكبرو بسهوله وبيعيشو كتير بس هي ماتت بدري
فارس
الله يرحمها انا اسف
ورد وهي تغلق الهاتف وتضعه في الحقيبه مره اخري
ولا يهمك
حضر لهم سنمار وسيرينا وحملوهم الي الجزيره وعندما استقرو
لالي
هنبدأ ف البحث عن البوابه من دلوقتي الوقت مش في صالحنا
"""""""""""""""'''''''
بقلم سماح سمير شبل عطالله