روايه بنات ارض القمر ( بقلم سماح سمير شبل) فنتازيا

الفصل الخامس

الفصل الخامس
بقلم ؛ سماح سمير شبل عطالله 

صوفيا بدموع متحجره
جدتي يونانيه وكنا كل سنه لازم نسافر ليها والا لينا تنكد علي بابا.

ثم اكملت ودموعها تهطل 

سافرنا بسفينه والبحر قلب فجأه السفينه ابتدت تغرق وثواني وكان ابويا وامي واختي بيغرقو وانا شفتهم وهما بيموتو ومقدرتش اعمل حاجه سلمت نفسي للموت فجأه الموج رماني ف دوامه وبعدها محستش بحاجه غير وانا علي شاطئ غريب وست عجوزه بتحاول تخرجني من الميه وبعدها سندتني ودخلت كوخ يخصها ونمت كتير ولما فوقت عرفت من الست اني كنت محمومه بقالي 3ايام ولما عرفت حكايتي ادتني كيس دهب وخريطه وقالت لي ابعدي عن غرب ارض القمر لان هنا هتعيشي اسوء كوابيسك وجيت هنا اشتريت البيت ده وابتديت اشتغل علشان مخسرش باقي الدهب والنهارده لما قابلتك كنت راجعه من الاحتفال العظيم بعد ما نهيت عملي ف القصر انا بشتغل ف المطبخ.

ورد وهي تنظر لها بحزن 

انا وانتي مقطوعين من شجره زي بعض.

صوفيا وهي تمسح دموعها وتبتسم 

قومي يابت كفايه نكد خدي دش وغيري لبسك وارتاحي شويه وبليل نروح لاخت جدتك انا عارفه بيتها.

ورد وهي تنهض بحماس 

بجد عارفاه يلا يلا دلوقتي وديني.

صوفيا بشمأزاز 

قومي استحمي ياورد ريحتك مقرفه ودلوقتي اهل الارض كلهم ف الاحتفال. 

ورد وهي تستنشق ملابسها بقرف 

عندك حق طيب هقوم استحمي.

ضحكت صوفيا وهي تسحبها لمكان دوره المياه 

اخذت ورد حمام ساخن واعجبها المغطس الخاص بصوفيا فهو مغطس كبير وماءه متجدد وساخن واعجبتها الزيوت العطريه وخرجت ترتدي سويت شرت وبنطال واللكلوك الخاص بها 

صوفيا بتقييم وهي وتستنشق الروائح 

بتحبي الروايح المسكره؟

ورد بضحكه 

جداااا انتي الحمام بتاعك يشجع علي النضافه الصراحه. 

ضحكت صوفيا 

البيوت هنا كلها كده مش حمامي بس,اهل ارض القمر  اهم حاجه عندهم النضافه.

ورد بحماس 

احكيلي ياصوفيا اللي تعرفيه عنهم. 

صوفيا بجديه شديه 

بصي ياورد هنا الكل بيشتغل وبيبتكر وهتلاقي هنا لغات كتير منهم اللاتينيه الحمد لله اني كنت بركز ف دروس امي والسريانيه ودي انا لقط منها كام كلمه هنا ودي اسوء فئه ممكن تقابليها والمصريه القديمه والارمانيه والعاميه وزي ماهتلاقي لغات كتير هتلاقي كل واحد فيهم بيقوم بطقوس غير التاني ومش هيلاقي اي اعتراض من اي مسؤل هنا كل واحد حر هنا كله متعلم فنون السحر كل الشعب بلا استثناء وفيه مكان مخصص للاطفال لتعليم السحر ف خدي بالك جدااا من معامله اي حد المكان هنا جماله خلاب بس حاضن نفوس وحشه قوي ولما تروحي بيت جدتك هتفهمك اكتر لان انا هنا من 5شهور بس ومش عارفه خبايه الارض هنا بس اعرف الاماكن المحظوره ومنها غرب ارض القمر لان هناك سحره اشرار ولو لمحو بنت غريبه بيقدموها قرابين وبطقوس مرعبه والشمال لان هناك حدود بحر الحوريات اللي بياكلو اي كائن حي ممكن يشوفوه والغابه الشرقيه لان فيها ملك الثعابين.