كوني أُنثي🌼

الرقة سلاح الانثى الأقوى !

الرقة ،، سلاح الانثى الأقوى !

اتفقنا كلنا هنتصالح مع الانثى الرقيقة اللى جوانا،،

وهنحبها أوى أووى ونهتم بيها وونكبرها جوانا .

فى البداية أحب اقولكم ان فى فرق بين الرقة ... والدلع ... والمياعة !

الدلع ماينفعش فى كل المواقف ولا مع كل الناس،،

والمياعة مرفووووضة فى كل المواقف ومن كل الناس ،،

انما الرقة حاجة تانية خااالص ،،

لالالالازم تكون طبع فى كل انثى ،،

بمعنى اصح اسلوب حياة .

الرقة فى الكلام .. فى الحركات .. حتى فى الزعل لازم أكون رقيقة .

قبل مانبدأ التطبيقات العملية لازم نستحضر النية .

النية؟؟ فى الرقة؟؟!

ايوة هقولك ازاى ،،

فى حديث للرسول صلى الله عليه وسلم :

" حُرِّمَ عَلَى النَّارِ كُلُّ هَيِّنٍ لَيِّنٍ سَهْلٍ قَرِيبٍ مِنَ النَّاسِ "

شوفتى الكلام هين.. لين .. سهل .. قريب من الناس ،،

كلها مصطلحات للرقة ،،

شوفتى ديننا جميل ازاى ،،

واللين أيضا ذكر فى القران :

فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ .."

شوفتى ؟؟ فبما رحمة من الله لنت لهم،،

يعنى اللين والرقة رحمة من ربنا سبحانه وتعالى،،

يعنى الانثى الرقيقة دى ربنا اداها نعمة كبيرة ،،

وهى نفسها بتكون نعمة كبيرة لكل اللى حواليها،،

غير المرأة الغليظة اللى الكل بينفض من حولها زى القران ماقال،،

يعنى لما بكون رقيقة دة فى ميزان حسناتى دة غير حب الناس ليا ،،

وبما ان الرقة هتكون طبعنا 24 ساعة فبالتالى الحسنات 24 ساعة ان شاء الله.

عشان اشجعك اكتررررر ،،

تخيلى معايا ،،،،

راقة جلاش ....و.... جذع شجرة !!

شوفتى احنا بنتعامل مع راقة الجلاش ازاى ؟

بأطراف صوابعنا ،،

وبالراحة كدة عشانها رقيقة ،،

بمعنى أصح بنحسس عليها أوووى ،،

أما جذع الشجرة الغليظ مش محتاجة اقولك بنتعامل معاه ازاى !

دة اذا حد فكر يتعامل معاه أصلااااا ،،

طبعا كلنا فهمنا الهدف من المثال ،،

وازاى الناس بتتعامل مع الانثى الرقيقة .

☆☆☆☆☆

فى حاجة مهمة أوووى قبل ماتبدأى ،،

ممكن تقولى لنفسك مش هينفع اتغير ،،

الناس اتعودوا عليا كدة ،،

هيقولوا بمثل ومش لايق عليا والكلام دة ،،

احب اطمنك ب 3حاجات :

الحاجة الاولى : الكورس بتاعنا هيرجعلك طبيعتك الرقيقة مشششش دلع ومياصة وكدة !!

الحاجة التانية: الرقة الطبيعية مع الابتسامة الصادقة بتأسر القلوب زى السحررر

لدرجة محدش هيفكر كنتى ايه وبقيتى ايه،،

تالت حاجة ودى قاعدة عامة للتغيير مش بس الرقة ،،

ودى تعتبر سرررررررر التغير،،

لما بتغيرى من نفسك ،،، اللى قدامك اول حاجة بيفكر فيها انك دى طبيعتك وهو اللى مكنش واخد باله ،،

بعد كدة ممكن يراجع نفسه ويا يطلع صح يا يطلع غلط ،،

ودى شطارتك انتى ،،

اثبتيله ان دى طبيعتك وهو اللى مكنش مركزز ولا واخد باله .

كدة احنا خلصنا انهاردة .....

☆☆☆☆☆

هنبدأ المرة الجاية ان شاء الله الخطوات العملية ،،

محتاجين تركيز ياملكات :)

خطوات الكورس هتكون متوزعة بالطريقة دى :

1 - الرقة فى الكلام .

ودى فيها 3 اجزاء

●نوع الكلام اللى بتقوله الانثى الرقيقة وبيميزها ،،

والكلام اللى مستحييييل تقوله .

●طريقة الكلام ومخارج الحروف "لذيذ الدرس دة" .

●ازاى ننطق انجلش صح وبرقة ،

بالاضافة لشوية كلمات انجلش تستعمليها فى يومك.

2- الرقة فى الحركات ودى هنتكلم فيها ان شاء الله عن الوقفة الرقيقة

وطريقة المشي والجلوس واللمسات والهمسات وحاجات كتيييير !!

3- الرقة فى الببت وبرة البيت .

4- الرقة مع الزوج والاولاد والناس ال بنتعامل معاهم.

5- حاجات متنوعة زى المقتنيات الشخصية والاكسسوارات واللبس والافتكاسات اللى تميزنا عن غيرنا .
#######
صلي علي من جلس علي ركبتيه ليواسي طفلا مات عصفوره 🍒