روايه بنات ارض القمر ( بقلم سماح سمير شبل) فنتازيا

الفصل السادس

الفصل السادس 
بقلم ؛ سماح سمير شبل عطالله

كانت ورد مصدومه من حديث  قاسم  أنه شقيقها بل وتوأمها، ابعدته عنها بعنف وصرخت 

انت بتقول ايه انا وحيده. 

ثم بكت وتكلمت بهستريا 

امي وابويا مخلفوش غيري .

احتضنتها صوفيا لتهدأ قليلا 

وكانت لالي وقاسم مصدومين 

لالي بهدوء 

جمر ماقلتش ليكي انك ليكي توأم (ثم ابتلعت غصه الم) واكملت

فقدت الامل انها تلاقي ابنها ومراته وابنه بعد مادورت ف كل شبر من ارض القمر 

ورد بدموع وصوت متحشرج

يعني هما سابوني واخدو اخويا كانو بيحبوك اكتر مني؟؟ 

قالتها وهي تنظر لقاسم بألم 

قاسم وهو يجلس علي ركبته امامها ويمسك يدها بحنان 

لا ياورد كانو هيسبونا احنا الاتنين بس انا صحيت وهما بيودعونا وعيطت وخافو جمر تصحي وتمنعهم ف امي شالتني وكل ماكانت تسبني اعيط علشان كده اخدوني صدقيني ياورد لغايه ماامي ماتت وهي بتحاول ترجع ليكي

ورد بقلب مشطور لسماعها بموت امها وحزن

اكمل قاسم كلامه وهو يمسح دموعها 

صدقيني ياحببتي انا اخوكي 

صوفيا بألم لحال ورد وقاسم 

وباباك فين؟

قاسم وهو يتنفس بعمق 

كنا المفروض ندخل ارض القمر وكانو ماشيين علي وصف جمر لجدي بس للاسف دخلو ارض السراب وحاولو يرجعو معرفوش قابلهم عملاق من عمالقه ارض السراب طلبو منه يدلهم قالهم ان ارض السراب الخروج منها بدم 

واسابهم ومشي ساعتها ابويا متتردتش بص حواليه لقي حجر مدبب جرح رجله بعصبيه نزل دمه علي الارض فجأه لقو نفسهم ف نفس  الجزيره اللي دخلو منها لارض السراب جريو علشان يرجعو تاني قابلهم راجل عجوز وطلب منهم مرافقته لارض القمر واقنعهم  ان ممكن يرجعهم للعالم بتاعهم بعد مايعيشو المغامره صدقوه ومشيو معاه بس كان مجرد ساحر ومحتاج قربان لشياطينه ويكون رضيع بعد ماوصلو بيته كلم زوجته بلغه السيريانيه فهم ابويا انه خدعه ومافهمش امي حاجه علشان يعرف يفكر ف هروبنا وبعد ماالساحر اطمن انهم مش بيعرفو لغته دخلهم اوضه يرتاحو فيها ودخل هو وزوجته ينامو ساعتها ابويا فهم امي وخدنا وخرج بهدوء من البيت وقبل مايبعدو كان الساحر بيجري وراهم وهو بيعزم بصوت مخيف وشياطينه ظهرو وحاصرو ابويا وكان الساحر مش فاهم ليه انا وامي شياطينه مش مقربه لينا ساعتها ابويا صرخ ف امي انها تهرب بسرعه كان ف الوقت اللي كانت امي مش عاوزه تهرب وتسيبه هو كان بصرخ فيها انه كده كده ميت الحجر اللي جرح نفسه بيه مسموم هربت امي ف نفس الوقت اللي كان الساحر بيخنق ابويا فيه علشان مش قادر يوصل لنا والسبب كان المصحف اللي ف شنطه امي جريت بيا وهي بتبكي وصلت حدود ارض الجن قابلها جنيه واشفقت عليها وعشنا هناك 12سنه وكل يوم امي تكلمني عنك وعن جمر وف يوم تعبت وقبل ماتموت كانت موصياني اني ادور عليكي واوصل ليكي